2024 წლის 22 მარტს ევროპის საბჭომ უმასპინძლა კონფერენციას, რომელიც ეხებოდა ადამიანის უფლებათა ევროპული სასამართლოს გადაწყვეტილებების აღსრულებას. ღონისძიებაზე აქცენტი გაკეთდა საპარლამენტო ზედამხედველობის მექანიზმის როლზე ადამიანის უფლებათა ევროპული სასამართლოს გადაწყვეტილებათა აღსრულებაში.
გაერთიანებული სამეფოს პარლამენტის და ევროპის საბჭოს ადამიანის უფლებათა ევროპული სასამართლოს გადაწყვეტილებების აღსრულების დეპარტამენტის წარმომადგენლებმა, ეროვნულმა დაინტერესებულმა მხარეებმა, მათ შორის პარლამენტის, იუსტიციის სამინისტროს, სახალხო დამცველის ოფისის, ასევე სამოქალაქო საზოგადოების ორგანიზაციების წარმომადგენლებმა ერთმანეთს გაუზიარეს მოსაზრებები და ისაუბრეს ევროპული სასამართლოს გადაწყვეტილებების ეროვნულ აღსრულებასთან დაკავშირებულ პერსპექტივებსა და გამოწვევებზე.
ამავე კონფერენციაზე შედგა ევროპის საბჭოს პროექტის „ევროპული სასამართლოს გადაწყვეტილებების აღსრულების ხელშეწყობა საქართველოში“ დაწყების პრეზენტაცია. ეს პროექტი ფოკუსირებული იქნება საქართველოში შესაბამისი დაინტერესებული მხარეების აღჭურვაზე საჭირო ინსტრუმენტებით, რესურსებითა და ექსპერტიზით, რათა უზრუნველყოფილი იყოს ადამიანის უფლებათა სასამართლოს გადაწყვეტილებების სრულფასოვანი აღსრულება.
პროექტი ხორციელდება ევროპის საბჭოს საქართველოს 2024-2027 წლების სამოქმედო გეგმის ფარგლებში.
+99532 2913870/ 71/ 72