Хоризонтален инструмент за Западен Балкан и Турција (Хоризонтален Инструмент III)

Back Жртвите на трговија со луѓе принудени да вршат кривични дела мора да бидат заштитени, а не казнувани

Irena BABUSHKOVSKA

Modified 27 Days ago.

Советот на Европа експертската група за акција против трговијата со луѓе GRETA се приклучува на повикот на ICAT

Жртвите на трговија со луѓе принудени да вршат кривични дела мора да бидат заштитени, а не казнувани

По повод Светскиот ден против трговијата со луѓе, Групата на експерти за акција против трговијата со луѓе (GRETA) при Советот на Европа се приклучува на повикот што денес го упати Меѓу-агенциската координативна група против трговијата со луѓе (ICAT) до државите и релевантните чинители да се справат со растечката закана од трговија со луѓе заради принудно вршење на криминални дејствија.

Според Глобалниот извештај за трговија со луѓе 2024, трговијата со луѓе заради принудно вршење на криминални дејствија е третата најчесто откриена форма на трговија со луѓе во светот. Во својот последен годишен извештај GRETA истакнува дека оваа форма на трговија со луѓе се зголемува во многу држави договорни страни на Конвенцијата на Советот на Европа за борба против трговијата со луѓе и бара итно дејствување за да се заштитат жртвите од криминални групи кои ги експлоатираат нивните ранливости и да се спречи нивната криминализација.

„Принципот на некaзнување мора да биде во срцето на одговорот. Вграден во Конвенцијата на Советот на Европа, овој принцип бара од државите договорни страни да овозможат можност да не се изрекуваат казни на жртвите на трговија со луѓе за нивната вклученост во незаконски активности, во мера во која биле принудени да ги извршат,“ изјави претседателката на GRETA, Кони Рајкен. „Во таа насока, GRETA ја поздравува резолуцијата за борба против трговијата со луѓе заради принудно вршење на криминални дејствија, усвоена минатиот месец од Обединетите нации, која ги повикува државите да донесат мерки конкретно насочени кон оваа форма на трговија и да обезбедат жртвите да не се гонат или казнуваат за незаконски дела извршени како директна последица на тоа што биле жртви на трговијата со луѓе.“

GRETA целосно го поддржува повикот на ICAT, кој ги одразува препораките дадени од GRETA за време на процените на имплементацијата на Конвенцијата од страна на државите договорни страни. Тие вклучуваат зајакнување на превентивните напори; подобрување на собирањето на податоци и истражувањата; унапредување на напорите за рана идентификација на жртвите; и донесување на законски одредби и насоки за гарантирање на ефективна примена на принципот на некaзнување. Покрај тоа, ICAT ги повикува државите да го зајакнат разузнавачкиот и добро координиран одговор на кривичното правосудство за да се обезбеди ефективно гонење на трговците со луѓе.

***

Групата на експерти за акција против трговијата со луѓе (GRETA) е одговорна за оценување на усогласеноста со Конвенцијата на Советот на Европа за акција против трговијата со луѓе од страна на државите договорни страни. Тоа е единствената независна група на експерти која го надгледува спроведувањето на обврзувачки меѓународни правни одредби во оваа област. Конвенцијата стапи во сила во 2008 година и е ратификувана од сите 46 членки на Советот на Европа, како и од две земји кои не се членки, Белорусија и Израел.

Меѓу-агенциската координативна група против трговијата со луѓе (ICAT) е форум на ООН за политики, овластен со резолуцијата на Генералното собрание 61/180, за подобрување на координацијата и соработката помеѓу агенциите на ООН и други релевантни меѓународни организации за да се овозможи холистички и сеопфатен пристап за спречување и борба против трговијата со луѓе, вклучувајќи заштита и поддршка за жртвите и преживеаните. Од 2018 година, Советот на Европа е партнер на ICAT.

ГРЕТА Стразбург, Франција 30 јули 2026

Diminuer la taille du texte
Augmenter la taille du texte
Imprimer la page

Што е Хоризонтален инструмент?

Заедничката програма на Европската унија/Советот на Европа „Хоризонтален инструмент за Западен Балкан и Турција“ (Хоризонтален инструмент III) е иницијатива за соработка и еден од резултатите од Изјавата за намери потпишана на 1 април 2014 година од страна на генералниот секретар на Советот на Европа и комесарот за проширување и европска соседска политика на Европската унија, во кои двете организации се согласија дополнително да ја зајакнат нивната соработка во клучните области од заеднички интерес. Програмата е во тек од 2016 година, а третата фаза започна во јануари 2023 година во период од 48 месеци. Третата фаза од програмата (вредна 41 милион евра (85% финансирана од ЕУ, 15% од СЕ) продолжува да се надоврзува на резултатите од претходните фази и ги комбинира активностите специфични за корисникот и регионалните активности. Тоа им овозможува на корисниците да ги исполнат своите реформски агенди во областа на човековите права, владеењето на правото и демократијата и да се усогласат со европските стандарди, што е исто така приоритет за процесот на проширување на ЕУ.

Темите опфатени со Хоризонталниот инструмент вклучуваат:

• зајакнување на правдата

• борба против корупцијата, економскиот криминал и перењето пари

• промовирање на антидискриминација и заштита на правата на ранливите групи (вклучувајќи ЛГБТИ, малцинствата и Ромите) и

• промовирање и заштита на слободата на изразување и медиумите

Механизмот за координација на експертизата кој обезбедува законодавна експертиза и совети за политики во рамките на системот на Советот на Европа, исто така, останува важен дел од програмата достапна за сите корисници. Хоризонталниот инструмент се потпира на уникатните работни методи на Советот на Европа, при што активностите за техничка соработка прилагодени се засноваат на заклучоци и препораки на мониторинг телата на Советот на Европа ги истакнуваат областите каде што се потребни подобрувања во законодавството и политиките на Корисниците за да се усогласат со договорите и другите стандарди на Организацијата.