Избрани затворски службеници од трите најголеми затворски установи во Северна Македонија го унапредија своето знаење во адресирање на радикализацијата во затворите, преку каскадните обуки кои беа одржани во периодот 1-3 декември 2021 год.
Вкупно 45 службеници на затворската полиција и секторот за ресоцијализација од КПУ Идризово, КПУ Штип, како и затворот Скопје придобија од овие обуки кои се фокусираа на користење на постојните алатки за скрининг и оценување на ризикот и потребите, заедно со улогата на затворскиот персонал во идентификување на радикализмот.
Учесниците ги унапредија своите способности преку размена на искуства и дискусија за конкретни случаи, каде се истакна важноста на споделувањето информации преку мулти-дисциплинарните тимови. Се очекува преку овие обуки да се подобри тековното внатрешно известување во затворскиот систем, како и со релевантните надворешни институции.
Оваа активност беше спроведена преку проектот „Јакнење на капацитетите на пенитенцијарниот систем и на надворешниот механизам за контрола на полицијата во Северна Македонија” кој се финансира од Европската Унија и Советот на Европа во рамките на Horizontal Facility за Западен Балкан и Турција 2019 - 2022, имплементиран од Совет на Европа.