Прыведзены ніжэй каляндар уяўляе сабой абноўлены спіс дзён, у якія людзі ва ўсім свеце адзначаюць правы чалавека, шануюць іх абаронцаў, успамінаюць парушэнні правоў чалавека, а таксама выказваюць свае надзеі і радасць. Памятныя даты, прыведзеныя ў спісе, уключаюць міжнародныя дні, афіцыйна абвешчаныя ААН, сусветныя дні, якiя прызнаюцца НГА, гадавіны гістарычных падзей і дні нараджэння некаторых вядомых праваабаронцаў. Гэты спіс нельга лічыць поўным ці канчатковым – ён з’яўляецца толькі зыходным пунктам, і вы можаце дапаўняць яго ўласнымі памятнымі датамі.
Каляндар можна скапіраваць, аформіць у выглядзе плаката і выкарыстоўваць як насценны каляндар, каб абудзіць цікавасць да праблем правоў чалавека, паколькі ён дае добрае ўяўленне аб іх маштабе і разнастайнасці. Папрасіце ўдзельнікаў адказаць на пытанні: ці ўсе пералічаныя падзеі маюць для іх якое-небудзь значэнне? Якія мясцовыя і нацыянальныя важныя даты яны хацелі б дадаць?
Кожнае практыкаванне, прыведзенае ў главе 2, звязана з якой-небудзь памятнай датай. Каляндар можна выкарыстоўваць у якасці інструмента для распрацоўкі гадавой адукацыйнай праграмы ў сферы правоў чалавека. У пачатку кожнага тыдня або кожнага месяца можна праводзіць «тэматычнае» практыкаванне, напрыклад, 3 мая, у Сусветны дзень свабоды друку, можна правесці практыкаванне «Першая паласа», а 25 лістапада, у Міжнародны дзень ліквідацыі гвалту ў адносінах да жанчын, – практыкаванне «Хатнія справы». Можа здарыцца і так, што група захоча ўзяцца за справу і прыняць удзел у дзеяннях або мерапрыемствах, якія праводзяцца іншымі арганізацыямі, напрыклад экалагічнай групай у Дзень Зямлі, 22 красавіка.
Калі вам патрэбны зыходныя ідэі, каб пачаць нешта рабіць, вы можаце звярнуцца да раздзела «Практычная дзейнасць ад А да Я» ў навучальным пакеце «Усе роўныя – усе розныя». Падказкі і інструкцыі для ажыццяўлення эфектыўных дзеянняў вы знойдзеце ў главе 3 гэтага дапаможніка «Практычныя дзеянні ў падтрымку правоў чалавека». 
Як разуменне правоў чалавека змяняецца і развіваецца з кожным годам, так мусіць мяняцца і развівацца гэты каляндар. Найважнейшая задача для вас – карыстальнікаў гэтага дапаможніка – заключаецца ў пошуку новых форм прыцягнення ўвагі да правоў чалавека штодня на працягу ўсяго года.

 
Дата Памятны дзень Інфармацыя пра дату Практыкаванне
27 студзеня Дзень памяці ахвяр халакосту 27 студзеня быў вызвалены Аўшвіц-Біркенау – найбуйнейшы нацысцкі канцлагер. У 2005 годзе Генеральная Асамблея ААН абвясціла гэты дзень Міжнародным днём памяці ахвяр халакосту ў гонар тых, хто пацярпеў ад нацызму. Тэгі памяці
8 лютага Сусветны дзень бяспечнага Інтэрнэту Дзень бяспечнага Інтэрнэту арганізаваны Еўрапейскай сеткай цэнтраў бяспечнага Інтэрнэту Insafe для прасоўвання больш бяспечнага і адказнага выкарыстання анлайн-тэхналогіі і мабільных тэлефонаў, асабліва сярод дзяцей і моладзі. Маё жыццё не шоу!
12 лютага Дзень чырвонай рукі

Арганізацыі, якія падтрымліваюць глабальную кампанію чырвонай рукі для спынення выкарыстання дзяцей-салдат, уключаюць Human Rights Watch, Amnesty International, Маладзёжны Чырвоны Крыж у Германіі, Terre des Hommes і Plan International.

