Back Երբ կանանց ու փոքրամասնությունների իրավունքները հատվում են՝ միավորվելով Հայաստանի Հանրապետության մարդու իրավունքների պաշտպանի աջակցությամբ

Երբ կանանց ու փոքրամասնությունների իրավունքները հատվում են՝ միավորվելով Հայաստանի Հանրապետության մարդու իրավունքների պաշտպանի աջակցությամբ

Կանայք և ազգային փոքրամասնությունների համայնքների անդամները հաճախ բախվում են խտրականության մի քանի պատճառներով, և երբ դրանք դիտարկվում են որպես առանձին խնդիրներ, դրանց լուծումը դառնում է ավելի դժվար։ Այս հարցին ավելի մանրամասն անդրադառնալու համար Մարդու իրավունքների պաշտպանի գրասենյակը համախմբել է իր երկու հանրային խորհուրդների նիստերը՝ մեկը՝ ազգային փոքրամասնությունների իրավունքների, մյուսը՝ կանանց իրավունքների հարցերով։ Նպատակն էր պարզել, թե որտեղ են այս խնդիրները հատվում, և գտնել ավելի արդյունավետ միջոցներ՝ պաշտպանելու նրանց, ովքեր ենթարկվում են երկու տեսակի խտրականության։

Եվրոպայի խորհուրդը աջակցել է միջոցառմանը՝ Հավասարության խթանումը և խտրականության բացառումը Հայաստանում» ծրագրի միջոցով՝ օգնելով ուղղորդել քննարկումը և որպես հղումային կետ օգտագործելով եվրոպական չափանիշները։

Նախորդ հանդիպումների հիման վրա համատեղ նիստը մասնակիցներին հնարավորություն տվեց ուսումնասիրել ընթացիկ խնդիրները և քննարկել հաջորդ քայլերը՝ խտրականության ենթարկվելու վտանգի տակ գտնվող խմբերի ավելի լավ պաշտպանության համար։ Հատուկ ուշադրություն դարձվեց երկու թեմաներին՝ փոքրամասնությունների լեզուների պաշտպանությանը և կանանց ներգրավմանը քաղաքական կյանքում և որոշումների կայացման դերերում։

Երևանում Եվրոպայի խորհրդի գրասենյակի ղեկավար Մաքսիմ Լոնգանգեն ընդգծեց կազմակերպության հարուստ չափորոշիչների և հանձնարարականների հավաքածուն գենդերային հավասարության, ռասիզմի և անհանդուրժողականության դեմ պայքարի, ինչպես նաև ազգային փոքրամասնությունների և փոքրամասնական լեզուների իրավունքների խթանման և պաշտպանության ոլորտներում։

Նիստերը հնարավորություն տվեցին քաղաքացիական հասարակության ներկայացուցիչներին ավելի շատ տեղեկանալ այս չափանիշների մասին։ Մասնակիցները քննարկեցին հայաստանյան հասարակությանը հուզող բարդ խնդիրներ, ինչպիսիք են մանկական և բռնի ամուսնությունը, հարսի առևանգումը և սեռի ընտրությամբ պայմանավորված աբորտը, ինչպես նաև այն խոչընդոտները, որոնք անհանդուրժողականության զոհերին թույլ չեն տալիս հաղորդել այս խնդիրների մասին։ Միջոցառման մասնակիցները նաև քննարկեցին, թե ինչպես լեզվական խոչընդոտները կարող են սահմանափակել կրթության, իրավունքների և ընդհանուր իրազեկվածության ոլորտների հասանելիությունը փոքրամասնությունների համայնքներում։

Հանդիպումը եզրափակվեց ընդհանուր համաձայնությամբ կազմակերպել աշխատանքային մակարդակի հանդիպումներ փոքրամասնությունների համայնքների քաղաքացիական հասարակության խմբերի հետ՝ նրանց կարիքները լսելու և համապատասխան միջոցառումներ մշակելու նպատակով։

Սույն միջոցառումը Եվրոպական միության և Եվրոպայի խորհրդի «Գործընկերություն հանուն լավ կառավարման» համատեղ ծրագրի մի մասն է, որը համաֆինանսավորվում է Եվրոպական միության և Եվրոպայի խորհրդի կողմից և իրականացվում է Եվրոպայի խորհրդի կողմից՝ « շրջանակներում։

ԵՐԵՎԱՆ, ՀԱՅԱՍՏԱՆ 15 ՍԵՊՏԵՄԲԵՐԻ, 2026թ․
  • Diminuer la taille du texte
  • Augmenter la taille du texte
  • Imprimer la page
Ո՞րն է ծրագրի նպատակը

