Back „Обука на обучувачи“ за член 3 од Европската конвенција за човекови права

„Обука на обучувачи“ за член 3 од Европската конвенција за човекови права

Од 11-15 септември 2017 година во Струга се одржа петдневна „Обука на обучувачи“ за член 3 од Европската конвенција за човекови права (EКЧП).

Избраните учесници, како идни обучувачи на Академијата за судии и јавни обвинители, имаа можност да ги збогатат своите познавања на членот 3 од стандардите на ЕКЧП преку модерни интерактивни методи кои ќе се применуваат во идните обуки на Академијата.

За време на обуката, на учесниците им беа поделени претходно подготвени и преведени сеопфатни материјали за обука, како и соодветни студии на случаи. Овие материјали ќе бидат комплетно вклучени од страна на Академијата во идните поврзани обуки.

Почнувајќи од октомври, судиите и јавните обвинители кои имаа корист од оваа обука ќе почнат да држат обуки за своите колеги, како дел од Програмата за обуки на Академијата.

Оваа активност се одржа во рамките на проектот за „ Зајакнување на капацитетите на судството за заштита на човековите права и борба против нечовечно и понижувачко постапување и против неказнивоста “ кој е дел од „Хоризонталната програма за Западен Балкан и Турција“.

Struga, the Former Yugoslav Republic of Macedonia 11-15 September 2017
  • Diminuer la taille du texte
  • Augmenter la taille du texte
  • Imprimer la page

Резиме на проектот

Проектот е ко-финансиран од страна на Европската Унија и Советот на Европа како дел од програмат Horizontal Facility за Западен Балкан и Турција (Horizontal Facility) и ќе биде спроведен од страна на Советот на Европа. Преку овој проект, Советот на Европа има за цел да им помогне на властите да ги надминат утврдените недостатоци и практични слабости поврзани со обуката, правејќи анализа на потребите и развивајќи сеопфатен курикулум за обука на судии, обвинители и останати правни практичари, како и за судиите од Уставниот суд за одредени тематски области од Европската конвенција за човековите права. Советот на Европа ќе го спроведува проектот во блиска соработка и во партнерство со Академијата за судии и јавни обвинители, “Павел Шатев“, Уставниот суд, Министерството за правда ( Канцеларијата на владиниот агент за застапување пред Европскиот суд за човекови права), Врховниот суд, апелациските судови и Народниот правобранител.

Цел на проектот

Генералната цел на проектот е да придонесе кон напорите на државата за зајакнување на капацитетите на правните практичари за заштита на човековите права и борбата против нечовечно и понижувачко постапување и против неказнивоста.

Цели и очекувани резултати

Конкретна цел 1: Подобрување на  капацитетите на судството за примена и заштита на стандардите за европските човекови права

Очекувани резултати:

  • Зајакнат и оддржлив интерен капацитет на Академијата за спроведување на обуки за човекови права за судии и обвинители
  • Судиите и обвинителите подобро ги толкуваат и применуваат одредбите од Европската конвенција за човековите права и судската пракса на Европскиот суд за човековите права
  • Уставниот суд поефективно ги применува европските стандарди за човекови права во случаи на поднесување на индивидуална жалба

Конкретна цел 2: Подобрување на капацитетите на судството за поефективна борба против нечовечното и понижувачкото постапување и против неказнивоста

Очекувани резултати:

  • Зајакнат капацитет на Академијата за судии и обвинители за обука на правни практичари за борба против нечовечно и понижувачко постапување и против неказнивоста
  • Зголемен капацитет на правните практичари за борба против нечовечно и понижувачко постапување и против неказнивоста во согласност со Европската конвенција за човековите права и со судската пракса на Европскиот суд за човекови права

Оваа веб-страница е изработена со средства од заедничкиот проект на Европската Унија и Советот на Европа. Ставовите тука искажани не може на ниеден начин да бидат протолкувани како официјално мислење на Европската Унија.

ЗА ПРОЕКТОТ
  • Времетраење: 18 месеци (од 1 декември 2016 до 31 мај 2018)
  • Проектот е затворен од 31 мај 2018
  • Корисници/Партнери: Aкадемија за судии и јавни обвинители, Уставен суд, Миистерство за правда, Народниот правобранител, Врховниот суд, Мисијата на ОБСЕ 
  • Финансиран од: Европската Унија и Советот на Европа
  • Буџет: 700,000 EУР
КОНТАКТ

 Атанас ГЕОРГИЕВСКИ, Проектен Ко-ординатор, Скопје

 Анамарија МИТРОВСКА, Проектен асистент, Скопје