 Кіданне камянёў
21 лютага Міжнародны дзень роднай мовы З 1999 года падтрымліваецца ЮНЕСКА з мэтай заахвочваць шырокія міжнародныя абавязацельствы па прасоўванні шматмоўя і лінгвістычнай разнастайнасці, уключаючы абарону моў, якія знаходзяцца пад пагрозай знікнення. Моўны бар’ер
8 сакавіка Міжнародны жаночы дзень 8 сакавіка – Міжнародны жаночы дзень, у які адзначаюць эканамічныя, палітычныя і сацыяльныя дасягненні жанчын у мінулым, сучаснасці і будучыні. Упершыню Міжнародны жаночы дзень адзначаўся ў 1911 годзе. ААН пачала адзначаць Міжнародны жаночы дзень у 1975 годзе. Шлях у краіну Роўнасці
12 сакавіка Сусветны дзень барацьбы з цэнзурай у Інтэрнэце Сусветны дзень барацьбы з цэнзурай у Інтэрнэце быў абвешчаны 12 сакавіка 2009 года па просьбе арганізацый «Рэпарцёры без меж» і Amnesty International.  
18 сакавіка Першыя ў Еўропе парламенцкія выбары шляхам усеагульнага галасавання Гэта адбылося ў Фінляндыі ў 1917 годзе. Галасаваць ці не галасаваць?
21 сакавіка Сусветны дзень паэзіі Заснаваны ЮНЕСКА ў 1999 годзе. Мэта гэтага дня – спрыяць чытанню, складанню, публікацыі вершаў і выкладанню паэзіі ва ўсім свеце.  
21 сакавіка Міжнародны дзень барацьбы за ліквідацыю расавай дыскрымінацыі У гэты дзень у 1960 годзе паліцыя адкрыла агонь і забіла 69 чалавек падчас мірнай дэманстрацыі супраць законаў рэжыму апартэіду ў Шарпевілі (Паўднёвая Афрыка). Абвясціўшы гэты дзень у 1966 годзе, Генеральная Асамблея ААН заклікала сусветную супольнасць падвоіць намаганні, накіраваныя на знішчэнне ўсіх форм расавай дыскрымінацыі. Адказ расізму
22 сакавіка Сусветны дзень водных рэсурсаў Упершыню быў афіцыйна прапанаваны ў рамках дакумента «Парадак дня на XXI стагоддзе» на Канферэнцыі ААН па навакольным асяроддзі і развіцці (ЮНСЕД), якая прайшла ў 1992 годзе ў Рыа-дэ-Жанэйра (Бразілія), і пачаў адзначацца ў 1993 годзе. Яго мэта – садзейнічаць распаўсюджванню інфармацыі пра тое, наколькі развіццё водных рэсурсаў спрыяе эканамічнай прадукцыйнасці і сацыяльнаму дабрабыту.  
23 сакавіка