Ծրագիրը նպաստում է ազգային շահագրգիռ կողմերի և գործընկերների գիտելիքների խորացմանը և նրանց միջև համագործակցության ընդլայնմանը՝ խտրականության և ատելության դեմ առավել լավ պայքար տանելու նպատակով։ Ծրագիրը ուժեղացնելու է ատելության խոսքի դեմ պայքարի ազգային միջոցները, նաև շարունակելու է աշխատանքը պետական կառույցների հետ՝ խտրականության և ատելության հիմքով հանցագործություններին ներպետական բարեփոխումներին համահունչ արձագանքելու համար։ Միաժամանակ, ծրագիրը համագործակցելու է ոչ պետական շահագրգիռ կողմերի և տեղական կառույցների հետ, որպեսզի վերջիններս առավել համապարփակ ըմբռնեն հավասարություն և բազմազանություն հասկացությունները և առավել հասանելի լինեն խոցելի խմբերի համար։ Ազգային ծրագրի համագործակցությունը տարածաշրջանային ծրագրի հետ կնպաստի լավագույն փորձի փոխանակմանը՝ տարածաշրջանային հարթակի ձևավորման միջոցով։

Նպատակն է բարելավել պետական և ոչ պետական կառույցների գործունեությունը խտրականության, ատելության և ռասիզմի դեմ պայքարելու ուղղությամբ՝ եվրոպական չափանիշներին համապատասխան:

Ծրագիրը իրականացվում է Եվրոպական միության և Եվրոպայի խորհրդի համատեղ «Գործընկերություն հանուն լավ կառավարման» ծրագրային ձևաչափի երրորդ փուլի ընթացքում՝ 2023-2027 թթ.-ին։ Ծրագիրը հիմնվում է Գործընկերություն հանուն լավ կառավարման առաջին՝ 2015-2018 և երկրորդ՝ 2019-2023 փուլերի հավասարության խթանման և հակախտրականության ոլորտում արձանագրած արդյունքների հիման վրա։

Որքա՞ն է ծրագրի տեվողությունը

Ծրագրի տևողությունն է 2023 թվականի մարտի 1-ից մինչև 2026 թվականի փետրվարի 28-ը։

Որքա՞ն է ծրագրի բյուջեն

► Ընդհանուր բյուջեն կազմում է 300 000 եվրո։
► Ծրագրի ձևաչափի ընհանուր բյուջեն կազմում է 19.3 միլիոն եվրո (Ծրագիրը 80%-ով ֆինանսավորվում է Եվրոպական միության և 20%-ով՝ Եվրոպայի խորհրդի կողմից)։

Ովքե՞ր են ծրագրի շահառուները

► Արդարադատության նախարարություն, Կրթության, գիտության, մշակույթի և սպորտի նախարարություն, դատական և իրավապահ մարմիններ
► Մարդու իրավունքների պաշտպանի գրասենյակ
► Քաղաքացիական հասարակության կազմակերպություններ
► Լայն հասարակություն

Ինչպե՞ս է իրականացվում ծրագիրը

Քաղաքականության/օրենսդրական աջակցության, կարողությունների զարգացման և իրազեկության բարձրացման գործողությունների համակցությամբ:

Ի՞նչ արդյունքի ենք ակնկալում հասնել

► Հայաստանում խտրականության, ատելության և ռասիզմի դեմ պայքարի օրենսդրական դաշտը համահունչ է եվրոպական չափանիշներին:
► Պետական կառույցները և Մարդու իրավունքների պաշտպանի գրասենյակը բարելավում են իրենց գիտելիքները խտրականության և ատելության խոսքի վերաբերյալ՝ եվրոպական չափանիշներին համապատասխան:
► Իրենց մանդատի շրջանակներում պետական կառույցները և իրավապահ մարմինները բարելավում են իրենց արձագանքները խտրականության և ատելության դեմ պայքարում:
► Հայաստանի լայն հասարակությունը բարձրացնում է խտրականության և ատելության բացասական հետևանքների մասին իր իրազեկվածության մակարդակը։

Հավելյալ տեղեկություններ

►Ծրագիրն իրականացվում է Եվրոպայի խորհրդի Խտրականության դեմ պայքարի  վարչության Խտրականության դեմ պայքարի համագործակցության բաժնի կողմից (Ժողովրդավարության հարցերով գլխավոր տնօրինություն)։
Գործընկերություն հանուն լավ կառավարման Վեբկայք՝ http://partnership-governance-eu.coe.int/

Էլ-հասցե՝ [email protected] 

► Երևանում Եվրոպայի խորհրդի գրասենյակ Վեբկայք՝ https://www.coe.int/yerevan
Էլ-հասցե՝ [email protected] 

 

TEDx ելույթներ․ բոլորս տարբեր ենք, բոլորս՝ հավասար։

All Different = All Equal.

