За оваа цел, здравствените работници кои работат во казнено-поправните установи, високи претставници на Министерството за здравство, како и на Управата за извршување на санкции (УИС) на Северна Македонија, се состанаа во Скопје каде дискутираа за изготвената анализа за воведување на Стандардизиран регистар на повреди, поддржана од ЕУ и Советот на Европа.

Со оглед на многуте аспекти на оваа новина за затворскиот систем, таа беше дискутирана од меѓу-ресорско работно тело, вклучувајќи ги лекарите кои работат во шест казнено-поправни установи, претставниците на Министерството за здравство кои се надлежни за правни работи, електронско здравство, примарна здравствена заштита и човекови ресурси, како и претставниците на УИС. За разлика од тековната пракса каде секој случај се евидентира посебно, предложениот Стандардизиран регистар на повреди ќе воведе униформиран пристап во собирањето податоци и анализа. Учесниците се договорија за важноста на оваа алатка, која треба да се интегрира во системот на здравствена заштита во казнено-поправните установи.

Овој регистар е предвиден во Националната стратегија за развој на пенитенцијарниот систем (2021-25), изработена со поддршка на ЕУ и Советот на Европа. Истиот ќе го поддржи спроведувањето на Стандардните оперативни постапки за здравствена заштита во казнено-поправните установи.

Оваа активност беше организирана во рамките на заедничката програма на Европската Унија и Советот на Европа Хоризонтален инструмент за Западен Балкан и Турција, односно проектот „Јакнење на капацитетите на пенитенцијарниот систем во Северна Македонија”.