Mbështetje për Ciklin e Procesit Zgjedhor në Shqipëri

Back Prezantimi i projektit të ri të BE-së dhe Këshillit të Evropës për mbështetjen e ciklit të procesit zgjedhor në Shqipëri

Jutbina HOXHA

Modified 6 Months ago.

Prezantimi i projektit të ri të BE-së dhe Këshillit të Evropës për mbështetjen e ciklit të procesit zgjedhor në Shqipëri

Këshilli i Evropës prezantoi zyrtarisht projektin e ri Mbështetje për Ciklin Zgjedhor në Shqipëri (SECA), të bashkë-financuar nga Bashkimi Evropian.

Prezantimi, i organizuar në bashkëpunim me Komisionin Qendror të Zgjedhjeve, mblodhi së bashku përfaqësues të nivelit të lartë të institucioneve publike, trupit diplomatik, organizatave ndërkombëtare, ekspertëve, shoqërisë civile dhe medias. Ata ofruan diskutime të vlefshme mbi sfidat kryesore që prekin procesin zgjedhor dhe ri-konfirmuan angazhimin e përbashkët për zgjedhje gjithëpërfshirëse, të besueshme dhe transparente.

Takimi u përshëndet nga fjalët e Ambasadorit të Delegacionit të Bashkimit Evropian në Shqipëri, Silvio Gonzato; Ilirjan Celibashi, Komisioneri Shtetëror i Zgjedhjeve; Liri Kopaçi-Di Michele, Drejtuesja e Divizionit për Zgjedhje dhe Bashkëpunimin Parlamentar në Asamblenë Parlamentare të Këshillit të Europës, dhe Giulia Re, Shefe e Zyrës së Këshillit të Evropës në Tiranë. Mesazhet kryesore theksuan se reforma e ardhshme zgjedhore në Shqipëri përbën një mundësi thelbësore për të forcuar profesionalizmin, paanshmërinë dhe qëndrueshmërinë e administratës zgjedhor – një proces thelbësor në avancimin e vendit drejt anëtarësimit në Bashkimin Evropian.

Projekti SECA fokusohet në forcimin e pavarësisë dhe kapaciteteve institucionale të Komisionit Qendror të Zgjedhjeve (KQZ), si dhe në promovimin e pjesëmarrjes gjithëpërfshirëse të organizatave të shoqërisë civile dhe medias në proceset zgjedhore. Nisma synon të integrojë praktikat e qëndrueshme në administrimin zgjedhor dhe të forcojë profesionalizmin dhe paanshmërinë e administratës zgjedhor. Duke vendosur një dialog të strukturuar midis KQZ-së dhe organizatave të shoqërisë civile, SECA synon të rrisë besimin e publikut ndaj procesit zgjedhor, institucioneve dhe legjitimitetit të tyre.

I bashkë-financuar nga Bashkimi Evropian dhe Këshilli i Evropës, projekti SECA zbatohet nga Këshilli i Evropës, nën mbikëqyrjen e Asamblesë së tij Parlamentare. Projekti do të zgjasë 36 muaj, nga korriku 2025 deri në korrik 2028.

Tiranë, Shqipëri 13 Nëntor 2025

Diminuer la taille du texte
Augmenter la taille du texte
Imprimer la page

Shiko lajmet nga projekti SECA >>

Projekti “Mbështetje për Ciklin e Procesit Zgjedhor në Shqipëri” synon të promovojë një proces zgjedhor demokratik, transparent dhe gjithëpërfshirës në Shqipëri. Kjo iniciativë fokusohet në forcimin e pavarësisë dhe kapaciteteve institucionale të Komisionit Qendror të Zgjedhjeve (KQZ) si dhe në nxitjen e pjesëmarrjes gjithëpërfshirëse të organizatave të shoqërisë civile dhe mediave në proceset zgjedhore, duke synuar përfshirjen e praktikave të qëndrueshme në administrimin zgjedhor. Rritja profesionale dhe paanshmëria e administratës zgjedhore, si dhe krijimi i një dialogu të strukturuar mes KQZ-së dhe organizatave të shoqërisë civile (OJQ) do të sjellë rritjen e besimit të publikut ndaj procesit zgjedhor, institucioneve dhe legjitimitetit të tyre. Ndërhyrjet e propozuara janë plotësisht në përputhje me prioritetet strategjike të KQZ-së (2022-2026) dhe bazohen në iniciativat dhe ekspertizën e mëparshme të Këshillit të Evropës në fushën e asistencës zgjedhore. Projekti i përbashkët bashkëfinancohet nga Bashkimi Evropian në kuadër të Instrumentit për Para-Anëtarësim (IPA) III – Nisma ‘BE për Demokraci’ për të kontribuar në demokracinë gjithëpërfshirëse në Shqipëri në kontekstin e anëtarësimit në Bashkimin Evropian.

