პრევენციის ეროვნული მექანიზმის წარმომადგენლებისთვის (პრევენციის ეროვნული მექანიზმის დეპარტამენტი და სპეციალური პრევენციული ჯგუფი), ადამიანის უფლებათა დაცვის სპეციალისტების, იურისტების, ექიმების, სოციალური მუშაკებისა და ფსიქილოგების შემადგენლობით, გაიმართა შეხვედრა სამოქალაქო და პენიტენციურ დაწესებულებებში ფსიქიკური ჯანდაცვის უზრუნველყოფის და, მონიტორინგის პროცესის მეშვეობით, არსებული პრაქტიკის გაუმჯობესების გზების შესახებ. განსაკუთრებული ყურადღება ასევე დაეთმო ფსიქიკური ჯანდაცვის მონიტორინგის შესაძლო სტრატეგიებს და პროცესში მონაწილე სუბიექტებს შორის თანამშრომლობის გზებს.
განხილული საკითხები მოიცავდა ფსიქიკური ჯანდაცვის უზრუნველყოფის კონკრეტულ გამოწვევებს, გამოცდილების გაზიარებას პენიტენციურ და სხვა დახურული ტიპის დაწესებულებების სისტემური პრობლემების მონიტორინგის შესახებ, ფსიქიკური ჯანმრთელობის შეფასების და მკურნალობის თანამედროვე მიდგომებს. მონაწილეებმა ასევე განიხილეს ფსიქიკური ჯანმრთელობის 2022-2030 წლების სტრატეგია და 2022-2024 წლების სამთავრობო სამოქმედო გეგმა, ასევე ძირითადი სტრატეგიული მიზნები და ხელმისაწვდომი რესურსები. შედეგად, მონაწილეებმა ხაზგასმით აღნიშნეს, რომ მონიტორინგს გადამწყვეტი როლი აქვს ფსიქიკური ჯანმრთელობის გაუმჯობესებისა და ფსიქიკური პრობლემების მქონე ადამიანების უფლებების დაცვის საკითხში. მონაწილეებმა სურვილი გამოთქვეს გაუზიარონ ინფორმაცია და ცოდნა სხვა კოლეგებს, რაც კიდევ უფრო გაზრდის სემინარის გავლენას.
აღნიშნული სემინარი, რომელიც გაიმართა 2022 წლის 18-19 ნოემბერს, წინანდალში, ორგანიზებული იყო პროექტის „ადამიანის უფლებებისა და ჯანდაცვის ხელშეწყობის გაძლიერება პენიტენციურ სისტემაში“ მიერ. პროექტი დაფინანსებულია საქართველოსთვის ევროპის საბჭოს სამოქმედო გეგმის ფარგლებში.
