ევროპის საბჭო და ევროპის კავშირი საქართველოს მთავარ პროკურატურასთან თანამშრომლობით მართავს ტრეინინგს თემაზე “ფულის გათეთრებისა და ტერორიზმის დაფინანსების საქმეების გამოძიება და სისხლისსამართლებრივი დევნა; დანაშაულებრივი გზით მოპოვებული ქონების კონფისკაცია“. ტრეინინგში მონაწილეობას იღებენ საქართველოს მთავარი პროკურატურის, სახელმწიფო უსაფრთხოების სამსახურის, ფინანსთა სამინისტროს საგამოძიებო სამსახურისა და ფინანსური მონიტორინგის სამსახურის წარმომადგენელები.
აქტივობა მიზნად ისახავს გაზარდოს სამართალდამცავი ორგანოებისა და პროკურატურის წარმომადგენლების შესაძლებლობები მოახდინონ ფულის გათეთრებისა და ტერორიზმის დაფინანსების საქმეების გამოვლენა, გამოძიება და სისხლისსამართლებრივი დევნა, ასევე, განიხილონ დანაშაულებრივი გზით მოპოვებული ქონების კონფისკაციის ეფექტური მექანიზმები. პრაქტიკული კუთხით, მონაწილეებს აქვთ შესაძლებლობა აიმაღლონ ცოდა კონკრეტული კაზუსების განხილვით, რომელიც შემუშავდა ევროპის საბჭოს ექსპერტის მიერ საქართველოს კანონმდებლობის გათვალისწინებით.
ტრეინინგი წარმოადგენს ევროპის საბჭოს მიერ საქართველოსათვის განხორციელებული ტექნიკური დახმარების ნაწილს, რომელიც ხორციელდება პროექტის „ფულის გათეთრებისა ტერორიზმის დაფინანსების წინააღმდეგ ბრძოლა საქართველოში (ევროპის საბჭოსა და ევროპის კავშირის ერთბოლივი პარტნიორობა კარგი მმართველობისათვის) ფარგლებში.
