ОПИС НА ПРОЕКТОТ

Овој проект го спроведува Советот на Европа со финансиска поддршка од Германија. Проектот се реализира во соработка со Министерството за образование и наука, Бирото за развој на образованието и Центарот за стручно образование и обука на Северна Македонија во периодот од април 2026 до септември 2028 година. Проектот се надоврзува на резултатите од првата фаза на проектот (линк до архивираната страница), која се спроведуваше од декември 2022 до 31 март 2026 година.

ЦЕЛИ НА ПРОЕКТОТ

Да се зајакнат демократската култура, инклузијата и демократската отпорност во образованието во Северна Македонија преку поддршка на демократското управување во училиштата, политиките за инклузивно образование и промоцијата на компетенциите за демократска култура на ниво на политики, институции и училишта.

Проектот ќе им користи на креаторите на образовни политики, образовните институции, директорите на училишта, наставниците, учениците, стручните лица од областа на стручното образование и обука, општините и локалните заедници.

ОЧЕКУВАНИ РЕЗУЛТАТИ

Имплементацијата на Националната стратегија за образование (2026–2032) и поврзаните реформи во областа на демократската култура, инклузијата и партиципативното управување во училиштата е зајакната преку унапредени институционални капацитети, поддршка на политиките и механизми за следење и евалуација.

Мрежа од 25 менторски училишта и 25 партнерски училишта ќе ја зајакне демократската училишна култура, учењето, учење преку размена на искуство, инклузивните практики и ангажманот на заедницата во основното и средното образование.

Наставниците, училишното раководство и стручните лица од областа на стручното образование и обука ќе бидат опремени со алатки, методологии и насоки за интегрирање на компетенциите за демократска култура, дигитално граѓанство и инклузивни пристапи во наставата, учењето и управувањето со училиштата.

Националните и локалните власти ќе ја зајакнат имплементацијата на мерките за десегрегација и политиките за инклузивно образование во согласност со пресудата на Европскиот суд за човекови права во предметот „Елмазова и други против Северна Македонија“.

АКТИВНОСТИ/РЕЗУЛТАТИ

• Изработка на Акциски план и препораки за политики за зајакнување на интеграцијата на Референтната рамка на компетенции за демократска култура (RFCDC) во наставните предмети и училишните практики во основното и средното образование.
• Обезбедување насочена поддршка за политики, експертски совети и консултации со релевантни чинители за спроведување на Националната стратегија за образование (2026–2032), со фокус на демократската култура, инклузијата и учеството на учениците.
• Развој на Рамка за мониторинг и евалуација, вклучително и индикатори и алатки, за поддршка на спроведувањето на демократската култура, инклузијата и образованието за дигитално граѓанство во училиштата врз основа на докази.
• Спроведување активности за јакнење на капацитетите, програми за обука на обучувачи, менторство и учење преку размена на искуство за 25 менторски и 25 партнерски училишта во областа на демократското управување, инклузивната настава и ангажманот на заедницата.
• Развој и пилотирање на Дигитални училници за демократија кои ги интегрираат демократските вредности, дигиталното граѓанство, родовата еднаквост и учеството на учениците во наставата и управувањето со училиштата.
• Развој на мерки за политики за десегрегација, алатки за следење и насоки за имплементација на училишно ниво во соработка со националните и локалните власти.
• Подготовка на препораки и дидактички насоки за интегрирање на компетенциите за демократска култура во стручното образование и обука (СОО).
• Организирање регионални размени, активности за учење меѓу врсници и настани за подигање на јавната свест за промоција на демократско и инклузивно образование, вклучувајќи Денови на демократски училишта и активности за работа со заедницата.