Борба против омраза и нетолеранција во Северна Македонија

Back Оснажнување на социјалните работници за борба против дискриминацијата и антициганизмот

Irena BABUSHKOVSKA

Modified 6 Months ago.

Оснажнување на социјалните работници за борба против дискриминацијата и антициганизмот

Борбата против дискриминацијата и антициганизмот претставува значаен приоритет во напорите на Советот на Европа за изградба на еднакви и инклузивни општества. Социјалните работници во Северна Македонија често се наоѓаат во првите редови во работата со ранливите заедници, обезбедувајќи поддршка и помош. Во таа насока, 22 социјални работници и работнички од целата земја учествуваа на специјализирана обука за антидискриминација и борба против антициганизмот, организирана во соработка со Министерството за социјална политика, демографија и млади, со поддршка на Европската Унија и Советот на Европа.

Обуката обезбеди сеопфатен преглед на клучните принципи на антидискриминација, практични алатки и конкретни стратегии за спротивставување на антициганизмот – форма на расизам и дискриминација што сè уште ги засега ромските заедници низ Европа. Учесниците дискутираа за правната рамка во областа на антидискриминацијата, како и за историјата и влијанието на движењето против антициганизмот во регионот. Во рамките на активноста беа споделени и алатки за препознавање и справување со говорот и делата на омраза во локалните средини.

Учесниците имаа можност да анализираат студии на случај, да дискутираат за предизвиците со кои се соочуваат Ромите и Ромките, како и да разменат добри практики за поддршка на жртвите на дискриминација и антициганизам. Тие се запознаа и со ефективни стратегии за интервенција, при што теоретските знаења беа тесно поврзани со практичната примена.

Обуката ги охрабри учесниците да развијат конкретни чекори за интегрирање на принципите на антидискриминација во нивната секојдневна работа. Многумина изразија обновена посветеност на застапување за правата на Ромите и Ромките и другите ранливи групи на локално ниво.

Оваа активност претставува дел од тековните напори на Европската Унија и Советот на Европа за поддршка на јавните институции во Северна Македонија во насока на изградба на кохезивно, еднакво и инклузивно општество. Таа беше организирана во рамки на заедничкиот проект на ЕУ и Советот на Европа „Интеграција на Ромите – Фаза III“, во партнерство со Министерството за социјална политика, демографија и млади, со поддршка на заедничката програма на ЕУ и Советот на Европа „Хоризонтален инструмент III“ и проектот „Борба против омраза и нетолеранција“.

Скопје, Северна Македонија 23 февруари

Diminuer la taille du texte
Augmenter la taille du texte
Imprimer la page

Овој проект нуди поддршка во подобрување на ефективноста во борбата против дискриминацијата, говорот на омраза и злосторствата од омраза во Северна Македонија. Борбата против дискриминацијата и говорот на омраза се исто така многу тесно поврзани со ЕУ интеграциите. Овој проект нуди уникатен пристап за справување со овие појави и го поддржува зацврстувањето на капацитетите на клучните корисници и чинители за подобро да ги адресираат проблемите поврзани со антидискриминација, борба против говор на омраза и заштита на правата на ЛГБТИ лицата во линија со стандардите и препораките на Совет на Европа, особено оние на Европската комисија против расизам и нетолеранција (EКРИ), како и да го поддржи усогласувањето на Северна Македонија со европските стандарди во областа на основните човекови права.

Кои се целите на проектот?

Главните цели на проектот се:

Да се поддржат напорите на институциите да развијат хармонизиран институционален пристап за борба против дискриминација и говор на омраза.
Да се зголеми свесноста кај населението во Северна Македонија во поглед на опасностите од говорот на омраза и различните постоечки алатки за спречување и борба против говорот на омраза.

Кој има поволности од проектот?

Јавните институции и клучните чинители во овие области во Северна Македонија ќе имаат поволност и корист од техничката поддршка и иницијативите за кревање на свеста, за тие да можат да придонесат кон подобрување на политиките за недискриминација, како и политики за справување со говорот на омраза и злосторствата од омраза, како и механизмите за надомест и поддршка на страните засегнати од говор на омраза.

Крајни корисници се луѓето кои живеат во Северна Македонија и ранливите групи како ЛГБТИ лицата, помалите етнички групи, чија заштита на човековите права ќе биде подобрена.

Како ќе функционира проектот?

Проектот се надоврзува на спроведените активности и резултати од претходната фаза на програмата „Хоризонтален инструмент“ во линија со последните фокусирани теми во областа на расизмот и нетолеранцијата во Европа пренесени во годишните извештаи на Европската комисија против расизам и нетолеранција (ECRI).

Проектот обезбедува поддршка за иницијативи за градање капацитети, прилагодување на постоечки алатки и методологии на Совет на Европа, техничка поддршка како дел од процесот на ЕУ интеграција на Северна Македонија, како и кревање на свеста во поглед на борбата против дискриминацијата и промоција на разноликост кај младите и населението.

Овој проект работи со претставници на Владата чиј фокус е борба против дискриминација и говор на омраза; претставници од полицијата, правосудството и правни професионалци, како и претставници од граѓанското општество и младински активисти.

Што очекуваме да постигнеме?

Подобрување на ефикасноста на јавните институции во поглед на реформите за борба против дискриминација, омраза и расизам во линија со европските стандарди
Зацврстување на капцитетите на телата за еднаквост и институциите во Северна Македонија за борба против дискриминација во линија со стандардите и препораките на ЕКИ и Акциониот план на ЕУ за борба против расизмот.
Зголемена и подобрена борба против говор на омраза и злосторства од омраза на централните и локалните институции на Северна Македонија и подобра заштита на жртвите
Зголемена свесност кај луѓето во Северна Македонија, особено ранливите групи, во поглед на опасностите кои омразата и расизмот ги предизвикуваат врз општествената кохезија и начините за справување со нив.

Колкав е буџетот на проектот?

Комплетниот буџет на проектот е 450,000 евра.

Буџетот кој е алоциран на целокупната програма „Хоризонтален инструмент“ изнесува околу 41 милион евра (85% финансирано од Европската Унија, 15% од Советот на Европа)

За „Хоризонтален инструмент за Западен Балкан и Турција“

„Хоризонтален инструмент за Западен Балкан и Турција“ е заедничка иницијатива на Европската Унија и Советот на Европа кој овозможува корисниците од Западен Балкан и Турција да ги остварат своите реформски планови во полето на човековите права, владеењето на правото и демократијата и да се усогласат со европските стандарди, што исто така е приоритет за процесот на проширување на ЕУ.