Ծրագրի լուրեր

«Ժողովրդավարական զարգացում, ապակենտրոնացում և լավ կառավարում Հայաստանում – Փուլ 2» ծրագրի նպատակն էր աջակցել տեղական ինքնակառավարման համար եվրոպական չափանիշներին համապատասխան վերանայված օրենսդրության ընդունմանը՝ արտացոլելու Հայաստանի նոր վարչատարածքային քարտեզը, և զարգացնել նոր խոշորացված համայնքների տեղական իշխանությունների կարողությունները՝ ապահովելու, որ նրանք կարողանան ստանձնել նոր պարտականություններ և իրավասությունները։ Այն նաև նպատակ ուներ էլ ավելի բարձրացնելու լավ կառավարման սկզբունքների մասին իրազեկվածության աստիճանը և խթանելու անդրսահմանային համագործակցությունը, միջհամայնքային համագործակցությունը և տնտեսական զարգացումը տեղական մակարդակում:

Այս ծրագրի շնորհիվ Հայաստանի քաղաքացիները կշահեն տեղական մակարդակում ավելի ներառական, արդյունավետ և ամուր ինստիտուցիոնալ կառույցներից, որոնք ի վիճակի են բարելավել հանրային ծառայությունները և նպաստել կայուն տնտեսական զարգացմանը՝ բարելավված օրենսդրական դաշտի արդյունքում:

• ՀՀ տարածքային կառավարման և ենթակառուցվածքների նախարարություն
• տեղական ինքնակառավարման մարմիններ
• ՏԻՄ ներկայացնող միավորումներ
• քաղաքացիական հասարակության կազմակերպություններ
• լայն հասարակություն

• մշակել քաղաքականություն/օրենսդրություն
• զարգացնել նոր խոշորացված համայնքների տեղական իշխանությունների կարողությունների 
• բարձրացնելլավ կառավարման սկզբունքների մասին իրազեկվածության աստիճանը
• խթանել անդրսահմանային համագործակցությունը, միջհամայնքային համագործակցությունը և տնտեսական զարգացումը տեղական մակարդակում:

• Կապահովվի համայնքների և քաղաքացիական հասարակության ակտիվ և բովանդակային մասնակցությունը քաղաքականության մշակման և տեղական կառավարման գործընթացներում:
• Կընդունվի տեղական տնտեսական զարգացման ներառական քաղաքականություն՝ ֆինանսական ապակենտրոնացմանն աջակցելու և տեղական մակարդակում ֆիսկալ ինքնավարության բարձրացման համար:
• Կընդունվի վերանայված «Տեղական ինքնակառավարման մասին» օրենքը և համապատասխան սահմանադրական փոփոխությունները՝ շահագրգիռ կողմերի մեկնաբանությունների լույսի ներքո և եվրոպական չափանիշներին համապատասխան:
• Կբարելավվի հանրային ծառայությունների մատուցման որակը և հասանելիությունը տեղական մակարդակում։ Այն կաջակցի ռեսուրսների հավասար հասանելիությանը կանանց, երիտասարդների և խոցելի խմբերի համար:
• Մեկնարկային դրամաշնորհները կաջակցեն միջհամայնքային համագործակցության (ՄՀՀ) տեխնիկատնտեսական ուսումնասիրությունների մշակմանը և միջհամայնքային համագործակցության ծրագրերի իրականացմանը՝ համատեղ ծառայությունների մատուցմանն աջակցելու նպատակով:
• Անդրսահմանային համագործակցության (ԱՍՀ) մեկնարկային դրամաշնորհները կաջակցեն անդրսահմանային տնտեսական զարգացման նախաձեռնությունների ստեղծմանը:
• Կստեղծվի ՄՀՀ, ԱՍՀ և տնտեսական զարգացման ոլորտում փորձի և լավագույն գործելակերպի փոխանակման հարթակ համայնքների միջև՝ միմյանց միջև փորձի փոխանակումը հեշտացնելու համար:

 Տեղական ինքնակառավարման եվրոպական խարտիա (1985 թ.)

 Հայաստանում տեղական ինքնակառավարման եվրոպական խարտիայի կիրառման մոնիտորինգ (2020 թ.)