Сусветны метэаралагічны дзень

 Праца Сусветнай метэаралагічнай арганізацыі (СМА) у галіне прагназавання надвор’я надзвычай важная для такіх абласцей, як харчовая бяспека, водныя рэсурсы і транспарт.  
24 сакавіка Сусветны дзень барацьбы з сухотамі У гэты дзень у 1882 годзе годзе доктар Роберт Кох прадставіў сваё адкрыццё сухотнай палачкі групе лекараў у Берліне. Афіцыйна гэты дзень быў абвешчаны ў 1992 годзе Сусветнай арганізацыяй аховы здароўя.  
2-гі аўторак красавіка Еўрапейскі дзень роўнай зарплаты Заснаваны фондам BPW Europe, які аб’ядноўвае жанчын у бізнесе і прафесіі. Розныя зарплаты
7 красавіка Сусветны дзень здароўя Абвешчаны ў 1950 годзе Сусветнай арганізацыяй аховы здароўя для павышэння дасведчанасці аб непатрэбных пакутах і намаганнях, неабходных для забеспячэння жыцця і добрага здароўя. Хвіліначку
8 красавіка Міжнародны дзень цыганоў-рама Гэты дзень быў афіцыйна абвешчаны ў 1990 годзе для падтрымкі цыганскай культуры і павышэння дасведчанасці аб праблемах, з якімі сутыкаюцца цыганы-рама. Доста!
23 красавіка Сусветны дзень кніг і аўтарскага права Адзначаючы гэты дзень, ЮНЕСКА імкнецца паспрыяць чытанню, выдавецкай справе і абароне інтэлектуальнай уласнасці пры дапамозе аўтарскага права. Гэты дзень упершыню адзначаўся ў 1995 годзе. Таксама вядомы як Сусветны дзень кнігі.  
28 красавіка Сусветны дзень аховы працы Абвешчаны Міжнароднай арганізацыяй працы (МАП).  
1 мая Дзень міжнароднай салідарнасці рабочых Таксама вядомы як «Першае мая». Адзначаецца як свята міжнароднага працоўнага руху. Пасяджэнне прафсаюза
2-я субота мая Сусветны дзень справядлівага гандлю Заснаваны Сусветнай арганізацыяй справядлівага гандлю. Увага, мы ўсё бачым!
3 мая Сусветны дзень свабоды друку Абвешчаны ЮНЕСКА ў 1993 годзе для падтрымкі свабоды друку ва ўсім свеце і прызнання свабоднай, плюралістычнай і незалежнай прэсы неад’емным кампанентам дэмакратычнага грамадства. Першая паласа
5 мая Дзень Еўропы (для Савета Еўропы) Штогадовае свята міру і адзінства ў Еўропе. Існуюць два асобныя святы, якія носяць назву «Дзень Еўропы»: 5 мая для Савета Еўропы і 9 мая для Еўрапейскага саюза. Усе роўныя – усе розныя
8 мая Міжнародны дзень Чырвонага Крыжа і Чырвонага Паўмесяца У гэты дзень успамінаюцца і прызнаюцца заслугі Нацыянальных таварыстваў Чырвонага Крыжа і Чырвонага Паўмесяца ва ўсім свеце. «Бінга!» на тэму правоў
8–9 мая Дні памяці і прымірэння ў гонар тых, хто аддаў сваё жыццё падчас Другой сусветнай вайны Абвешчаны ў 2004 годзе Генеральнай Асамблеяй ААН у памяць аб усіх, хто загінуў падчас Другой сусветнай вайны. Тэгі памяці

15 мая

 Міжнародны дзень сям’і Абвешчаны ў 1993 годзе Генеральнай Асамблеяй ААН для павышэння дасведчанасці аб пытаннях сям’і. Праца і дзеці

15 мая

 Міжнародны дзень адмовы ад ваеннай службы па перакананнях сумлення Заснаваны Інтэрнацыяналам праціўнікаў вайны для прасоўвання негвалтоўных дзеянняў супраць прычын вайны, а таксама для падтрымкі і аб’яднання ва ўсім свеце людзей, якія адмаўляюцца ад удзелу ў вайне або ў падрыхтоўцы да вайны.  
17 мая Міжнародны дзень барацьбы з гамафобіяй і трансфобіяй ЮНЭЙДС, Аб’яднаная праграма ААН па ВІЧ (СНІДу). Каардынуецца «Камітэтам IDAHO», размешчаным у Парыжы. Пагаворым пра секс
17 мая

