Վերջին երեք տարիների ընթացքում Եվրոպական Միության, Եվրոպայի Խորհրդի և ազգային գործընկերների համատեղ ջանքերը կոնկրետ ուղղություններով բարելավել են երկրում արդարադատության ապահովման, կոռուպցիայի դեմ պայքարի և իրավունքների պաշտպանության ոլորտները: Ձեռքբերված արդյունքներին անդրադարձ կատարվեց ապրիլի 14-ին կայացած Տեղական ղեկավար կոմիտեի եզրափակիչ նիստում, որտեղ ազգային շահագրգիռ կողմերը և միջազգային գործընկերները քննարկեցին Եվրոպական Միության և Եվրոպայի Խորհրդի կողմից տրամադրված աջակցությամբ արձանագրված առաջընթացը և հետագա քայլերը:
Հայաստանում բարեփոխումներն արդեն տեսանելի տարբերություն են ստեղծում մարդկանց առօրյա կյանքում: Դատարաններն արդեն ավելի արագ են քննում գործերը՝ պարզեցված ընթացակարգերի կիրառման արդյունքում մինչև 80%-ով կրճատվել է համակարգի ծանրաբեռնվածությունը: Բողոքարկման նոր կառուցակարգերը և ուժեղացված երաշխիքները նպաստում են արդար, թափանիցիկ և մարդու իրավունքների եվրոպական չափանիշներին համապատասխանող դատական ակտերի կայացմանը։ Միևնույն ժամանակ, շուրջ 1000 մասնագետներ՝ այդ թվում դատավորներ և դատախազներ, բարելավել են իրենց հմտությունները՝ նպաստելով արդարադատության համակարգի նկատմամբ անձանց վստահության բարձրացմանը։ Բարեփոխումները միտված են նաև արդարադատությունն ավելի մատչելի և ներառական դարձնելուն՝ հիմք ընդունելով իրական կարիքների վերաբերյալ հավաստի տվյալները, ինչպես նաև վերապատրաստված մասնագետների միջոցով ապահովելով կանանց համար արդարադատության հասանելիությունը: Այս աջակցությունն ինստիտուցիոնալացվում է ազգային հաստատությունների կողմից ուսումնական համակարգերում ներդրման միջոցով՝ ապահովելով բարեփոխումների շարունակականությունը:
Ազգային հաստատությունները մեծացնում են կոռուպցիայի և տնտեսական հանցագործությունների դեմ պայքարին միտված ջանքերը: Ազդարարների իրավունքներն ավելի լավ են պաշտպանված իշխանությունների կողմից, քննիչներն ավելի շատ են կիրառում ապացուցահեն մոտեցումներ, իսկ պետական պաշտոնյաները հետևում են բարեվարքության և էթիկական վարքագծի վերաբերյալ ավելի հստակ ուղեցույցների: Բարելավված կառուցակարգերն օգնում են բացահայտել ֆինանսական հանցագործությունները, միաժամանակ վերապատրաստված քննիչների կողմից համակարգային արձագանք է տրվում ապօրինություններին։
Ավելին՝ խտրականության և ատելության կանխարգելմանն ուղղված շարունակական ջանքերը նպաստում են ավելի անվտանգ և ներառական միջավայրի ձևավորմանը: Իրավապահ մարմիններն ավելի արդյունավետ են արձագանքում ատելության խոսքի տարածմամբ դրսևորվող հանցագործություններին, լրագրողները խթանում են պատասխանատու լրագրությունը, իսկ ուսանողներն ու մանկավարժներն ակտիվորեն պայքարում են ատելության խոսքի դեմ: Մարդու իրավունքների պաշտպանի գրասենյակի կողմից մեծացվել է ատելության խոսքի արդյունքում տուժած անձանց ուղղված աջակցությունը, միաժամանակ բարելավված օրենսդրությունը և քաղաքացիական հասարակության հետ ավելի սերտ համագործակցությունն ամրապնդում են այս ոլորտում առավել լայն խմբերի պաշտպանությունը:
Հանդիպումը հնարավորություն էր ամփոփելու ձեռքբերումները և վերահաստատելու Եվրոպական Միության և Եվրոպայի Խորհրդի համատեղ հանձնառությունը՝ ուղղված Հայաստանում արդարադատության, հաշվետվողականությանը և հավասար իրավունքների ամրապնդմանը: Առաջ գնալով անհրաժեշտ է արձանագրել, որ «Գործընկերություն հանուն լավ կառավարման» ծրագրի հաջորդ փուլի հիմքում դրվելու են նկարագրված նվաճումները՝ շարունակելով աջակցել արդարադատության արդյունավետության, ներառականությանը և վստահելիությանը միտված բարեփոխումներին: Ազգային գործընկերների հետ սերտորեն համագործակցելով՝ ծրագիրը նպատակ ունի խորացնել իրականացված աշխատանքների ազդեցությունը և ապահովել, որ մարդկանց առօրյա կյանքում տեղ գտած փոփոխությունները դառնան տևական բարեփոխումներ:
Այս միջոցառումը Եվրոպական միության և Եվրոպայի խորհրդի՝ «Գործընկերություն հանուն լավ կառավարման» համատեղ ծրագրի մասն է, որը համաֆինանսավորվում է Եվրոպական միության և Եվրոպայի խորհրդի կողմից և իրականացվում է Եվրոպայի խորհրդի կողմից։
Կոնտակտներ