На 15-16 декември во Скопје, претставниците на институциите на Северна Македонија, поддржани од консултантка на Советот на Европа, се состанаа за да го дискутираат првиот нацрт на Стандардните оперативни процедури (СОП) за обезбедување ефикасна здравствена заштита во затворите. Целта на оваа работна група е да ги подобри овие услуги, како и да ги адресира забележаните слабости од Комитетот за спречување на тортура (КПТ).

Работна група составена од затворските лекари (Идризово, Скопје, Тетово и Штип), претставниците на Министерство за здравство, како и Управата за извршување на санкциите (УИС), придонесе во изработката на СОП преку споделување на нивните искуства и практично знаење. СОП поставува унифицирани процедури кои ќе се спроведат во сите затвори на Северна Македонија, конкретно наведувајќи ги дејствијата кои треба да се преземат во фазите на здравствена заштита, почнувајќи од приемот и редовните прегледи, забележувањето на знаци на насилство и управување со лекови, до конечниот преглед пред отпуст на осуденото лице. Документот е изработен во согласност со стандардите на Советот на Европа и најдобрите практики.

Се очекува овој документ да биде финализиран и пилотиран во еден или два затвори во текот на 2022 година, за да се оцени спроведливоста во дадените услови во земјата.

Оваа активност беше спроведена преку проектот „Јакнење на капацитетите на пенитенцијарниот систем и на надворешниот механизам за контрола на полицијата во Северна Македонија” кој се финансира од Европската Унија и Советот на Европа во рамките на Horizontal Facility за Западен Балкан и Турција 2019 - 2022, имплементиран од Совет на Европа.