Հայաստան

Եվրոպայի խորհրդի գրասենյակ Երևանում

Գործընկերություն հանուն լավ կառավարման

Եվրոպական միությունը և Եվրոպայի խորհուրդը միասին աշխատում են՝ խթանելու ավելի հզոր կառավարումը, իրավունքի գերակայությունը և բարելավելու քաղաքացիների կյանքը Արևելյան գործընկերության երկրներում։*  

2014 թվականին Եվրոպական միությունը և Եվրոպայի խորհուրդը մեկնարկեցին համատեղ նախաձեռնություն՝ «Գործընկերություն հանուն լավ կառավարման» ծրագիրը Արևելյան գործընկերության երկրների համար՝ աջակցելու Արևելյան գործընկերության երկրների ներքին բարեփոխումներին՝ արդարադատության ամրապնդման, տնտեսական հանցագործության դեմ պայքարի, հավասարության ապահովման և խտրականության դեմ պայքարի, կանանց համար արդարադատության հասանելիության խթանման և կանանց նկատմամբ բռնության դեմ պայքարին՝ եվրոպական չափանիշներին համապատասխան:

ԳԼԿ ծրագիրը մշակվել է Եվրոպական միության և ազգային շահագրգիռ կողմերի հետ սերտ խորհրդակցությունների արդյունքում՝ Եվրոպայի խորհրդի Գործողությունների պլանների և Արևելյան գործընկերության տարածաշրջանի համար Եվրոպական միության առաջնահերթությունների համաձայն: Այն ունի երեք հաջորդական փուլ՝ ԳԼԿ I (2015-2018), ԳԼԿ II (2019-2022), ԳԼԿ III (2023-2027):

ԵՄ անդամակցության օրակարգում ուշադրության կենտրոնում են Ուկրաինան և Մոլդովայի Հանրապետությունը, ինչպես նաև բարելավված եվրոպական հեռանկարները Վրաստանի համար: «Գործընկերություն հանուն լավ կառավարման» ծրագիրը կշարունակի աջակցել Հայաստանին և Ադրբեջանին, ինչպես նաև նախատեսվում է աջակցել Բելառուսի դեմոկրատական ուժերի և քաղաքացիական հասարակության հետ համագործակցությանը: