Back ტრენინგი პიროვნულ განვითარებასა და გუნდურ შეჭიდულობაზე იუსტიციის უმაღლესი სკოლისათვის

ტრენინგი პიროვნულ განვითარებასა და გუნდურ შეჭიდულობაზე იუსტიციის უმაღლესი სკოლისათვის

2022 წლის 22-23 ოქტომბერს იუსტიციის უმაღლესი სკოლის თანამშრომლებისთვის ჩატარდა ტრენინგი რომელიც შეეხებოდა, ერთი მხრივ, პიროვნულ განვითარებას და, მეორე მხრივ, გუნდურ შეჭიდულობასა და კოლეგიალობას. შედარებით ახალი გუნდისთვის ეს აღმოჩნდა კარგი შესაძლებლობა, რათა მეტი გაეგოთ ერთმანეთის შესახებ და აღმოეჩინათ ურთიერთთანამშრომლობის მეტი პოტენციალი.

ტრენინგზე განხილულ საკითხთა შორის იყო პირადი და გუნდის რესურსების სწორი გადანაწილება, საკუთარი თავის მართვა, რაც სტრესისა და დროის მენეჯმენტსაც მოიცავს,  შიდა კომუნიკაცია და გუნდური მუშაობა. ტრენინგი მიზნად ისახავდა აღნიშნულ თემებზე დაფიქრებას, შესაბამისი უნარების შეძენასა და ამ გზით სამუშაო პროცესისა თუ შედეგების გაუმჯობესებას.

ღონისძიება ჩატარდა სასამართლო რეფორმის მხარდაჭერის პროექტის ორგანიზებით. იუსტიციის უმაღლესი სკოლა პროექტის ერთ-ერთი პარტნიორია და მისი, როგორც ინსტიტუციის შესაძლებლობათა განვითარება პროექტის მთავარ მიზნებს შორისაა.

პროექტი - „სასამართლო სისტემის ანგარიშვალდებულებისა და ეფექტიანობის გაუმჯობესება და ადვოკატთა პროფესიონალიზმის ამაღლება საქართველოში“ - თანადაფინანსებულია ევროკავშირისა და ევროპის საბჭოს მიერ და ხორციელდება ევროპის საბჭოს მიერ, პარტნიორობა კარგი მმართველობისათვის II 2019-2023 ფარგლებში.

22-23 ოქტომბერი 2022
  • Diminuer la taille du texte
  • Augmenter la taille du texte
  • Imprimer la page
პროექტის მიზანი

სასამართლო სისტემისა და ადვოკატთა ასოციაციის ქმედითობის, ეფექტიანობისა და გამჭვირვალობის ამაღლება საკანონმდებლო გარანტიების განმტკიცებით, მმართველობის პრაქტიკისა და სასწავლო შესაძლებლობათა მხარდაჭერით, ასევე, სასამართლო სისტემის შიგნით საქმისწარმოების პროცედურებისა და მენეჯმენტის პრაქტიკის გაუმჯობესებით.

პროექტის განხორციელების გზები
  • ევროპის საბჭოს საკონსულტაციო ორგანოებისა და მისი წევრი სახელმწიფოებისგან სამართლებრივი ანალიზის მიღება, საქმიანი კავშირების დამყარება და საუკეთესო პრაქტიკის გაზიარება;
  • CEPEJ-ის ინსტრუმენტების, რეკომენდაციების, მეთოდოლოგიისა და პრაქტიკული რჩევების გამოყენებით, საქართველოს მართლმსაჯულების სისტემის ეფექტიანობისა და ხარისხის გაუმჯობესება;
  • მჭიდრო თანამშრომლობის დამყარება  სახელმწიფო ორგანოებთან, სამოქალაქო ორგანიზაციებთან, აკადემიურ წრეებსა და პარტნიორ საერთაშორისო ორგანიზაციებთან;
  • პროექტის ფარგლებში მხარდაჭერილი ცვლილებების ინსტიტუციონალიზაციის გზით, შედეგების მდგრადობის უზრუნველყოფა;
  • PGG პროგრამის პირველი ეტაპის (2015-2018) ფარგლებში მართლმსაჯულების სფეროში მიღწეული შედეგების
მოსალოდნელი შედეგები

What do we expect to achieve? - professionalism of lawyers

  • მოსამართლეთა დანიშვნის, შეფასების, დაწინაურებისა და ანგარიშვალდებულების მარეგულირებელი სამართლებრივი აქტები გადახედილია და შეესაბამება ევროპულ სტანდარტებს;
  • სასამართლოს სერვისების ხარისხი გაუმჯობესებულია CEPEJ-ის ინსტრუმენტების გამოყენებისა და მოსამართლეებისა თუ სასამართლოს თანამშრომლების გადამზადების შედეგად;
  • სასამართლოს მომხმარებლები სარგებლობენ სასამართლო სისტემის ფუნქციონირების გაზრდილი ეფექტიანობით, ანგარიშვალდებულებითა და გამჭვირვალობით;
  • საკონსტიტუციო სასამართლო უფრო ეფექტიანად მუშაობს;
  • საქართველოს ადვოკატთა ასოციაციაში გაუმჯობესებულია პროფესიაში შესასვლელი ადაპტაციის პროგრამა, ხოლო მისი წევრები სარგებლობენ გაუმჯობესებული განგრძობადი განათლების პროგრამებით.
  • Diminuer la taille du texte
  • Augmenter la taille du texte
  • Imprimer la page
პროექტის ხანგრძლივობა
პროექტი დაიწყო 2019 წლის 1 ნოემბერს და გრძელდება 2023 წლის 1 მარტამდე.
პროექტის ბენეფიციარები
პროექტის ღირებულება
  • პროექტის სრული ბიუჯეტია 1,220,000 ევრო.
  • ბიუჯეტის 80%-ს აფინანსებს ევროკავშირი, ხოლო 20%-ს - ევროპის საბჭო. პროექტს ახორციელებს ევროპის საბჭო.
საკონტაქტო ინფორმაცია

საბჭოს ადამიანის უფლებათა და კანონის უზენაესობის დირექტორატი. კერძოდ, მართლმსაჯულებისა და სამართლებრივი თანამშრომლობის დეპარტამენტის სასამართლო რეფორმის სამმართველო, ევროპის საბჭოს საქართველოს ოფისთან ერთად.

პროექტის ოფიცერი
უშანგი ბახტაძე