Сусветны дзень электрасувязі і інфармацыйнага грамадства

 Заснаваны ААН у 2005 годзе для павышэння глабальнай дасведчанасці ў пытаннях сацыяльных змен, выкліканых з’яўленнем Інтэрнэту і новых тэхналогій. Адной з яго мэт з’яўляецца таксама памяншэнне лічбавага разрыву.  
21 мая Сусветны дзень барацьбы з тэрарызмам Сусветны дзень барацьбы з тэрарызмам накіраваны супраць усіх форм тэрарызму і гвалту. Ён быў заснаваны ў Індыі, таму што «кожны год тысячы маладых людзей пападаюць у сеткі тэрарыстычных лагераў і арганізацый». Тэрарызм
21 мая Сусветны дзень культурнай разнастайнасці ў імя дыялогу і развіцця Абвешчаны ў 2002 годзе ААН для абароны культурнай разнастайнасці як сродку дасягнення росквіту, устойлівага развіцця і мірнага суіснавання ў глабальных маштабах. Варыянты нашай будучыні
22 мая Міжнародны дзень біялагічнай разнастайнасці Заснаваны Генеральнай Асамблеяй ААН у 2000 годзе для садзейнічання біялагічнай разнастайнасці. Раней святкаваўся 29 снежня.  
26 мая Сусветны дзень масавага спорту Праводзіцца штогод асацыяцыяй TAFISA (міжнароднай асацыяцыяй, якая прасоўвае ідэю «Спорт для ўсіх»). У гэты дзень супольнасці ва ўсім свеце спаборнічаюць адна з адной, каб матываваць як мага больш людзей быць больш фізічна актыўнымі. Спорт для ўсіх
28 мая Еўрапейскае свята суседзяў Гэты дзень фінансуецца Саветам Еўропы і накіраваны на ўмацаванне мясцовых супольнасцей з дапамогай арганізацыі раённых свят і іншых падобных мерапрыемстваў. Кветкі і правы
29 мая Міжнародны дзень міратворцаў ААН Абвешчаны ААН у 2002 годзе ў гонар усіх мужчын і жанчын, якія прымалі ўдзел у міратворчых аперацыях ААН і паказалі высокі ўзровень прафесіяналізму, адданасць і адвагу; свята шануе памяць тых, хто аддаў сваё жыццё за справу міру.  
31 мая Сусветны дзень без тытуню Заснаваны ў 1987 годзе Сусветнай арганізацыяй аховы здароўя для заахвочвання 24-часового ўстрымання ад усіх форм тытуню і прыцягнення ўвагі сусветнай супольнасці да шырока распаўсюджанага ўжывання тытуню і адпаведных рызык для здароўя.  
4 чэрвеня Міжнародны дзень нявінных дзяцей – ахвяр агрэсіі Праводзіцца з 1982 года для прызнання і напаміну людзям пра пакуты мноства дзяцей – ахвяр фізічнага, псіхалагічнага і эмацыянальнага гвалту і пра неабходнасць абароны правоў дзяцей. Ці ёсць у нас альтэрнатывы?
5 чэрвеня Сусветны дзень аховы навакольнага асяроддзя Генеральная Асамблея ААН абвясціла гэты дзень у 1972 годзе з мэтай павысіць дасведчанасць грамадства пра неабходнасць аховы навакольнага асяроддзя. Пагуляем на пальцах!
12 чэрвеня Сусветны дзень барацьбы з дзіцячай працай Міжнародная арганізацыя працы (МАП) упершыню адзначыла Сусветны дзень барацьбы з дзіцячай працай у 2002 годзе. Гісторыя Ашыка
17 чэрвеня Сусветны дзень барацьбы з апустыньваннем і засухай Абвешчаны ААН у 1995 годзе для павышэння дасведчанасці аб неабходнасці міжнароднага супрацоўніцтва для барацьбы з апустыньваннем і наступствамі засухі, уключаючы рэалізацыю Канвенцыі па барацьбе з апустыньваннем.  
20 чэрвеня Сусветны дзень бежанцаў Абвешчаны ў 2000 годзе Генеральнай Асамблеяй ААН у гонар 50-гадовага юбілею прыняцця Канвенцыі аб статусе бежанцаў 1951 года. Можна ўвайсці?
23 чэрвеня Дзень дзяржаўнай службы ААН Абвешчаны ААН з мэтай падкрэсліць уклад дзяржаўнай службы ў працэс развіцця.  

