სასამართლოს მენეჯმენტის მოდერნიზაციის ხელშეწყობა საქართველოში

Back საქართველოს საპილოტე სასამართლოებში მართლმსაჯულების ეფექტიანობის ევროპული კომისიის სასამართლოს ქოუჩინგის პროგრამა დაიწყო

Ketevan SAKHELASHVILI

Modified 3 Years ago.

საქართველოს საპილოტე სასამართლოებში მართლმსაჯულების ეფექტიანობის ევროპული კომისიის სასამართლოს ქოუჩინგის პროგრამა დაიწყო

მართლმსაჯულების ეფექტიანობის ევროპული კომისიის (CEPEJ) სასამართლოს ქოუჩინგის პროგრამა დაიწყო ექსპერტთა ვიზიტით 2023 წლის 23-25 მაისს ორ საპილოტე სასამართლოში - საქართველოს უზენაეს და რუსთავის საქალაქო სასამართლოებში. ქოუჩინგის პროგრამას ორგანიზებას უწევს პროექტი „სასამართლოს მენეჯმენტის მხარდაჭერა საქართველოში“.

CEPEJ-ის ექსპერტებმა ჩაატარეს ჩაღრმავებული ინტერვიუები სასამართლოს მენეჯერებსა და თანამშრომლებთან, რის შედეგადაც ძირფესვიანად შეაფასეს ამ ორი სასამართლოს სპეციფიკური საჭიროებები. ეს შეფასება მიზნად ისახავდა ღირებული ინფორმაციის შეგროვებას სასამართლოების წინაშე არსებული გამოწვევების შესახებ და შესაბამისი რეკომენდაციების შემუშავებას, რომლებსაც ქოუჩინგის პროგრამის ჩატარებისას გაეცემა პასუხი. შეხვედრებზე ექსპერტებმა წარმოადგინეს CEPEJ-ის მეთოდოლოგია და ინსტრუმენტები და სასამართლოებს საუკეთესო პრაქტიკისა და გამოცდილების მაგალითები გააცნეს, რაც სასამართლოს მენეჯმენტის გაუმჯობესებაში დაეხმარება.

სასამართლოს ქოუჩინგის პროგრამის განხორციელება საქართველოში, CEPEJ-ის პროექტის ფარგლებში, არის საკვანძო ნაბიჯი ქართული სასამართლო სისტემის მოდერნიზებისა და გაძლიერების გზაზე. CEPEJ-ის ექსპერტთა ექსპერტული ცოდნისა და მითითებების გაზიარების მიზანია საქართველოს უზენაესი და რუსთავის საქალაქო სასამართლოების სპეციფიკურ საჭიროებებზე მორგებული მხარდაჭერა.

ამ აქტივობას ორგანიზებას უწევს პროექტი - „სასამართლოს მენეჯმენტის მოდერნიზაციის მხარდაჭერა საქართველოში“, რომელიც დაფინანსებულია ევროკავშირისა და ევროპის საბჭოს მიერ და ხორციელდება ევროპის საბჭოს მიერ, პარტნიორობა კარგი მმართველობისათვის III ფარგლებში (2023-2027).

25 მაისი 2023

Diminuer la taille du texte
Augmenter la taille du texte
Imprimer la page

პროექტის შესახებ

პროექტი ესწრაფვის, განაგრძოს ქვეყნის მხარდაჭერა ევროპის საბჭოსა და სხვა საერთაშორისო სტანდარტებისა თუ ინსტრუმენტების დასამკვიდრებლად მართლმსაჯულების სფეროში, ასევე, მეტად განავითაროს ამ სფეროს პროფესიონალთა შესაძლებლობები, რათა მათ ეს სტანდარტები და ინსტრუმენტები სხვადასხვა მიმართულებით გამოიყენონ: სასამართლო სისტემის ეფექტიანობის გასაუმჯობესებლად, სასამართლოს ადმინისტრირების მოდერნიზაციისათვის, მათ შორის, კიბერმართლმსაჯულების ინსტრუმენტთა დანერგვის გზით. ამასთან, უწყვეტად გააუმჯობესონ სასამართლოს სერვისები პროფესიონალებსა და საზოგადოებას შორის დიალოგით.

პროექტი ხორციელდება ევროკავშირისა და ევროპის საბჭოს ერთობლივი პროგრამის - პარტნიორობა კარგი მმართველობისათვის - მესამე ფაზის ფარგლებში, 2023 წლიდან 2027 წლამდე პერიოდში. იგი, მართლმსაჯულების გაძლიერების სფეროში ამავე პროგრამის პირველი და მეორე ფაზებისას მიღწეულ შედეგებს დაეყრდნობა (I ფაზა: 2015-2018; II ფაზა 2019-2023).

