Një trajnim tre ditor mbi pjesëmarrjen qytetare u organizua nga Kongresi nga data 15 deri më 17 shtator 2026 në Tiranë.  Trajnimi mblodhi së bashku ekspertë të pavarur, specialistë nga Bashkitë e Lezhës, Shkodrës, Kukësit, Kamzës, Vaut të Dejës, Korçës, Elbasanit, Tiranës dhe Durrësit, si dhe përfaqësues të Akademisë së Trajnimit të Qeverisjes Vendore (TALGA). Rezultati ishte forcimi i ekspertizës praktike mbi mjetet inovatore për angazhimin e komunitetit, vendimmarrjen vendore dhe demokracinë pjesëmarrëse.

I bazuar në standardet e Këshillit të Evropës, veçanërisht në Protokollin Shtesë të Kartës Evropiane të Autonomisë Vendore mbi të drejtën për të marrë pjesë në çështjet e një autoriteti vendor, trajnimi ofroi udhëzime praktike mbi Toolkit-in për Pjesëmarrjen Qytetare, CivicLab dhe UChange, të cilat tashmë përdoren në disa shtete anëtare të Këshillit të Evropës. Pjesëmarrësit shqyrtuan praktikat e mira për angazhimin strategjik të komunitetit dhe konsultimin kuptimplotë, diskutuan përshtatjen e këtyre qasjeve në kontekstin shqiptar dhe identifikuan ndërhyrje të mundshme në bashki të caktuara, si dhe nevojat për trajnime dhe mentorim në vijim.

Trajnimi synoi të krijojë një grup ekspertësh shqiptarë të aftë për të zbatuar mjetet e Këshillit të Evropës për pjesëmarrjen qytetare. Pas trajnimit, Kongresi do të fillojë mbështetjen për bashkitë në përmirësimin e pjesëmarrjes qytetare dhe praktikave demokratike inovative.

Ky aktivitet u organizua në kuadër të Projektit ALGORA (Avancimi i Qeverisjes Vendore dhe Angazhimit Qytetar përmes Reformës Institucionale në Shqipëri), i zbatuar nga Qendra e Ekspertizës për Qeverisjen në Shumë Nivele e Kongresit dhe financuar nga Ministria Federale e Punëve të Jashtme e Gjermanisë (Auswärtiges Amt).