26 чэрвеня

Міжнародны дзень барацьбы з ужываннем наркотыкаў і іх незаконным абаротам

 У 1987 годзе Генеральная Асамблея ААН вырашыла абвясціць гэты дзень для ўзмацнення мер і супрацоўніцтва з мэтай вызвалення сусветнага грамадства ад наркотыкаў.  
26 чэрвеня Міжнародны дзень Арганізацыі Аб’яднаных Нацый у падтрымку ахвяр катаванняў Абвешчаны ААН у 1997 годзе, гэты дзень накіраваны на ліквідацыю катаванняў і эфектыўнае выкананне Канвенцыі 1984 года супраць катаванняў і іншага жорсткага, бесчалавечнага або зневажальнага абыходжання ці пакарання. Упершыню гэты дзень быў адзначаны 26 чэрвеня 1987 года. Чахал супраць Вялікабрытаніі
1-я субота ліпеня Міжнародны дзень кааператываў Абвешчаны ў 1992 годзе Генеральнай Асамблеяй ААН. Гэтай датай адзначаецца стагоддзе Міжнароднага кааператыўнага альянсу ў пацвярджэнне таго, што кааператывы з’яўляюцца неабходным фактарам эканамічнага і сацыяльнага развіцця.  
11 ліпеня Сусветны дзень народанасельніцтва Абвешчаны ў 1989 годзе Праграмай развіцця ААН (ПРААН) для прыцягнення ўвагі да тэрміновасці і важнасці праблем народанасельніцтва.  
18 ліпеня Міжнародны дзень Нельсана Мандэлы У 2009 годзе ААН абвясціла 18 ліпеня «Міжнародным днём Нельсана Мандэлы» ў знак прызнання ўкладу былога прэзідэнта Паўднёвай Афрыкі ў культуру міру і свабоды. Гераіні і героі
2 жніўня Дзень памяці ахвяр генацыду цыганоў-рама і сінці Гэта дата азначае ліквідацыю так званага «сямейнага цыганскага лагера», калі нацысты забілі амаль тры тысячы мужчын, жанчын і дзяцей у газавых камерах Біркенау ў ноч з 2 на 3 жніўня 1944 года.  
6 жніўня Дзень памяці ахвяр Хірасімы У гэты дзень шануюць памяць ахвяр першай атамнай бамбардзіроўкі ў Хірасіме (Японія) у 1945 годзе.  
9 жніўня Міжнародны дзень карэнных народаў свету Абвешчаны ў 1994 годзе Генеральнай Асамблеяй ААН для падтрымкі і абароны правоў карэнных народаў свету. Мака-кітабоі
12 жніўня Міжнародны дзень моладзі Абвешчаны ААН у 1999 годзе для прыцягнення ўвагі да праблем моладзі ва ўсім свеце. Варыянты нашай будучыні
23 жніўня Міжнародны дзень памяці ахвяр гандлю рабамі і яго ліквідацыі Дзень, абвешчаны ЮНЕСКА ў памяць ахвяр трансатлантычнага гандлю рабамі. Ён нагадвае пра падзеі, якія адбыліся 23 жніўня 1791 года, калі рабы Санта-Дамінга ў Карыбскім басейне паднялі паўстанне, якое ў канчатковым выніку прывяло да рэвалюцыі на Гаіці і спрыяла справе абароны правоў чалавека. Храналогія правоў
23 жніўня

