Back Կառավարությունները կարող են անել ավելին կանանց նկատմամբ բռնությունը դադարեցնելու համար՝ օգտագործելով Ստամբուլի կոնվենցիայի բռնաբարության սահմանումը

Statement by Secretary General Alain Berset
Կառավարությունները կարող են անել ավելին կանանց նկատմամբ բռնությունը դադարեցնելու համար՝ օգտագործելով Ստամբուլի կոնվենցիայի բռնաբարության սահմանումը

«Կանանց նկատմամբ բռնության և ընտանեկան բռնության կանխարգելման և դրա դեմ պայքարի Եվրոպայի խորհրդի կոնվենցիայի (Ստամբուլի կոնվենցիա) ուժի մեջ մտնելուց մեկ տասնամյակից ի վեր, մեծ առաջընթաց է գրանցվել, բայց շատ եվրոպական երկրներ դեռևս չեն սահմանում բռնաբարությունը՝ համաձայն պայմանագրի ուղեցույցների:

«Կանանց նկատմամբ բռնության և ընտանեկան բռնության կանխարգելման և դրա դեմ պայքարի Եվրոպայի խորհրդի կոնվենցիայի (Ստամբուլի կոնվենցիա) ուժի մեջ մտնելուց մեկ տասնամյակից ի վեր, մեծ առաջընթաց է գրանցվել, բայց շատ եվրոպական երկրներ դեռևս չեն սահմանում բռնաբարությունը՝ համաձայն պայմանագրի ուղեցույցների:

«Ստամբուլի կոնվենցիան, որը վավերացվել է 38 երկրների և ԵՄ-ի կողմից, վերահսկվում է Կանանց նկատմամբ բռնության և ընտանեկան բռնության դեմ գործողության փորձագիտական ​​խմբի կողմից (GREVIO): GREVIO-ի մշտադիտարկումը ցույց է տալիս, որ երկրները մինչ այժմ առաջընթաց են գրանցել մի քանի ուղղություններում, այդ թվում՝ մասնագիտացված 24/7 հեռախոսային թեժ գծերի սպասարկումը, ավելացնելով ապաստարանների հասանելիությունը և մշակելով համապարփակ ազգային գործողությունների ծրագրեր:

«Բայց պետք է ավելին անել: Օրինակ՝ երկրները պետք է ավելի լավ հակազդեն առցանց սեռական ոտնձգություններին, հետապնդմանը կամ հոգեբանական բռնությանը, որոնք մեծացող խնդիրներ են դարձել ամբողջ Եվրոպայում:

«Մասնավորապես, Ստամբուլի կոնվենցիան սահմանում է բռնաբարությունը՝ հիմնված ազատորեն տրված համաձայնության բացակայության վրա՝ ի տարբերություն բռնաբարության ավանդական ուժի վրա հիմնված սահմանումների: Սա կարևոր է սեռական բռնության ենթարկված կանանց և աղջիկների իրականությունը և դրանց հաղթահարման մեխանիզմները լիովին լուսաբանելու համար: Վերջերս Ֆինլանդիան, Դանիան, Բելգիան և Իսպանիան փոխել են բռնաբարության իրավական սահմանումը` համապատասխանեցնելով պայմանագրային ուղեցույցներին:

«Բոլոր եվրոպական երկրները պետք է վավերացնեն Ստամբուլի կոնվենցիան և ընդունեն բռնաբարության իրավական սահմանում՝ հիմնվելով ազատորեն տրված համաձայնության բացակայության վրա։

«Կանանց և աղջիկներին բռնությունից պաշտպանելը ամենօրյա պարտավորություն է: Նոյեմբերի 25-ից դեկտեմբերի 10-ը գենդերային բռնության դեմ պայքարի 16-օրյակը խրախուսում է կառավարություններին ակտիվացնել իրենց ջանքերը»:

 

ԳԼԽԱՎՈՐ ՔԱՐՏՈՒՂԱՐ ՍՏՐԱՍԲՈՒՐԳ 25 ՆՈՅԵՄԲԵՐԻ, 2024թ․
  • Diminuer la taille du texte
  • Augmenter la taille du texte
  • Imprimer la page

 Սկիզբ՝ 1 հունվարի, 2023 թ․

 Տևողություն՝ 24 ամիս

  Ֆինանսավորում՝ 957 000 եվրո, Եվրոպայի խորհրդի Հայաստանի համար իրականացվող գործողությունների 2023–2026 թվականների ծրագրին աջակցող դոնորներ

Գործընկերներ՝ ՀՀ աշխատանքի և սոցիալական հարցերի նախարարություն, ՀՀ արդարադատության նախարարություն, ՀՀ  կրթության, գիտության, մշակույթի և սպորտի նախարարություն, ՀՀ ներքին գործերի նախարարություն/ ՀՀ ոստիկանություն, ՀՀ մարդու իրավունքների պաշտպանի գրասենյակ, ՀՀ քննչական կոմիտե

Եվրոպայի խորհրդի ծրագրի նպատակն էր ուժեղացնել շահագրգիռ կողմերի կարողությունները և զարգացնել համագործակցությունը կանանց նկատմամբ բռնության և ընտանեկան բռնության, ներառյալ թվային բռնության կանխարգելման և դրա դեմ պայքարի հարցում, ինչպես ամրագրված է Կանանց նկատմամբ բռնության և ընտանեկան բռնության կանխարգելման և դրա դեմ պայքարի Եվրոպայի խորհրդի կոնվենցիայում (Ստամբուլի կոնվենցիա), ինչպես նաև գործնականում օժանդակել գենդերային հավասարությանը և կանանց իրավազորմանը։  

