პროექტი გაზრდის მოწყვლადი ჯგუფების შესაძლებლობებს, მათ შორის იმ ადამიანებისა, რომლებიც ეროვნულ უმცირესობებს წარმოადგენენ. შედეგად, ისინი შეძლებენ საკუთარი უფლებებით სრულად სარგებლობას და ასევე ქართულ საზოგადოებრივ ცხოვრებაში მონაწილეობას. პროექტი უზრუნველყოფს:

• ანტიდისკრიმინაციის, სიძულვილით მოტივირებული დანაშაულისა და სიძულვილის ენის შესახებ სისხლის, სამოქალაქო და ადმინისტრაციული სამართლის კანონმდებლობის გადახედვის მხარდაჭერას რასიზმისა და შეუწყნარებლობის წინააღმდეგ ევროპული კომისიის რეკომენდაციებისა და ევროპის საბჭოს სხვა სტანდარტების შესაბამისად;
• დისკრიმინაციის, სიძულვილით მოტივირებული დანაშაულისა და სიძულვილის ენის შესახებ მონაცემთა შეგროვების მექანიზმის შექმნაში დახმარებას;
• ტრენინგების ჩატარებასა და საუკეთესო პრაქტიკის გაზიარებას ანტიდისრკიმინაციის, სიძულვილით მოტივირებული დანაშაულისა და სიძულვილის ენის შესახებ კანონმდებლობასა და პოლიტიკაზე,  ევროპის საბჭოს შესაბამისი სტანდარტებისა და ადამიანის უფლებათა ევროპული სასამართლოს პრეცედენტული სამართლის თაობაზე მათი ეფექტიანი განხორციელებისთვის;
• ცნობიერების გაზრდას ადამიანის უფლებებისა და  ანტიდისკრიმინაციის შესახებ და ასევე მათი დაცვის მნიშვნელობაზე დემოკრატიის, მშვიდობისა და კეთილდღეობისთვის ქართულ საზოგადოებაში.

• შინაგან საქმეთა სამინისტრო;
• იუსტიციის სამინისტრო;
• ადამიანის უფლებათა დაცვის სამდივნო;
• პარლამენტი;
• შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატი;
• განათლებისა და მეცნიერების სამინისტრო;
• საქართველოს სახალხო დამცველი;
• არასამთავრობო ორგანიზაციები, რომლებიც მუშაობენ ეროვნული უმცირესობებათა, ლგბტ და სხვა დაუცველ ჯგუფების დისკრიმინაციისა და  უფლებების საკითხებზე;
• შინაგან საქმეთა სამინისტროს აკადემია;
• იუსტიციის უმაღლესი სკოლა
• პროკურორების სასწავლო ცენტრი;
• „არა სიძულვილის ენას“ მოძრაობის ეროვნული კამპანია.

პროექტი განხორციელებულია დანიის სამეზობლო პროგრამის (DANEP) მხარდაჭერით საქართველოსთვის ევროპის საბჭოს სამოქმედო გეგმის ქვეშ.