Еўрапейскі дзень памяці ахвяр сталінізму і нацызму

 Абвешчаны Еўрапейскім парламентам у 2008 годзе.  
8 верасня Міжнародны дзень пісьменнасці Абвешчаны ЮНЕСКА, гэты дзень упершыню быў адзначаны ў 1966 годзе. Яго мэта – падкрэсліць важнасць пісьменнасці для асоб, супольнасцей і грамадстваў. Адукацыя для ўсіх?
15 верасня Міжнародны дзень дэмакратыі Абвешчаны ААН у 2007 годзе. Вузы супрацоўніцтва
19 верасня Дзень выбарчага права У гэты дзень у 1893 годзе Новая Зеландыя дала жанчынам права голасу, стаўшы такім чынам першай краінай свету, у якой было ўведзена ўсеагульнае выбарчае права. Выбірай!
21 верасня Міжнародны дзень міру Абвешчаны ў 1981 годзе Генеральнай Асамблеяй ААН як дзень усеагульнага спынення агню і адмовы ад гвалту, запрашэнне ўсіх нацый і людзей спыніць варожыя дзеянні ўсяго на адзін дзень. Мячэць у Сліпівілі
28 верасня Міжнародны дзень права ведаць Заснаваны прыхільнікамі свабоднага доступу да інфармацыі ва ўсім свеце. Упершыню адзначаўся ў 2003 годзе. Яго мэта – павышэнне дасведчанасці аб праве кожнага на доступ да інфармацыі, якой валодае ўрад. На лесвіцы
1-шы панядзелак кастрычніка Сусветны дзень Хабітат (гарадоў без трушчоб) Упершыню адзначаўся ў 1986 годзе. Мэта гэтага дня – заклікаць задумацца пра стан нашых гарадоў і асноўнае права чалавека на прыдатнае жыллё. Аповесць пра два гарады
2-я серада кастрычніка Міжнародны дзень змяншэння рызыкі стыхійных бедстваў Абвешчаны ААН у 2002 годзе для прасоўвання глабальнай культуры памяншэння рызыкі бедстваў, уключаючы іх прадухіленне, змякчэнне і гатоўнасць да іх. Сетка жыцця
1 кастрычніка Міжнародны дзень пажылых людзей У 1990 годзе Генеральная Асамблея ААН абвясціла гэты дзень з мэтай павышэння дасведчанасці па пытаннях, якія тычацца пажылых людзей, і для прызнання ўкладу пажылых людзей у грамадства.  
1 кастрычніка Міжнародны дзень музыкі Абвешчаны ў 1975 годзе Міжнародным музычным саветам для прасоўвання музыкі ва ўсіх пластах грамадства.  
2 кастрычніка Міжнародны дзень ненасілля Міжнародны дзень ненасілля, абвешчаны ААН, прасоўвае ненасілле праз адукацыю і павышэнне дасведчанасці. Супадае з днём нараджэння Махатмы Гандзі. Гвалт у маім жыцці
5 кастрычніка Сусветны дзень настаўніка Абвешчаны ЮНЕСКА ў 1994 годзе з мэтай мабілізаваць падтрымку настаўнікаў і забяспечыць задавальненне настаўнікамі патрэб будучых пакаленняў. Хутка састарэе
7 кастрычніка