Ծրագիրը հիմնված էր 2022 թվականի դեկտեմբերին ավարտված «Կանանց նկատմամբ բռնության և ընտանեկան բռնության կանխարգելման և դրա դեմ պայքարի մասին կոնվենցիայի վավերացման ուղին Հայաստանում» ծրագրի վրա:

Ծրագիրը աջակցել է գենդերային հավասարության խթանմանը և կանանց իրավազորմանը (ԿԻ), ինչպես նաև կանանց նկատմամբ բռնության (ԿՆԲ) և ընտանեկան բռնության (ԸԲ) դեմ պայքարին՝ գիտելիքների բարելավման և եվրոպական չափանիշներին և լավագույն փորձին համապատասխան միջգերատեսչական համագործակցության զարգացման միջոցով: Ծրագրի ակնկալվող երկարաժամկետ ազդեցությունը կայանում էր նրանում, որ Հայաստանում կանայք օգտվեն գենդերային հավասարությաունից և կանանց նկատմամբ բռնության բոլոր ձևերի պաշտպանությունից:

Ծրագիրն օժանդակել է Հայաստանի համար Եվրոպայի խորհրդի 2023-2026 թվականների գործողությունների ծրագրին, որպեսզի.

  • Հայաստանն ավելի լավ պատրաստված լինի Ստամբուլի կոնվենցիայի վավերացմանը։
  • Ընտանեկան բռնության կանխարգելման և դրա դեմ պայքարի հայաստանյան իրավական և քաղաքականության շրջանակը համահունչ լինի Եվրոպայի խորհրդի չափանիշներին։
  • Արդարադատության և աջակցության ծառայությունները լինեն ավելի մատչելի գենդերային և ընտանեկան բռնությունից տուժած կանանց համար, ներառյալ առավել անապահովների։
  • Իրավապահ մարմինների աշխատակիցները, սոցիալական աշխատողները և այլ համապատասխան մասնագետներն ավելի լավ ընկալեն եվրոպական չափանիշները և գենդերազգայուն մոտեցումները՝ ընտանեկան բռնության և գենդերային բռնության տուժողների հետ աշխատանքում։

Ծրագիրն իրականացվել է երեք ուղղությամբ.

  • Ուղղություն 1 (ԿՆԲ/ԸԲ)․ Եվրոպայի խորհուրդը կաջակցի ՀՀ կառավարությանը՝ իրենց քաղաքականությունն ու ներպետական կազմակերպչական շրջանակը Ստամբուլի կոնվենցիային համապատասխանեցնելու ջանքերում՝ տրամադրելով հիմնավոր գիտելիքներ և տեղեկատվություն հեռանկարային փորձի մասին: Հատուկ ուշադրության կարժանանա միջգերատեսչական համագործակցության զարգացումը։ Ծրագրի ներքո կիրականացվի ԿՆԲ-ի նոր ձևերի ուղղությամբ աշխատանք՝ ԿՆԲ-ի թվային գնահատման մասին Կանանց նկատմամբ բռնության և ընտանեկան բռնության դեմ պայքարի անկախ փորձագետների խմբի (GREVIO) թիվ 1 ընդհանուր հանձնարարականին համապատասխան:
  • Ուղղություն 2 (ԿԻ)․ Եվրոպայի խորհուրդը կաջակցի կանանց իրավազորման հարցում ՀՀ կառավարությանը և քաղաքացիական հասարակությանը՝ խրախուսելով կանանց մասնակցությունը որոշումների կայացմանը և պայքարելով կարծրատիպերի ու սեքսիզմի դեմ, որոնք կարող են հանգեցնել գենդերային անհավասարության և խոչընդոտ հանդիսանալ կանանց կողմից մարդու իրավունքներից լիարժեք օգտվելու հարցում: Աջակցությունը մասնավոևապես հիմնված է Եվրոպայի խորհրդի գենդերային հավասարության ռազմավարությանը (2018-2023թթ․) և Նախարարների կոմիտեի CM/Rec(2019)1 անդամ պետություններին ուղղված հանձնարարականին՝ սեքսիզմի կանխարգելման և դրա դեմ պայքարի, ինչպես նաև Եվրոպայի խորհրդի անդամ երկրների խոստումնալից գործելակերպի վերաբերյալ:

2024 թվականի հունվարին ծրագրում ներառվել է նոր բաղադրիչ, որը կօգնի Հայաստանի կառավարությանը փախստական կանանց և աղջիկների կարիքների ուղված ռազմավարության և քաղաքականության մշակելուն, իրազեկվածության բարձրացմանը և նրանց ինտեգրմանն ու հզորացմանը աջակցելուն:

  • Ուղղություն 3 (փախստականների իրավունքներ) այս նոր բաղադրիչի նպատակն է աջակցել Հայաստանի կառավարությանը փախստական ​​կանանց և աղջիկների իրավունքների ոլորտում քաղաքականության մշակմանը և իրականացմանը: Աջակցության տրամադրման գործընթացն առաջնորդվում է համապատասխան եվրոպական չափանիշներով, հանձնարարականներով և ռազմավարություններով: Ծրագրի նպատակն է խթանել տեղական համայնքներում կանանց և աղջիկների գենդերազգայուն տնտեսական և սոցիալական ներառումը և ինտեգրումը, հարթակ ստեղծել քաղաքացիական հասարակության կողմից փախստական կանանց և աղջիկների իրավունքների բարձրաձայնման համար, ինչպես նաև ընդլայնել մեդիա մասնագետների հմտությունները կին փախստականների և պատերազմի տուժղների մասին հաղորդելու հարցում։

Փաստաթղթեր
 Ծրագրի 1-ին փուլի ձեռքբերումների մասին տեսանյութ