Состанокот на работната група (РГ) за изготвување на Правилникот за начинот на постапување на дисциплинската комисија при изрекување на дисциплински мерки кон осудени лица се одржа на 23-24 септември 2019 г. во Скопје.

Сесијата на РГ резултираше со изготвување на прва нацрт верзија од Правилникот во согласност со стандардите на КПТ, Европските затворски правила, Правилата на Мандела и најдобрите европски практики. Во текот на сесијата членовите на РГ го споделија своето искуство и знаење илустрирајќи ја практичната примена во однос на изрекувањето на дисциплински мерки кон осудените лица во нивната секојдневна работа.

Освен членовите на РГ, на состанокот присуствуваше и раководството на Управата за извршување санкции при Министерството за правда, како и претставници на затворскиот персонал од различни пенитенцијарни установи на национално ниво и истиот беше фацилитиран од еден национален консултант на Советот на Европа.

Состанокот беше организиран како дел од проектот „Јакнење на капацитетите на пенитенцијарниот систем и на надворешниот механизам за контрола на полицијата во Северна Македонија”, ко-финансиран од страна на Европската Унија и Советот на Европа во рамки на втората фаза од програмата „Horizontal Facility за Западен Балкан и Турција” која ја спроведува Советот на Европа.