За консолидиран и поефикасен систем за бесплатна правна помош (БПП) во Северна Македонија

Back Делегација од Северна Македонија учи од холандските искуства во обезбедување еднаков пристап до правда за сите граѓани

Irena BABUSHKOVSKA

Modified 8 Months ago.

Делегација од Северна Македонија учи од холандските искуства во обезбедување еднаков пристап до правда за сите граѓани

Холандија ('с-Хертогенбош и Хаг) / Професионалци и креатори на политики од областа на бесплатната правната помош од Северна Македонија присуствуваа на тридневна студиска посета на Холандија, при што добија директни сознанија од еден од најнапредните системи за правна помош во светот. Посетата е дел од тековните напори на ЕУ и Советот на Европа за зајакнување на пристапот до правда во согласност со Европските стандарди.

Претставници од Министерството за правда, Адвокатската комора, правните клиники, граѓанските организации, судството и академијата остварија интензивни дискусии со нивните холандски колеги за размена на најдобри практики во управувањето со системот на бесплатна правна помош, финансирањето и улогата на клучните чинители, вклучувајќи ги правните клиники и организации на граѓанското општество. Добиените сознанија од посетата ќе придонесат за понатамошно зајакнување на системот за бесплатна правна помош во Северна Македонија преку примена на најдобрите практики од холандското искуство, со цел обезбедување пристап до правда за сите граѓани.

Холандија е светски призната по својот сеопфатен систем за бесплатна правна помош, кој овозможува еднаков пристап до правда, особено за ранливите и маргинализираните лица. Посетата вклучуваше серија состаноци со клучните холандски институции, вклучувајќи го Телото за бесплатна правна помош на Холандија (Raad voor Rechtsbijstand), Министерството за правда и безбедност и Адвокатската комора. Дискусиите опфатија теми поврзани со управувањето со системот на бесплатната правна помош, механизмите за финансирање и улогата на различните чинители во обезбедувањето на еднаков пристап до правда.

Други важни моменти од посетата беа деталните сесии за начинот на обезбедување правна помош на ранливите групи, системот на дежурни адвокати, услугите за поддршка на жртвите и правната помош за баратели на азил.

Активното учество и размената на знаења на делегацијата за време на овие состаноци придонесуваат во процесот на обликување на поефективен и подостапен систем за бесплатна правна помош во Северна Македонија, за сите граѓани.

Студиската посета беше организирана во рамките на проектот “За консолидиран и поефикасен систем за бесплатна правна помош (БПП) во Северна Македонија” кој е дел од заедничката иницијатива на Евроспката Унија и на Совет на Европа, “Horizontal Facility за Западен Балкан и Турција”,

Холандија 22-24 септември 2025

Diminuer la taille du texte
Augmenter la taille du texte
Imprimer la page

Проектот "За консолидиран и поефикасен систем за бесплатна правна помош (БПП) во Северна Македонија" се спроведува во рамките на заедничката програма на Европската унија и Советот на Европа „Хоризонтален инструмент за Западен Балкан и Турција“ и ќе трае од јануари 2023 до декември 2026 година. Проектот придонесува кон:

1) професионално и независно функционирање на системот за бесплатна правна помош во Северна Македонија на еден сигурен, интегриран и одржлив начин;

(2) реформи во системот за бесплатна правна помош во кривични постапки во согласност со Европските стандарди и со препораките на Советот на Европа;

(3) консолидација на знаењата и на капацитетите на давателите на бесплатна правна помош во Северна Македонија, вклучувајќи ги Министерството за правда, Адвокатската комора, граѓанските здруженија (ГЗ), правните клиники, итн.

(4) олеснет и проширен пристап до услугите за бесплатна правна помош за луѓето во Северна Македонија, особено за маргинализираните и ранливите групи.

Која е целта (целите) и задачата (задачите) на проектот?

Целта на проектот е да ги поддржи главните јавни чинители и локалните засегнати страни во осигурување на ефикасни, пристапни и професионални услуги за бесплатна правна помош во Северна Македонија, во согласност со Европските стандарди и најдобри практики.

Кој има корист од овој проект?

Министерството за правда на Северна Македонија и неговите подрачни одделенија и канцеларии;
Адвокатската комора на Северна Македонија и адвокатите;
Здруженијата на граѓани овластени да даваат БПП;
Правните клиники овластени да даваат БПП (во рамките на универзитетите);
Институциите кои се индиректно вклучени во системот за БПП: Министерството за труд и социјална политика, центрите за социјална работа, Министерството за внатрешни работи, Народниот правобранител, општините, судовите, граѓанските здруженија и останати мрежи (кои не се регистрирани за БПП но, нудат помош на ранливи групи);
Општата популација, особено ранливите групи.

Како ќе се спроеведува проектот?

Проектот се надоградува на резултатите постигнати со спроведувањето на претходните две фази од Хоризонталниот инструмент на истава тема, работејќи на преостанатите предизвици кои произлегоа од иницијалното спроведување на новиот Закон за бесплатна правна помош, притоа осигурувајќи дека сите чинители можат ефикасно да даваат квалитетни услуги за корисниците на БПП.

Проектот поддржува градење на капацитетите на локалните корисници на прилагоден, таргетиран и флексибилен начин, со помош на експерти, со цел да се одговори на конкретните и на новите потреби на корисниците.

Што очекуваме да постигнеме?

Проектот ќе постигне

Професионално и независно функционирање на државниот систем за бесплатна правна помош, вклучувајќи и зајакнато Одделение за БПП;
Поефикасен и попристапен систем за бесплатна правна помош во кривични постапки, во согласност со Европските стандарди;
Подобрени услуги за бесплатна правна помош за луѓето од Северна Македонија и зајакнати капацитети на давателите на бесплатна правна помош;
Заедниците во Северна Македонија, како и општеството во целина, се информирани за постоењето на услуги за БПП во граѓански, управни и кривични постапки.

Колкав е буџетот на проектот?

Вкупниот буџет на проектот е 900 000 евра.

Буџетот за целата програма Хоризонтален инструмент е околу 41 милион евра (85% од Европската унија, 15% од Советот на Европа).

Како да дојдете до повеќе информации?

Програмска канцеларија на Советот на Европа во Скопје

Соравиа Центар, Филип Втори Македонски бр 3 1000 Скопје

+ 389 (2) 3100 321, е-пошта: [email protected]
Веб-страница Хоризонтален инструмент и е-пошта

За Хоризонталниот инструмент за Западен Балкан и Турција?

„Хоризонталниот инструмент за Западен Балкан и Турција“ е заедничка иницијатива на Европската унија и Советот на Европа која им овозможува на земјите-кориснички од Западен Балкан и Турција да ги постигнат своите Европски агенди на полето на човекови права, владеење на правото и демократија и да се усогласат со Европските стандарди, што е исто така приоритет во процесот на проширување на ЕУ.