Четиридневна обука за обучувачи (ТоТ) посветена на зајакнување на судската експертиза беше организирана во соработка со Академијата за судии и јавни обвинители.
Обуката која беше фокусирана на Членот 10 од ЕКЧП, слободата на изразување, беше одржана на 14-17 февруари 2017 година во Охрид. На настанот се собраа 20 учесници, од кои 12 судии, 3 јавни обвинители и 5 адвокати. Обуката беше потпомогната од страна на двајца консултанти во поглед на предметната материја, меѓународен експерт на Советот на Европа како и национален експерт од областа на ЕКЧП. Трет меѓународен консултант, експерт на Советот на Европа од областа на методологија за образование на возрасни ја помагаше обуката од аспект на методологиски прашања.
Целата на обуката беше да се надгради знаењето на одбраните учесници, како во поглед на содржината така и во поглед на методолшкиот аспект за одржување на обука, се со цел креирање група на обучувачи за слободата на изразување и слободата на медиумите, кои би биле вклучени во идните каскадни обуки што ќе бидат организирани во текот на следните две години.
Настанот беше организиран во рамки на заедничкара програма „Зајакнување на судската експертиза за слободата на изразување и за медиумите во Југоисточна Европа (JUFREX)“ ко-финансиран од страна на Европската Унија и Советот на Европа а имплементоран од страна на Советот на Европа