Борба против омраза и нетолеранција во Северна Македонија

Back Северна Македонија продолжува по патот кон зацврстување на правата на лицата што припаѓаат на заедниците

Irena BABUSHKOVSKA

Modified 4 Months ago.

Северна Македонија продолжува по патот кон зацврстување на правата на лицата што припаѓаат на заедниците

Претставници на институции, етнички заедници и меѓународни партнери се собраа во Скопје за да помогнат во обликувањето на ревидираниот Акциски план за унапредување на правата на лицата кои припаѓаат на заедниците, важен политички документ кој ја поддржува социјалната кохезија и процесот на пристапување на Северна Македонија во ЕУ

Организирана со Агенцијата за остварување на правата на заедниците во партнерство со Совет на Европа и Министерството за надворешни работи и надворешна трговија, консултацијата обезбеди платформа за отворен дијалог меѓу претставниците на различни етнички заедници и јавните засегнати страни. Учесниците и учесничките се вклучија во значајни дискусии за општествените подобрувања и заштитата на правата на заедниците, давајќи вредни препораки за обликување на поинклузивно општество.

Отворајќи го настанот, Далибор Китановиќ, директор на Агенцијата за остварување на правата на заедниците, им посака добредојде на присутните и ја нагласи важноста на Форумот во решавањето на клучните теми. Тој ги покани присутните отворено да ги споделат своите перспективи, нагласувајќи ја намерата да се создаде ревидиран Акциски план кој навистина ги одразува потребите и аспирациите на сите заедници во Северна Македонија.

Н.Е. Михалис Рокас, амбасадор на ЕУ во Северна Македонија, го поздрави инклузивниот и значаен процес и соработката на експертите на Советот на Европа во процесот и изрази надеж дека планот ќе помогне во поттикнувањето на кохезијата, инклузивноста и меѓусебното разбирање во општеството - како камен-темелници на обединета и просперитетна европска иднина.

Олег Солдатов, раководител на Програмската канцеларија на Советот на Европа во Македонија, ја нагласи важноста на ревидираниот Акциски план како значајна пресвртница и ги поддржува напорите на Северна Македонија за целосно спроведување на европските стандарди и дека се надева дека овој процес на консултации ќе доведе до кохезивен и инклузивен Акциски план што ќе даде опипливи резултати.

На Форумот беше презентирана методологијата и структурата на ревидираниот Акциски план. Меѓународни и домашни експерти, заедно со учесниците, дискутираа за неговата содржина и моменталната состојба на правата на заедниците. Беше изготвен резиме на клучните резултати, а учесниците беа поканети да достават дополнителни писмени повратни информации за вклучување во следната фаза на ревизија.

Оваа иницијатива беше поддржана од акцијата „Борба против омразата и нетолеранцијата во Северна Македонија“, во рамките на заедничката програма на Европската Унија и Советот на Европа „Хоризонтален инструмент за Западен Балкан и Турција“.

Скопје, Северна Македонија 30 март 2026

Diminuer la taille du texte
Augmenter la taille du texte
Imprimer la page

Овој проект нуди поддршка во подобрување на ефективноста во борбата против дискриминацијата, говорот на омраза и злосторствата од омраза во Северна Македонија. Борбата против дискриминацијата и говорот на омраза се исто така многу тесно поврзани со ЕУ интеграциите. Овој проект нуди уникатен пристап за справување со овие појави и го поддржува зацврстувањето на капацитетите на клучните корисници и чинители за подобро да ги адресираат проблемите поврзани со антидискриминација, борба против говор на омраза и заштита на правата на ЛГБТИ лицата во линија со стандардите и препораките на Совет на Европа, особено оние на Европската комисија против расизам и нетолеранција (EКРИ), како и да го поддржи усогласувањето на Северна Македонија со европските стандарди во областа на основните човекови права.

Кои се целите на проектот?

Главните цели на проектот се:

Да се поддржат напорите на институциите да развијат хармонизиран институционален пристап за борба против дискриминација и говор на омраза.
Да се зголеми свесноста кај населението во Северна Македонија во поглед на опасностите од говорот на омраза и различните постоечки алатки за спречување и борба против говорот на омраза.

Кој има поволности од проектот?

Јавните институции и клучните чинители во овие области во Северна Македонија ќе имаат поволност и корист од техничката поддршка и иницијативите за кревање на свеста, за тие да можат да придонесат кон подобрување на политиките за недискриминација, како и политики за справување со говорот на омраза и злосторствата од омраза, како и механизмите за надомест и поддршка на страните засегнати од говор на омраза.

Крајни корисници се луѓето кои живеат во Северна Македонија и ранливите групи како ЛГБТИ лицата, помалите етнички групи, чија заштита на човековите права ќе биде подобрена.

Како ќе функционира проектот?

Проектот се надоврзува на спроведените активности и резултати од претходната фаза на програмата „Хоризонтален инструмент“ во линија со последните фокусирани теми во областа на расизмот и нетолеранцијата во Европа пренесени во годишните извештаи на Европската комисија против расизам и нетолеранција (ECRI).

Проектот обезбедува поддршка за иницијативи за градање капацитети, прилагодување на постоечки алатки и методологии на Совет на Европа, техничка поддршка како дел од процесот на ЕУ интеграција на Северна Македонија, како и кревање на свеста во поглед на борбата против дискриминацијата и промоција на разноликост кај младите и населението.

Овој проект работи со претставници на Владата чиј фокус е борба против дискриминација и говор на омраза; претставници од полицијата, правосудството и правни професионалци, како и претставници од граѓанското општество и младински активисти.

Што очекуваме да постигнеме?

Подобрување на ефикасноста на јавните институции во поглед на реформите за борба против дискриминација, омраза и расизам во линија со европските стандарди
Зацврстување на капцитетите на телата за еднаквост и институциите во Северна Македонија за борба против дискриминација во линија со стандардите и препораките на ЕКИ и Акциониот план на ЕУ за борба против расизмот.
Зголемена и подобрена борба против говор на омраза и злосторства од омраза на централните и локалните институции на Северна Македонија и подобра заштита на жртвите
Зголемена свесност кај луѓето во Северна Македонија, особено ранливите групи, во поглед на опасностите кои омразата и расизмот ги предизвикуваат врз општествената кохезија и начините за справување со нив.

Колкав е буџетот на проектот?

Комплетниот буџет на проектот е 450,000 евра.

Буџетот кој е алоциран на целокупната програма „Хоризонтален инструмент“ изнесува околу 41 милион евра (85% финансирано од Европската Унија, 15% од Советот на Европа)

За „Хоризонтален инструмент за Западен Балкан и Турција“

„Хоризонтален инструмент за Западен Балкан и Турција“ е заедничка иницијатива на Европската Унија и Советот на Европа кој овозможува корисниците од Западен Балкан и Турција да ги остварат своите реформски планови во полето на човековите права, владеењето на правото и демократијата и да се усогласат со европските стандарди, што исто така е приоритет за процесот на проширување на ЕУ.