Првиот состанок на работната група (РГ) за зајакнување на континуираната обука на полицијата се одржа во Скопје на 17-18 јануари 2017 г. Целта на состанокот беше да се разгледаат постојните програми за континуирана обука на полицијата и да се изготват препораки за подобрување врз база на наодите од мисијата за проценка, која беше спроведена во ноември 2016 г. Извештајот за проценка беше презентиран и членовите на РГ разговараа за можностите за зајакнување на континуираната обука на полицијата и потенцијалното ревидирање на трите модули кои беа развиени во рамки на претходната Заедничка програма.

Состанокот беше насочуван од страна на двајца меѓународни консултанти. Работната група беше составена од вкупно 8 членови, претставници од Министерството за внатрешни работи, вклучувајќи полициски службеници од различни полициски станици и вработени во Центарот за обука при МВР.

Состанокот на работната група беше организиран како дел од проектот „Јакнење на почитувањето на човековите права при полициското постапување”, кој е финансиран од страна на Европската унија и Советот на Европа во рамките на програмата „Horizontal Facility за Западен Балкан и Турција”.