Në vitin 2025, Shqipëria festoi 30 vjet anëtarësim në Këshillin e Europës, tre dekada përkushtimi të përbashkët ndaj të drejtave të njeriut, demokracisë dhe sundimit të ligjit.
Gjatë kësaj periudhe, Këshilli i Europës ka qenë një partner strategjik kyç për Shqipërinë, duke ofruar ekspertizë dhe mbështetje për të avancuar reformat në fusha kritike si drejtësia, qeverisja e mirë, liria e medias dhe mbrojtja e të drejtave themelore. Ky bashkëpunim ka mbështetur drejtpërdrejt progresin e Shqipërisë drejt anëtarësimit në Bashkimin Evropian.
Për të shënuar këtë moment, Përfaqësia e Përhershme e Shqipërisë pranë Këshillit të Europës dhe Drejtoria për Koordinimin e Programeve (DPC) e Këshillit të Europës, bashkë-organizuan aktivitetin “Shqipëria dhe Këshilli i Europës: Një udhëtim drejt anëtarësimit në Bashkimin Evropian”.
Përfaqësues nga institucionet shqiptare, Këshilli i Europës dhe Bashkimi Europian u takuan për të demonstruar rezultatet konkrete të arritura gjatë viteve të bashkëpunimit dhe se çfarë do të thotë kjo në praktikë për qytetarët shqiptarë në jetën e tyre të përditshme.
Fjalët hapëse u mbajtën nga Dastid Koreshi, Ambasador dhe Përfaqësues i Përhershëm i Shqipërisë pranë Këshillit të Europës, Claus Neukirch, Drejtor i Koordinimit të Programeve, dhe Vesna Kos, Ambasadore dhe Përfaqësuese e Përhershme e Bashkimit Europian pranë Këshillit të Europës.
Albania country page on co-operation
Council of Europe Office in Tirana website
Sheshi Skenderbej,
+355 4 45 40 201