Сусветны дзень дзеянняў за дастойную працу

 Абвешчанае ў 2008 годзе Міжнароднай канфедэрацыяй прафсаюзаў, гэта свята прысвечана змаганню прафсаюзаў ва ўсім свеце за дастойную працу. Я хачу працаваць!
2-гі чацвер кастрычніка Сусветны дзень зроку Сусветная арганізацыя аховы здароўя абвясціла гэты дзень днём прыцягнення глабальнай увагі да праблем слепаты, праблем зроку і рэабілітацыі людзей з праблемамі зроку. Змяніце свае акуляры
10 кастрычніка Міжнародны дзень барацьбы са смяротным пакараннем Адзначаецца з 2002 года па ініцыятыве Сусветнай кааліцыі супраць смяротнага пакарання. Калі прыйдзе заўтра
10 кастрычніка Сусветны дзень псіхічнага здароўя Упершыню адзначаўся ў 1992 годзе па ініцыятыве Сусветнай федэрацыі псіхічнага здароўя. Хто я такія?
Тыдзень, на які выпадае 15 кастрычніка  Еўрапейскі тыдзень мясцовай дэмакратыі Падтрымліваецца Саветам Еўропы для ўмацавання ведаў аб мясцовай дэмакратыі і прасоўвання ідэі аб удзеле ў мясцовым дэмакратычным жыцці. Пачуць голас кожнага
16 кастрычніка Сусветны дзень харчавання Абвешчаны ААН у 1979 годзе для павышэння дасведчанасці насельніцтва аб сусветнай праблеме харчавання і ўмацавання салідарнасці ў барацьбе з голадам, недаяданнем і беднасцю. Зрабі крок наперад
17 кастрычніка Міжнародны дзень барацьбы за ліквідацыю беднасці Абвешчаны ў 1992 годзе Генеральнай Асамблеяй ААН для павышэння дасведчанасці аб неабходнасці ліквідацыі беднасці і нястачы ва ўсіх краінах, асабліва ў краінах, якія развіваюцца. Барацьба за багацце і ўладу
24 кастрычніка Дзень Арганізацыі Аб’яднаных Нацый Абвешчаны ў 1947 годзе ў гонар юбілею прыняцця Статута ААН. Гэты дзень «павінен быць прысвечаны інфармаванню народаў свету аб мэтах і дасягненнях Арганізацыі Аб’яднаных Нацый і ўзмацненню падтрымкі яе працы».  
24–30 кастрычніка Тыдзень раззбраення У 1978 годзе ААН абвясціла Тыдзень раззбраення, каб падкрэсліць небяспеку гонкі ўзбраенняў, распаўсюдзіць інфармацыю пра неабходнасць яе спынення і павысіць разуменне насельніцтвам тэрміновасці праблемы раззбраення.  
25 кастрычніка Міжнародны дзень мастака Міжнародны дзень мастака быў абвешчаны па масавай ініцыятыве простых людзей. 25 кастрычніка – дзень нараджэння Пікаса. Гульні з відарысамі
3 лістапада Міжнародны дзень мужчын Міжнародны дзень мужчын быў упершыню адзначаны ў 1999 годзе ў Трынідадзе і Табага. Гэта свята падтрымлівае ААН. Яно прыцягвае ўвагу да здароўя мужчын і хлопчыкаў, паляпшае гендарныя адносіны і падкрэслівае станоўчыя мужчынскія мадэлі для пераймання. Шлях у краіну Роўнасці
4 лістапада Еўрапейская канвенцыя аб абароне правоў чалавека Еўрапейская канвенцыя аб абароне правоў чалавека была падпісана ў гэты дзень у 1950 годзе. Электрастанцыя
6 лістапада Міжнародны дзень прадухілення эксплуатацыі навакольнага асяроддзя падчас вайны і ўзброеных канфліктаў Гэты дзень быў абвешчаны ААН у 2001 годзе для садзейнічання абароне нашага агульнага навакольнага асяроддзя падчас узброеных канфліктаў, калі экасістэмам і прыродным рэсурсам наносіцца шкода, якая мае працяглыя наступствы пасля заканчэння такіх канфліктаў і выходзіць за рамкі нацыянальных тэрыторый і сучаснага пакалення.  
9 лістапада Міжнародны дзень супраць фашызму і антысемітызму (Крыштальная ноч) У гэты дзень у 1938 годзе нацысты пачалі масавыя пагромы яўрэяў. Многія сінагогі і крамы былі атакаваны і спалены. З-за разбітых вітрын гэта ноч атрымала назву «Крыштальная ноч». Дзень прызнаны Саветам Еўропы.  
9 лістапада Падзенне Берлінскай сцяны ў 1989 годзе Гэты дзень сімвалізуе пачатак падзення бар’ераў паміж Заходняй і Усходняй Еўропай.  
