საქართველოს ადგილობრივი მუნიციპალიტეტების წარმომადგენლების როლი მნიშვნელოვანია ანტიკორუფციული პოლიტიკის განვითარებასა და იმპლემენტაციაში, ასევე კეთილსინდისიერების ინსტრუმენტების წახალისებაში. ადგილობრივ დონეზე ანტიკორუფციული ჩარჩოს უკეთ გააზრებისა და განხორციელების მხარდასაჭერად, ევროპის საბჭომ სახელმწიფო უსაფრთხოების სამსახურთან (სუსი) თანამშრომლობით საჯარო სექტორში კორუფციის წინააღმდეგ ბრძოლის შესახებ ცნობიერების ამაღლების მიზნით ორი შეხვედრა გამართა. ღონისძება ჩატარდა ადგილობრივი მუნიციპალიტებების (ქვემო ქართლი და მცხეთა-მთიანეთი) საჯარო მოხელეებისათვის 2023 წლის 15-16 ივნისს, თბილისში. აღნიშნული აქტივობები წარმოადგენს პროექტის „კორუფციის, ფულის გათეთრების და ტერორიზმის დაფინანსების წინააღმდეგ ბრძოლისა და პრევენციის სისტემების გაუმჯობესება საქართველოში“ , (რომელიც ფინანსდება ევროკავშირისა და ევროპის საბჭოსაგან და რომლის განხორციელებაზე პასუხისმგებელია ევროპის საბჭოს პარტნიორობა კარგი მმართველობისათვის II) ფარგლებში 2022 წელს გამართული შეხვედრების გაგრძელებას.
სუსი-ის ანტიკორუფციულმა სააგენტომ, ევროპის საბჭოს ექსპერტთან თანამშრომლობით, ადგილობრივი მუნიციპალიტეტების წამომადგენლებს გაუზიარა ინფორმაცია ძირითადი ანტიკორუფციული კონცეფციების, კორუფციის პრევენციის ძირითადი ინსტრუმენტების, კორუფციული რისკების მონიტორინგისა და მართვის ეფექტური მექანიზმების შესახებ. ინტერესთა კონფლიქტის იდენტიფიცირება და შეტყობინება, მამხილებელთა დაცვა და კორუფციული რიკების მართვა წარმოადგენდა შეხვედრის დროს განხილულ ძირითად საკითხებს. მონაწილეების მიერ, ასევე გაანალიზდა ადგილობრივი მუნიციპალიტეტების პრაქტიკაში არსებული კონკტრეტული შემთხვევები. ევროპის საბჭოს ექსპერტის მონაწილეობამ დამსწრეებს განხილული საკითხები დაანახა საერთაშორისო პერსპექტივიდან. შეხვედრამ სუს-ის ანტოკორუფციული სააგენტოს წარმომადგენლებს, ასევე, მისცა შესაძლებლობა მონაწილეებისათვის მიეწოდებინათ ინფორმაცია სააგენტოს მანდატისა და საქმიანობის შესახებ.
ღონისძიება ჩატარდა სუს-ის ანტიკორუფციული სააგენტოს თანამშრომლების მიერ, რომლებიც ევროპის საბჭოს მხარდაჭერით გადამზადნენ ტრენერებად ტრენერთა ტრენინგის პროგრამის ფარგლებში, პროგრამა მიზნად ისახავდა შესაბამისი უწყების შესაძლებლობების გაძლიერებას ანტი-კორუფციული სასწავლო პროგრამის უკეთ შედგენაში.
ღონისძიება განხორციელდა პროექტის „საქართველოში კორუფციის, ფულის გათეთრებისა და ტერორიზმის დაფინანსების პრევენციისა და ბრძოლის ინსტიტუციური და ოპერატიული ჩარჩოების კონსოლიდაცია და გაძლიერება“ მიერ, რომელიც ფინანსდება ევროკავშირისა და ევროპის საბჭოსაგან და რომლის განხორციელებაზე პასუხისმგებელია ევროპის საბჭო პარტნიორობა კარგი მმართველობისათვის III ფარგლებში 2023-2027.
იხილეთ სახელმწიფო უსაფრთხოების სამსახურის მიერ გამოქვეყნებული სიახლე
პროექტის ბიუჯეტი: 665 000 ევრო
პროექტის ხანგრძლივობა: 
+99532 2913870/ 71/ 72