‘გამოხატვის თავისუფლება ფუნდამენტური უფლებაა, რომელიც დაცულია ადამიანის უფლებათა ევროპული კონვენციით. თავისუფალი პრესა სასიცოცხლო მნიშვნელობისაა ნებისმიერი დემოკრატიისათვის. არჩეულ პოლიტიკოსებს გააჩნიათ მოვალეობა იყვნენ თავდებები იმისა, რომ ჟურნალისტებს შეეძლოთ თავისუფლად და სახელმწიფოს მხრიდან რეპრესიების შიშის გარეშე მუშაობა. ევროპის საბჭო ხელს უწყობს პრესის თავისუფლებას მთავრობებისათვის მედიის სფეროს კანონმდებლობაზე მოსაზრებების მიცემის გზით და ასევე, საჭიროების შემთხვევაში, ეხმარება წევრ ქვეყნებს კონვენციით აღებული ვალდებულებების შესრულებაში სპეციალური თანამშრომლობის პროგრამების მეშვეობით.  

“მაგრამ პასუხისმგებლები მხოლოდ მთავრობები არ არიან. პლურალისტული საზოგადოებები რისკის ქვეშ დგებიან, როდესაც მედია ცდილობს მთავრობაზე ზეგავლენის მოხდენას ეკონომიური უპირატესობის მისაღწევად და როდესაც საქმიანი კავშირები ჟურნალისტებსა და პოლიტიკოსებს შორის გაუმჟღავნებელია.  

“ადამიანთა პირადი ცხოვრების დაცულობის უფლების ხელყოფა ადამიანთა პირადი სივრცის უფლებისა (რომელიც ასევე დაცულია კონვენციით) უკანონო საქმიანობების მეშვეობით, როგორიცაა სატელეფონო მოსმენა, ასევე თანაბრად საზიანოა დემოკრატიებისათვის. მტკიცებულებები, რომლებმაც წამოიწიეს ლევესონის მიერ დიდ ბრიტანეთში მედიის ეთიკის საკითხების კვლევის შედეგად, ნათელი მაგალითია ჟურნალისტებისა და მთავრობებისათვის მათ მიერ თავისუფალი პრესის დაცვის პასუხისმგებლობის შესახსენებლად. ევროპის მოქალაქეებს ამის უფლება გააჩნიათ.”.”

დამატებითი ინფორმაციისათვის იხილეთ: www.coe.int / www.coe.ge