Ներբեռնե՛ք 
2024 թվականի հոկտեմբերից Եվրոպայի խորհրդի կազմակերպած՝ մասնագիտացված աշխատաժողովների շարքը զգալիորեն բարելավել է մի շարք մարզերից, այդ թվում՝ Կոտայքից, Գեղարքունիքից, Տավուշից, Լոռուց, Արարատից և Վայոց ձորից, երեխաների արդյունավետ խնամակալության ոլորտում աշխատող ավելի քան 130 հայ մասնագետի կարողությունները։
Այս ուսումնական դասընթացների արդյունքում համայնքային սոցիալական աշխատողները, խնամակալության և հոգաբարձության հանձնաժողովների անդամները և այլ հանրային ծառայողներ, ինչպես նաև պետական հաստատությունների ներկայացուցիչները, այդ թվում՝ ՀՀ աշխատանքի և սոցիալական հարցերի նախարարությունից ու ՀՀ տարածքային կառավարման և ենթակառուցվածքների նախարարություն, ձեռք են բերել գիտելիքներ և գործնական հմտություններ՝ ծնողական խնամքից զրկված երեխաների պաշտպանությունն ու աջակցությունն ավելի արդյունավետ իրականացնելու համար։
Այս նախաձեռնության կարևոր բաղադրիչներից մեկը նպատակային և կարիքներին հարմարեցված նյութերի մշակումն էր, այդ թվում՝ արդյունավետ խնամակալության վերաբերյալ ուսումնամեթոդական ձեռնարկը։ Ձեռնարկը և դրան կից վերապատրաստման նյութերը քննարկվել են փորձագիտական աշխատաժողովի ընթացքում, որը համախմբել էր տեղական ու միջազգային փորձագետների, ինչպես նաև քաղաքացիական հասարակության կազմակերպությունների ներկայացուցիչների։
Թեմատիկ այս դասընթացները նպաստել են Եվրոպայի խորհրդի չափանիշների, արդյունավետ խնամակալության փորձի և միգրացիոն միջավայրում երեխաների պաշտպանության մասին մասնակիցների իրազեկվածության բարձրացմանը։ Դասընթացները նաև խթանել են միջգերատեսչական համագործակցությունը և մասնագիտական գիտելիքների փոխանակումը՝ նպատակ ունենալով ընդլայնել մասնագետների փորձառությունն ու պահպանել արդյունավետ գործելաոճը։
Այս նախաձեռնությունը միտված է աջակցելու Հայաստանի ջանքերին՝ երեխայակենտրոն խնամակալության համակարգ ստեղծելու համար, որը համահունչ է երկրի ստանձնած հանձնառությանը՝ ապահովու առանց ուղեկցության և ընտանիքից անջատված երեխաների իրավունքները և բարեկեցությունը։
Այս միջոցառումները կազմակերպվել են «Հայ երեխաների իրավունքների պաշտպանությունը հետկոնֆլիկտային համատեքստում» ծրագրի շրջանակում, որը հանդիսանում է Հայաստանում փախստականների ներհոսքին արձագանքման համալիր փաթեթի մաս՝ Եվրոպայի խորհրդի՝ Հայաստանի համար 2023-2026 թթ․ գործողությունների ծրագրի շրջանակում։
Հիմնական նպատակներ
Նոր ծրագրեր 
Լրացուցիչ բաղադրիչ ներառող ծրագրեր 
Կոնտակտներ