2020 წლის 1 სექტემბერს ძალაში შევიდა დადგენილება ბავშვებისათვის საფრთხის შემცველი ინფორმაციის ინტერნეტში განთავსების თაობაზე. დადგენილება მიიღო კომუნიკაციების კომისიამ ევროპის საბჭოს საექსპერტო დახმარების შედეგად.
დადგენილების ერთ-ერთი მთავარი მოთხოვნაა, რომ ასაკობრივი ნიშანდება მოხდეს ინტერნეტში განთავსებულ შესაბამის მედია-პროდუქტებზე (პროგრამები, ფილმები, თამაშები, ა.შ.). ასევე, ბავშვებისთვის გამიზნულ ვებ-გვერდებზე აიკრძალა მათთვის საფრთხის შემცველი კონტენტის გამოქვეყნება.
დადგენილების შემუშავებაში ხელშეწყობა მოხდა ევროპის საბჭოს პროექტის „მედიისა და ინტერნეტის თავისუფლების ხელშეწყობა“ ფარგლებში.
