Këshilli i Shqiptar i Mediave organizoi një tryezë të rrumbullakët me temë "E drejta e autorit, jo e drejtë e kopjimit" në Tiranë më 25 qershor 2018 duke u fokusuar në çështjet e autorësisë së medias, veçanërisht në internet. Aktiviteti synonte nxitjen e diskutimeve mbi sfidat me të cilat përballen gazetarët shqiptarë lidhur me të drejtën e autorit dhe pronësinë intelektuale në median e re.

Pjesëmarrësit vlerësuan se media online po lulëzon në Shqipëri dhe ka krijuar mundësi të mëdha për përmbajtje dhe shprehjen e medias, por ka krijuar gjithashtu një seri sfidash për të drejtën e autorit dhe pronësinë intelektuale. Akademikë të njohur, gazetarë, blogerë të portaleve në internet dhe avokatë të pronësisë intelektuale shkëmbyen ide të ndryshme që konkluduan se mediat në internet duhet të jenë në përputhje me kodin e etikës gazetareske nëse do të bëhet një burim serioz mediatik.

Një ide që gjeti mbështetje ishte krijimi i një memorandumi mirëkuptimi me rregulla të rëna dakord mbi mënyrën e ripërdorimit të përmbajtjes dhe referencimit si dhe ruajtjes së standardeve të gazetarisë së mirëfilltë si një garanci për vetë-rregullimin në mediat e reja.

Aktiviteti u mundësua falë një granti në kuadër të projektit te përbashkët të Bashkimit Evropian dhe CoE “Përforcimi i Ekspertizës Gjyqësore për Lirinë e Shprehjes dhe Mediave në Evropën Juglindore (JUFREX)”.

Ky aktivitet u zbatua me ndihmën financiare të Bashkimit Evropian dhe Këshillit të Evropës. Pikëpamjet e shprehura këtu nuk mund të merren në asnjë mënyrë për të reflektuar opinionin zyrtar të Bashkimit Evropian.