11 лістапада Сусветны дзень навукі за мір і развіццё Абвешчаны ЮНЕСКА ў 2001 годзе для павышэння ўзроўню інфармаванасці грамадскасці аб ролі навукі ў мірным і ўстойлівым развіцці грамадства. Ён таксама спрыяе нацыянальнай і міжнароднай салідарнасці ў пытаннях навуковага супрацоўніцтва паміж краінамі.  
16 лістапада Міжнародны дзень, прысвечаны цярпімасці Абвешчаны ЮНЕСКА ў 1995 годзе для павышэння дасведчанасці аб небяспецы нецярпімасці. Вернікі
18 лістапада Дзень барацьбы з гандлем людзьмі Абвешчаны ў 2007 годзе ў адпаведнасці з рэкамендацыяй Еўрапейскага парламента; гэты дзень спрыяе павышэнню дасведчанасці аб неабходнасці паляпшэння палітыкі, накіраванай на прадухіленне гандлю людзьмі і барацьбу з ім.  
20 лістапада Сусветны дзень дзіцяці Абвешчаны ААН у 1954 годзе як дзень сусветнага братэрства і разумення паміж дзецьмі, а таксама дзень мерапрыемстваў, накіраваных на паляпшэнне дабрабыту дзяцей ва ўсім свеце. Правы дзяцей
21 лістапада Сусветны дзень тэлебачання Абвешчаны ААН у 1996 годзе для заахвочвання абмену тэлевізійнымі праграмамі, прысвечанымі праблемам міру, бяспекі, а таксама сацыяльнага і эканамічнага развіцця і пашырэння культурнага абмену. Гульні з відарысамі
25 лістапада Міжнародны дзень барацьбы за ліквідацыю гвалту ў адносінах да жанчын Актывісткі адзначаюць 25 лістапада як дзень барацьбы супраць гвалту з 1981 года. У 1999 годзе гэты дзень быў прызнаны ААН з мэтай павысіць дасведчанасць грамадскасці і «сказаць “не” гвалту ў дачыненні да жанчын». Хатнія справы
29 лістапада Міжнародны дзень салідарнасці з палесцінскім народам Абвешчаны ААН у 1977 годзе з мэтай выказаць салідарнасць шляхам арганізацыі выставак, прысвечаных тэме правоў палесцінцаў, і іншых культурных мерапрыемстваў.  
1 снежня Сусветны дзень барацьбы са СНІДам Абвешчаны ААН (СААЗ) у 1988 годзе з нагоды занепакоенасці пандэмічным размахам распаўсюджвання сіндрому набытага імунадэфіцыту (СНІДу). Доступ да лекаў
2 снежня Міжнародны дзень барацьбы за адмену рабства У памяць прыняцця ААН у 1949 годзе Канвенцыі аб барацьбе з гандлем людзьмі і з эксплуатацыяй прастытуцыі трэцімі асобамі.  
3 снежня Міжнародны дзень людзей з інваліднасцю Абвешчаны ААН у 1992 годзе для павышэння дасведчанасці і вызначэння мер для паляпшэння сітуацыі людзей з інваліднасцю і забеспячэння іх роўнымі магчымасцямі. Убачыць свае магчымасці
5 снежня Міжнародны дзень добраахвотнікаў у імя эканамічнага і сацыяльнага развіцця Абвешчаны ААН у 1985 годзе для павышэння інфармаванасці пра ўклад валанцёрскіх службаў, стымулюючы такім чынам людзей любой прафесіі прапаноўваць свае паслугі ў якасці добраахвотнікаў як у сваёй краіне, так і за мяжой. Дзе вы стаіце?
9 снежня Міжнародны дзень барацьбы з карупцыяй Абвешчаны ААН у 2003 годзе для павышэння дасведчанасці аб карупцыі, спынення прыняцця карупцыі як непазбежнага факта і вызначэння карупцыі як адной з галоўных перашкод на шляху да развіцця.  
10 снежня Дзень правоў чалавека У 1950 годзе Генеральная Асамблея ААН прапанавала ўсім дзяржавам і зацікаўленым арганізацыям адзначыць гэты дзень для таго, каб увекавечыць гадавіну прыняцця Ўсеагульнай дэкларацыі правоў чалавека ў 1948 годзе. Гульня «Намалюй слова», Сыграем гэта, Змагары за правы
18 снежня Міжнародны дзень мігранта Абвешчаны ААН у 2002 годзе з мэтай забяспечыць павагу правоў чалавека і асноўных свабод усіх мігрантаў. Тры рэчы
20 снежня Міжнародны дзень салідарнасці людзей Ініцыятыва ААН, распачатая ў 2005 годзе ў рамках барацьбы з беднасцю для святкавання нашага адзінства ў разнастайнасці і прасоўвання салідарнасці для дасягнення Мэт развіцця тысячагоддзя. Колькі нам трэба?