პროექტის ბიუჯეტი: 800 000 ევრო

პროგრამის მთლიანი ბიუჯეტია 19,3 მილიონი ევრო. 80% დაფინანსებულია ევროკავშირის და 20% ევროპის საბჭოს მიერ.

პროექტის ხანგრძლივობა: 2023 წლის 1 მარტიდან 2025 წლის 30 სექტემბრამდე

პროექტის მიზნები

საქართველოში მხარი დაუჭიროს მართლმსაჯულების ეფექტიანობის გაუმჯობესებას, კერძოდ კი, საქმეთა ნაშთისა და სამართალწარმოების გაჭიანურების შემცირებას.
დაეხმაროს სასამართლოს სერვისების გაუმჯობესებას, სამართლის პროფესიონალებსა და საზოგადოებას შორის დიალოგის გზით.
ხელი შეუწყოს მოსამართლეთა მხრიდან საქმეების მედიაციისათვის გადაცემის ზრდას, სამედიაციო საქმეებზე სტატისტიკის უკეთ შეგროვებას CEPEJ-ის მედიაციის განვითარების გზამკვლევზე დაფუძნებით.

მეთოდოლოგია

სხვადასხვა ტიპის მოქმედებათა კომბინაციით, რომელთა შორისაა კონტექსტზე მორგებული პოლიტიკის განხორციელება, აქტივობები შესაძლებლობათა გაუმჯობესებისა და ცნობიერების ამაღლების მიზნით.

პროექტის პარტნიორები და ბენეფიციარები

იუსტიციის უმაღლესი საბჭო
საერთო სასამართლოები
იუსტიციის უმაღლესი სკოლა
იუსტიციის უმაღლესი საბჭოს დამოუკიდებელი ინსპექტორი
მედიატორთა ასოციაცია

მოსალოდნელი შედეგები

სასამართლოები დანერგავენ ხარისხისა და ეფექტიანობის სტანდარტებსა და ინსტრუმენტებს
გაუმჯობესდება ეფექტიანი და ხარისხიანი სასამართლო სერვისების მოქალაქეებისათვის მიწოდება
ქოუჩინგის პროგრამა სასამართლოებში შექმნის კარგ პლატფორმას სასამართლოს მენეჯმენტის გასაუმჯობესებლად და პრაქტიკული ზომები გავრცელდება ყველა სასამართლოში
სასამართლოს მუშაობა გაძლიერდება სასამართლოს გაუმჯობესებული მენეჯმენტის მეშვეობით
მედიაციისადმი მიმართვიანობა მოიმატებს.

როგორ მივიღოთ მეტი ინფორმაცია?

პროექტს ახორციელებს ევროპის საბჭოს მართლმსაჯულების ეფექტიანობის ევროპული კომისია (CEPEJ), ადამიანის უფლებათა და კანონის უზენაესობის გენერალური დეპარტამენტი (DG I)

პარტნიორობა კარგი მმართველობისათვის
ვებგვერდი: http://partnership-governance-eu.coe.int/
ელფოსტა: [email protected]

ევროპის საბჭოს ოფისი საქართველოში
ვებგვერდი: Council of Europe Office inTbilisi (coe.int)
ელფოსტა: [email protected]

„პარტნიორობა კარგი მმართველობისთვის“ (PGG) არის ევროკავშირისა და ევროპის საბჭოს ერთობლივი ინიციატივა აღმოსავლეთ პარტნიორობის რეგიონში კარგი მმართველობის გასაძლიერებლად.

PGG უზრუნველყოფს აღმოსავლეთ პარტნიორობის ქვეყნების მხარდაჭერას მათი კანონმდებლობისა და პრაქტიკის ადამიანის უფლებების, კანონის უზენაესობისა და დემოკრატიის სფეროებში ევროპულ სტანდარტებთან შესაბამისობაში მოყვანის მიზნით. კერძოდ, ის მხარს უჭერს აღმოსავლეთ პარტნიორობის ქვეყნების საშინაო რეფორმებს მართლმსაჯულების გაძლიერების, ეკონომიკური დანაშაულისადმი წინააღმდეგობის, თანასწორობისა და დისკრიმინაციის წინააღმდეგ ბრძოლის ხელშეწყობის, ქალების მიერ მართლმსაჯულების ხელმისაწვდომობის გაზრდისა და ქალთა მიმართ ძალადობის წინააღმდეგ ბრძოლის მიზნით. PGG მხარს უჭერს საქართველოს ევროპული პერსპექტივის დღის წესრიგში, ევროპის საბჭოს სტანდარტების შესაბამისად.