Հայաստանում տեղահանված բնակչության համար մարդու իրավունքների պաշտպանության երաշխիքների ամրապնդում
Ծրագիրը նպատակ ունի Հայաստանի իշխանություններին տրամադրել համապատասխանեցված աջակցություն՝ տեղահանված անձանց և փախստականների կարիքները հոգալու նպատակով՝ հատուկ ուշադրություն հատկացնելով մարդու իրավունքների պաշտպանության ինստիտուտներին, մասնավորապես՝ Մարդու իրավունքների պաշտպանի գրասենյակին և ՆԳՆ միգրացիայի և քաղաքացիության ծառայությանն աջակցելուն։
Ծրագրի հիմնական շեշտադրումն է՝ աջակցել վերաբերելի օրենսդրական և նորմատիվ իրավական դաշտի զարգացմանը՝ ապահովելու, որ տեղահանված անձինք կարողանան իրացնել մարդու հիմնարար իրավունքները, որոնք երաշխավորված են Մարդու իրավունքների եվրոպական կոնվենցիայով և եվրոպական այլ չափանիշներով: Ծրագիրը նաև կխթանի իրավական ոլորտի մասնագետների, համապատասխան ազգային մարմինների և քաղաքացիական հասարակության կազմակերպությունների՝ տեղահանված բնակչության կարիքներին արդյունավետ արձագանքելու կարողությունների բարձրացմանը։ Ծրագրի ևս մեկ նպատակն է բարելավել տեղահանված անձանց իրավունքների և հասանելի ծառայությունների վերաբերյալ տեղեկատվության հասանելիությունը՝ ապահովելով նրանց իրավունքների և առկա ծառայությունների մասին տեղեկություններից օգտվելու հնարավորությունը։
Սկիզբ. 2023 թ. դեկտեմբեր
Տևողություն. 30 ամիս
ֆինանսավորում. 1 000 000 եվրո, Հայաստանի համար Եվրոպայի խորհրդի 2023-2026 թվականների գործողությունների ծրագիր
Հիմնական գործընկերներ. ՀՀ արդարադատության նախարարության, ՀՀ ներքին գործերի նախարարության Միգրացիայի և քաղաքացիության ծառայություն, Մարդու իրավունքների պաշտպանի գրասենյակ
Կոնտակտային անձ՝ Թամարա Բարբակաձե, ծրագրի ղեկավար
- ՀՀ արդարադատության նախարարության
- ՀՀ ներքին գործերի նախարարության Միգրացիայի և քաղաքացիության ծառայություն
- Մարդու իրավունքների պաշտպանի գրասենյակ
- լայն հասարակություն
Համագործակցության ծրագիրն իրականացվում է Եվրոպայի Խորհրդի կողմից Հայաստանի համար 2023-2026թթ․ գործողությունների ծրագրով սահմանված առաջնահերթություններին համահունչ, մասնավորապես՝
- համապատասխան օրենսդրության և քաղաքականության մշակում
- քաղաքացիական ծառայողների, իրավաբանների և քաղաքացիական հասարակական կազմակերպությունների կարողությունների զարգացում
- տեղահանված անձանց իրավունքների և հասանելի ծառայությունների վերաբերյալ իրազեկվածության բարձրացում
- Ազգային իշխանությունները գործում են տեղահանվածներին վերաբերող և որոշակի մարտահրավերների հաղթահարման անհրաժեշտությունից բխող օրենսդրական և նորմատիվ իրավական դաշտի առկայությամբ:
- Իրավական ոլորտի մասնագետները, համապատասխան ազգային մարմինները և քաղաքացիական հասարակության կազմակերպությունները տեղահանված բնակչության կարիքներին արձագանքում են բարելավված կարողություններով:
- Տեղահանված անձանց համար դյուրացված է իրավունքների և առկա ծառայությունների մասին տեղեկություններից օգտվելու հնարավորությունը:
Մարդու իրավունքների չափանիշների գործնական կիրառումը տեղահանված բնակչության համար
ՀՀ քաղաքացիության դիմումն այժմ ավելի հեշտ է և հասանելի ՝ տեղահանված անձինք և փախստականները այժմ կարող են ՀՀ քաղաքացիության դիմելու գործընթացն իրականացնել mcs-citizenship.am թվային հարթակի միջոցով, որը ստեղծվել է, որպեսզի գործընթացը լինի հնարավորինս հարմար, հասանելի և հեշտ կիրառելի՝ցանկացած պահի, ցանկացած վայրից։
