2016 წლის 22, 26 და 29 ივნისსა და 9-10 ივლისს ევროპის საბჭოს თბილისის ოფისი საქართველოს კომუნიკაციების ეროვნულ კომისიასა, საქართველოს საზოგადოებრივ მაუწყებელსა და რეგიონალურ მაუწყებელთა ასოციაციასთან ერთად ჩაატარა მარეგულირებლის, ნაციონალური, რეგიონალური და საზოგადოებრივი მაუწყებლის წარმომადგენლებისათვის ტრენინგები თემაზე წინასაარჩევნო კამპანიის დროს კომუნიკაციის კომისიისა და მაუწყებელთა უფლება-მოვალეობანი წინასაარჩევნო კამპანიის დროს.
ტრენინგების ფარგლებში ევროპის საბჭოს ექსპერტი წარმოადგინა წინასაარჩევნო კამპანიის მედიამონიტორინგის სახელმძღვანელო წესები და რეკომენდაციები, რომელიც შემუშავებულია საერთაშორისო პრაქტიკისა და მოქმედი კანონმდებლობის მოთხოვნებთან შესაბამისობაში. ევროპის საბჭოს ექსპერტმა მიმოიხილა მარეგულირებლისა თუ მაუწყებელთათვის სავალდებულო სპეციალური სამართლებრივი ნორმები რომლებიც მაუწყებელთა საპროგრამო ბადეს, უფასო და ფასიანი პოლიტიკური რეკლამის განთავსების წესებს, დაფინანსების წყაროს გასაჯაროებას, მედიის მიერ არჩევნების გაშუქების ეთიკურ სტანდარტებს, ასევე პოლიტიკური დებატების ორგანიზებასა და გამოკითხვის შედეგების გაშუქებას შეეხება.
ღონისძიება ორგანიზებულია ევროპის კავშირის და ევროპის საბჭოს ერთობლივი პროექტის „მედიის თავისუფლების, პროფესიონალიზმისა და პლურალიზმის გაძლიერების“ ფარგლებში. პროექტის იმპლემენტაცია 2015 წლის იანვარში დაიწყო და მთავარი მიზანია მედიის თავისუფლების, დამოუკიდებლობის, პლურალიზმისა და მრავალფეროვნების გაძლიერება; მედია კანონმდებლობის და ნორმების მიმოხილვა და მათი ევროპულ სტანდარტებთან შესაბამისობაში მოყვანა, მათ შორის მედია სექტორის წარმომადგენებისათვის, როგორც ეთიკური სტანდარტების, საკანომდებლო სფეროს იმპლემენტაციის, სამართლებრივი დაცვის საშუალებებისა, ასევე ჟურნალისტთა უსაფრთხოების გაძლიერება.