Новата публикација за говор на омраза, произведена во рамки на програмите за соработка на Европската Унија и Советот на Европа, сега е достапна онлајн.
„Да говориме со зборовите на мирот! Говорот на омраза не е опција“ ги истражува концептите на говор на омраза, неговите манифестации, како и ризиците за човековите права и демократиите. Оваа брошура е создадена за секој поединец, за граѓански организации и сите останати кои чувствуваат потреба подобро да го разберат феноменот на говор на омраза и посакуваат да сторат нешто за борбата против говор на омраза, да му се спротистават во разноликите општества во кои живеат. Брошурата нуди објаснувања за говор на омраза како и предлози за дејства за спречување и за борба против говорот на омраза.
Сега достапна и на македонски јазик, публикацијата се преведува на повеќе јазици, за да биде дополнителна поддршка на кампањите за борба против омраза и други активности на организацијата на терен, вклучувајќи и поддршка за младинска мобилизација и граѓански активизам. „Да говориме со зборовите на мирот! Говорот на омраза не е опција“ сега е достапна како е-верзија на веб-страниците на Horizontal Facility, Партнерството за добро владеење и Одделот за антидискриминација на Совет на Европа и ќе биде пошироко споделена онлајн и презентирана на виртуелните настани организирани за време на пандемијата. Печатените примероци ќе бидат достапни оваа пролет во националните канцеларии на Совет на Европа и Европската Унија.
Верзиите на албански, босански, грузиски, црногорски, романски, руски, српски и украински јазик ќе бидат објавени кога ќе бидат достапни.
Говорете со зборовите на мирот! Говорот на омраза не е опција
Оваа брошура е изработена како дел од заедничките програми на Европската Унија и Советот на Европа, „Партнерство за добро владеење“ (PGG) и „Horizontal Facility за Западен Балкан и Турција“ (HF); поконкретно во рамки на проектите „Промоција на различноста и еднаквоста во Западен Балкан“ (HF)и „Зајакнување на пристапот до правда преку механизми за вонсудска правна заштита за жртвите на дискриминација, говор на омраза и криминал од омраза во рамки на Источното партнерство“ (PGG).