Ծրագրի լուրեր

իմնելով «Աջակցություն Հայաստանում Պրոբացիայի ծառայության զարգացմանը» և «Աջակցություն Հայաստանում Պրոբացիայի ծառայության հզորացմանը» ծրագրերի արդյունքների վրա՝ Եվրոպայի խորհրդի Հայաստանի համար իրականացվող գործողությունների 2023-2026թթ․ ծրագրի կողմից ֆինանսավորվող «Աջակցություն Հայաստանում Պրոբացիայի ծառայության հետագա հզորացմանը» ծրագիրն աջակցում է ազգային իշխանություններին՝ նպաստելով պրոբացիայի ծառայությունների կիրառումը երկրում ավելի դյուրին դարձնելուն՝ դրանով իսկ բարձրացնելով հանրության անվտանգությունն ու արդարադատության անաչառ իրականացումը։

Ծրագիրն իրականացվում է Արդարադատության նախարարության և Պրոբացիայի պետական ծառայության, ինչպես նաև այլ ներպետական շահագրգիռ կողմերի՝ ներառյալ քաղաքացիական հասարակության այն կազմակերպությունների հետ սերտ համագործակցությամբ, որոնք ակտիվ գործունեություն են ծավալում պրոբացիայի ոլորտում։

Ակնկալվող փոփոխությունները կաջակցեն ՀՀ իշխանություններին օրենսդրությունը և պրակտիկան համապատասխանեցնել Եվրոպայի խորհրդի չափանիշներին, ինչպես օրինակ, ի թիվս այլոց, Պրոբացիայի կանոնների վերաբերյալ անդամ երկրներին ուղղված Եվրոպայի խորհրդի նախարարների կոմիտեի թիվ CM/Rec(2010)1 և Համայնքային պատժամիջոցների և միջոցների վերաբերյալ եվրոպական կանոնների մասին Եվրոպայի խորհրդի նախարարների կոմիտեի թիվ CM/Rec(2017)3 հանձնարարականներին:

• Արդարադատության նախարարություն
• Պրոբացիայի պետական ծառայության անձնակազմ
• Քրեակատարողական ծառայության անձնակազմ
• «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի անձնակազմ
• դատավորներ և այլ իրավաբան մասնագետներ
• լայն հասարակություն

Ծրագիրն իր իրականացման ողջ ընթացքում հետևելու է Եվրոպայի խորհրդի հիմնական սկզբունքներին։ Մասնավորապես՝ պրոբացիայի ծառայությունը պետք է նպատակ ունենա պրոբացիայի շահառուների հետ դրական հարաբերություններ հաստատելու միջոցով նվազեցնել կրկնահանցագործությունը՝ նրանց վերահսկելու, ուղղորդելու և աջակցելու, ինչպես նաև բարեհաջող սոցիալական վերաինտեգրմանը նպաստելու համար։ Բոլոր միջամտությունները պետք է համահունչ լինեն Եվրոպայի խորհրդի մարդու իրավունքների չափանիշներին, միաժամանակ պետք է հաշվի առնեն պրոբացիայի շահառուների արժանապատվությունը, առողջությունը, անվտանգությունը և բարօրությունը, ինչպես նաև լիարժեքորեն պետք է հաշվի առնվեն նրանց անհատական հատկանիշները, հանգամանքները և յուրաքանչյուր առանձին իրավախախտի կարիքները, որպեսզի ապահովվի յուրաքանչյուր դեպքի արդար և անաչառ քննությունը։ Պրոբացիայի ծառայությունը պետք է համագործակցի այլ հանրային կամ մասնավոր, հասարակական կազմակերպությունների և տեղական համայնքների հետ` պրոբացիայի շահառուների սոցիալական վերաինտեգրումը խթանելու համար։ Անհրաժեշտ է իրականացնել համակարգված և փոխլրացնող միջգերատեսչական և միջճյուղային աշխատանք՝ պրոբացիայի շահառուների հաճախ համալիր կարիքների բավարարման և համայնքի անվտանգության բարձրացման համար։

• Հզորացնել Պրոբացիայի ծառայությունն անհրաժեշտ գործիքների և կարողությունների զարգացմանն ուղղված միջոցառումների միջոցով․ կմշակվի վերապատրաստման նոր ծրագիր և աջակցություն կտրամադրվի e-probation համակարգի, ռիսկի և կարիքների գնահատման գործիքի, ինչպես նաև  նախազատումային զեկույցների կիրառման բարելավման համար։
• Բարելավել միջգերատեսչական համագործակցությունը․ պրոբացիայի գործառույթների արդյունավետ իրականացումն ապահովելու նպատակով կկազմակերպվեն գերատեսչությունների միջև կանոնավոր տեղեկատվության փոխանակման և համակարգման հանդիպումներ և աշխատաժողովներ։
• Բարելավել վերականգնողական և վերասոցիալականացման միջոցառումները․ աջակցություն կտրամադրվի վերականգնողական և վերասոցիալականացման ծրագրերի շտեմարանը բերալավելու և հիմնական շահառուների հետ համակարգումն ապահովելու գործում։
• Բարելավել Պրոբացիայի ծառայությանն առնչվող օրենսդրական շրջանակը՝ այն համապատասխանեցնելով միջազգային չափանիշներին և եվրոպական լավագույն փորձին․ տրամադրվող տեխնիկական և փորձագիտական աջակցությունը կապահովի, որ առկա օրենսդրական նախաձեռնությունները գնահատվեն ԵԽ չափանիշներին համապատասխան։

 Եվրոպայի խորհրդի Նախարարների կոմիտեի թիվ (2010)1 հանձնարարականը «Պրոբացիայի մասին Եվրոպայի խորհրդի կանոնների վերաբերյալ»

 Եվրոպայի խորհրդի Նախարարների կոմիտեի թիվ Rec(2014)4 հանձնարարականը էլեկտրոնային մոնիթորինգի վերաբերյալ 

 Համայնքային պատժամիջոցների և միջոցների վերաբերյալ Եվրոպական կանոնների մասին Եվրոպայի խորհրդի Նախարարների կոմիտեի թիվ CM/Rec(2017)3 հանձնարարականը 

 Եվրոպայի խորհրդի Նախարարների կոմիտեի թիվ Rec(2003)22 հանձնարարականը պայմանական ազատման վերաբերյալ

 Ազատազրկման հետ չկապված պատժամիջոցներ և միջոցներ

 Եվրոպայի խորհրդի տարեկան քրեական վիճակագրություն (SPACE I և SPACE II)

 Խոշտանգումների և անմարդկային կամ արժանապատվությունը նվաստացնող վերաբերմունքի կամ պատժի կանխարգելման եվրոպական կոմիտե (ԽԿԿ)