At TEDxYerevanSalon 2026, we explored a world shaped by diverse cultures, perspectives, behaviours, and lived experiences, where equality cannot depend on uniformity of background, belief, ability, gender, or identity.

This edition called for strengthening Armenia’s collective understanding of human rights, fairness, and shared responsibility, moving beyond passive tolerance and reinterpreting traditions through the lens of human dignity, equality and the rule of law.

Speakers from different fields came together to show how valuing diversity can strengthen communities and shape a more equitable future.

 

 

 

Ապրիլի 22-ին Արդարադատության նախարար Սրբուհի Գալյանը խոսեց այն մասին, որ իրական փոփոխությունը սկսվում է այն ժամանակ, երբ կանայք դադարում են բացառություն լինելուց և դառնում են ընդունված նորմ։

Երբ համակարգերը ձևավորվում են արդարության, արժանիքների, համագործակցության և ընտրության ազատության հիման վրա, հավասարությունը դառնում է ոչ թե ձգտում, այլ իրականություն։

 

 

Դպրոցներն ու համալսարանները որպես ինքնության պահպանման տարածքներ։ Սա այն տեսակետն է, որը Ազգային ժողովի մարդու իրավունքների պաշտպանության և հանրային հարցերի մշտական հանձնաժողովի նախագահի տեղակալ Ռուստամ Բաքոյանը ներկայացրեց միջոցառմանը։

Մշակութային ինքնությունը չի կարող գոյատևել միայն ժառանգության շնորհիվ։ Այն պահանջում է հասանելի կրթություն։ Այս առնչությամբ նա ընդգծեց, որ լեզուն մշակութային գոյատևման բանալին է, և իրական մշակութային շարունակականությունը հնարավոր է ապահովել, եթե յուրաքանչյուր սերունդ կարողանա ապրել և փոխանցել իր մշակութային ժառանգությունը։

 

 

Հայաստանի արժանի աճի հետևում թաքնված է չօգտագործված ռեսուրս՝ այն մարդկանց տաղանդը, էներգիան և ներուժը, որոնց համակարգը կարող է թողնել իր հետևում։

TEDxYerevanSalon բեմում Հայաստանում ԵՄ պատվիրակության քաղաքական, մամուլի և տեղեկատվության բաժնի ղեկավարի տեղակալ Թոմաշ Օստրոպոլսկին փաստեց, որ մարդու իրավունքները ոչ միայն բարոյական շքեղություն են, այլև ամենագործնական ռազմավարությունը՝ կառուցելու այն անվտանգ և բարգավաճ երկիրը, որին մենք բոլորս ձգտում ենք։

 

TEDxYerevanSalon-ում «Հավասար իրավունքներ, հավասար հնարավորություններ» ՀԿ-ի նախագահ Անուշ Ասլանյանը պատմեց իր անկախությունը գտնելու պատմությունը։ Այն ոչ թե մեկուսացման մեջ է, այլ ինքդ քեզ գտնելու և լինելու հանգիստ ու հետևողական ընտրության միջոցով։

Եվ այս ընտրությունը ոչ միայն ազատագրում է ձեզ։ Այն դանդաղորեն փոխում է ձեր շրջապատի մարդկանց՝ աշխարհը դարձնելով մի փոքր ավելի ներառական՝ փոքր քայլերով, մեկ փոփոխություն՝ մյուսի հետևից։

«Գործընկերություն հանուն լավ կառավարման» (ԳԼԿ) ծրագիրը Եվրոպական միության և Եվրոպայի խորհրդի համատեղ նախաձեռնությունն է՝ Արևելյան գործընկերության տարածաշրջանում լավ կառավարումն ամրապնդելու համար:
ԳԼԿ-ն տրամադրում է նպատակային աջակցություն Արևելյան գործընկերության երկրներին՝ մարդու իրավունքների, իրավունքի գերակայության և ժողովրդավարության ոլորտներում իրենց օրենսդրությունն ու պրակտիկան եվրոպական չափանիշներին մոտեցնելու համար: Այն աջակցում է, մասնավորապես, Արևելյան գործընկերության երկրների ներպետական բարեփոխումներին՝ արդարադատության ամրապնդման, տնտեսական հանցագործությունների դեմ պայքարի, հավասարության ապահովման և խտրականության բացառման, կանանց համար արդարադատության հասանելիության խթանման և կանանց նկատմամբ բռնության դեմ պայքարի նպատակով: