Северна Македонија

Програмска канцеларија на Советот на Европа во Скопје

Добредојдовте во Програмската канцеларија на Советот на Европа во Скопје 

Северна Македонија стана 38-ма земја-членка на Советот на Европа на 9 ноември 1995 година и активно учествува во сите аспекти на мисијата и работата на нашата Организација за промовирање на човековите права, демократијата и владеењето на правото. Програмската канцеларија на Советот на Европа во Скопје е основана во 2012 година и покрива разновидни проекти на соработка.

Работејќи во блиска соработка со националните власти, претставниците на граѓанското општество и другите партнери, Канцеларијата моментално спроведува клучни заеднички програми на Европската унија и Советот на Европа. Особено, Хоризонталниот инструмент за Западен Балкан и Турција (Хоризонтален инструмент III) е фокусиран на реформата во правосудниот систем, борбата против економскиот криминал, промовирањето на антидискриминацијата и заштитата на правата на ранливите групи, како и подобрувањето на примената на европските стандарди во областа на слободата на изразување и слободата на медиумите.

Дополнително, за промовирање на демократијата и човековите права во и преку образованието и опремување на младите со компетенции за живеење во мултикултурно општество, проектот Квалитетно образование за сите – Северна Македонија се спроведува со финансиска поддршка од Германија.

Дополнителни активности на соработка се спроведуваат во рамките на клучните регионални програми, насочени кон инклузија на Ромите (Интеграција на Ромите Фаза 3 и РОМАКТЕД, заеднички програми со Европската унија), човековите права и одржлива животна средина (финансирани од Фондот за човекови права), промовирање на делиберативната демократија (финансирано од Германија) и борба против сајбер криминалот (CyberSEE, заедничка програма со Европската унија).

Повеќе информации за Северна Македонија и Советот на Европа