Cilat janë objektivat?

Forcimi i funksionimit demokratik dhe të pavarur të KQZ-së dhe mbështetje ndaj reformave dhe proceseve të administrimit zgjedhor në përputhje me standardet e Bashkimit Evropian dhe ato ndërkombëtare;
Nxitja e pjesëmarrjes dhe kontributit të organizatave të shoqërisë civile dhe të medias në procesin e vendimmarrjes;
Forcimi i besimit të publikut tek zgjedhjet dhe promovimi i pjesëmarrjes së informuar dhe demokratike.

Kush përfiton?

Komisioni Qendror i Zgjedhjeve në Shqipëri;
Anëtarët e administratës zgjedhore;
Organizatat e shoqërisë civile;
Organizatat e medias / Gazetarët;
Të rinjtë, votuesit e rinj dhe ata që votojnë për herë të parë, gratë, minoritetet, personat me aftësi ndryshe dhe grupet e tjera vulnerabël;
Qytetarët e Shqipërisë.

Cilat janë aktivitetet kryesore?

Projekti do të kontribuojë veçanërisht në garantimin e mëtejshëm të proceseve zgjedhore të lira dhe të ndershme duke:

Mbështetur krijimin e një Qendre të Pavarur dhe Profesionale të Trajnimit dhe Edukimit të Vazhdueshëm për administratën zgjedhore, së bashku me kapacitetet dhe mjetet përkatëse;
Rritur transparencën mbi financimin e partive politike dhe parandalimin e keqpërdorimit të burimeve shtetërore përmes forcimit të kapaciteteve dhe mekanizmave mbikëqyrës të KQZ-së;
Forcuar kuadrin rregullator dhe masat mbrojtëse të teknologjisë së informacionit dhe komunikimit të KQZ-së;
Përmirësuar edukimin e votuesve dhe pjesëmarrjen gjithëpërfshirëse në zgjedhje;
Institucionalizuar dhe forcuar dialogun konsultues mes KQZ-së, organizatave të shoqërisë civile dhe mediave;
Fuqizuar kapacitetet e organizatave të shoqërisë civile dhe mediave për t’u angazhuar në mënyrë efektive në formësimin e politikave, raportimin dhe monitorimin e proceseve zgjedhore, edukimin zgjedhor, e te tjera, në përputhje me standardet evropiane.

Cfarë presim të arrijmë?

Kapacitetete të përmirësuara institucionale të KQZ-së dhe qeverisje më demokratike;
Pjesëmarrje e lartë e organizatave të shoqërisë civile dhe mediave në mbikëqyrjen e proceseve zgjedhore dhe formësimin e politikave;
Përmirësim të besimit të publikut në proceset dhe institucionet zgjedhore;
Mbulim mediak më të balancuar dhe vendim-marrje të informuar nga votuesit.

Si do të zhvillohet?

Përmes një kombinimi aktivitetesh të përshtatura për zhvillimin e kapaciteteve, krijimin e metodologjive të reja të trajnimit dhe edukimit të vazhdueshëm, trajnimit të te trajnerëve, zhvillimin e kurikulave përmes mjeteve elektronike;
Mbështetje ndaj organizatave me grante;
Mbështetje përmes mjeteve të teknologjisë së informacionit dhe komunikimit, hulumtive, aktiviteteve ndërgjegjësuese, rrjetëzim dhe shkëmbime mes palëve.