Ավելի քան 60 քաղաքացիական հասարակության ինստիտուտների, ակադեմիայի, ոստիկանության աշխատակիցների, ընտրական շահագրգիռ կողմերի և մարդու իրավունքների պաշտպանի աշխատակազմի ներկայացուցիչներ մասնակցեցին Հայաստանում խորհրդարանական ընտրական գործընթացների ժամանակ ատելության խոսքի և սեքսիզմի դեմ պայքարին նվիրված աշխատաժողովին։
Աշխատաժողովը համակազմակերպվել էր Եվրոպայի խորհրդի և ՀՀ մարդու իրավունքների պաշտպանի գրասենյակի կողմից՝ ուսումնասիրելու, թե ինչպես սեքսիզմն ու ատելության խոսքը կարող են դրսևորվել նախա- և հետընտրական շրջաններում, ինչպես դրանք կարող են խոչընդոտել ընտրական գործընթացներին մասնակցությանը, և որոնք են առկա ազգային մոնիթորինգային մեխանիզմներն ու միջազգային լավագույն փորձը՝ այս խնդիրները լուծելու համար։
Միջոցառման բացման մասում Եվրոպայի խորհրդի երևանյան գրասենյակի ղեկավար Մաքսիմ Լոնգանգեն, Հայաստանի մարդու իրավունքների պաշտպան Անահիտ Մանասյանը, Հայաստանում Եվրոպական միության պատվիրակության համագործակցության բաժնի տեղակալ Վացլավ Ստերբան և Հայաստանի կենտրոնական ընտրական հանձնաժողովի անդամ Արուսյակ Թերճանյանը մանրամասն անդրադարձան ատելության խոսքին և սեքսիզմին՝ որպես խորը արմատներ ունեցող, բարդ և բազմաչափ երևույթների, որոնք կարող են բացասաբար ազդել անհատների, խմբերի և հասարակությունների վրա տարբեր ձևերով և տարբեր աստիճաններով։
Քննարկումը առաջնորդվել է Եվրոպայի խորհրդի ատելության խոսքի դեմ պայքարի հիմնական շրջանակներով, ներառյալ ավանդական և հատկապես առցանց լրատվամիջոցներում, որոնք վերաբերում են ոչ միայն ընտրական թեկնածուների նկատմամբ առցանց վիրավորանքներին և սպառնալիքներին, այլև ավելի լայնորեն հասարակության առանձին խմբերի նկատմամբ ուղղված ատելության խոսքին։ Ինչպես նշեցին զեկուցողները, հիմնարար ազատությունների արդյունավետ կիրառումն ու մարդու իրավունքների խախտումների կանխարգելումը պետք է ապահովել հասարակության բոլոր անդամների համար, իսկ խտրականությունն ու ատելությունը պետք է պատշաճ կերպով հաղթահարվեն՝ ապահովելով հանրային բանավեճի և հաղորդակցության համար անվտանգ և նպաստավոր միջավայր։
Աշխատաժողովի թեմատիկ նիստերի ընթացքում Հայաստանի հեռուստատեսության և ռադիոյի հանձնաժողովի ներկայացուցիչներն ու մարդու իրավունքների պաշտպանի աշխատակազմը ներկայացրեցին մասնավոր և հանրային տիրույթներում ատելության խոսքին և խտրականությանը հակազդող ներպետական մեխանիզմները, իսկ Եվրոպայի խորհրդի փորձագետները անդրադառցան ատելության խոսքի դեմ ուղղված Եվրոպայի խորհրդի չափորոշիչներին՝ կիսվելով նաև ընտրարշավների ընթացքում ատելության խոսքի և սեքսիստական վարքագծի մոնիթորինգի և հաշվետվության լավագույն միջազգային փորձով։ Փորձագետները կիսվեցին նաև իրենց փորձով՝ այս երևույթների կանխարգելման և դրանց դեմ պայքարի մեխանիզմների կիրառման, ինչպես նաև հանրային տիրույթում ակնարկների (նառատիվների) օգտագործման հնարավոր բարելավումների վերաբերյալ։
Աշխատաժողովը եզրափակվեց քաղաքացիական հասարակության ներկայացուցիչների ղեկավարած նիստով, որտեղ ընդգծվեց քաղաքացիական հասարակության կազմակերպությունների առանցքային դերը ընտրարշավների ընթացքում ատելության խոսքի դեմ պայքարում և փոքրամասնությունների ներգրավվածությանն ուղղված դրական պատմությունների և ընդգրկուն, ընդհանուր լեզվի խթանման գործում։
Արդյունքում աշխատաժողովը նպաստեց երկրում ժողովրդավարական երկխոսության զարգացմանը և ամրապնդեց փոխվստահությունը պետական հաստատությունների և ոչ պետական կառույցների միջև։
Միջոցառումը կազմակերպվել է Հայաստանի Հանրապետության մարդու իրավունքների պաշտպանի աշխատազմի հետ համագործակցությամբ՝ Եվրոպայի խորհրդի « Խոսքի և մամուլի ազատության և տեղեկատվության հասանելիության խթանումը Հայաստանում» և «Հավասարության խթանումը և խտրականության բացառումը Հայաստանում» ծրագրերի համատեղ ուժերով՝ վերջինը հանդիսանում է Եվրոպական միության և Եվրոպայի խորհրդի «Գործընկերություն հանուն լավ կառավարման» համատեղ ծրագրի մաս, որը համաֆինանսավորվում է Եվրոպական միության և Եվրոպայի խորհրդի կողմից և իրականացվում է Եվրոպայի խորհրդի կողմից։
ՓԱՍՏԱԹՂԹԵՐ
ՀԱՅԱՍՏԱՆՅԱՆ ԾՐԱԳՐԵՐ
Կոնտակտներ