ევროპის საბჭოს ოფისის ხელმძღვანელმა საქართველოში და პოლიციის აკადემიის რექტორმა ხელი მოაწერეს საგრანტო ხელშეკრულებას, რომლის ამოცანაა დროებითი დაკავების იზოლატორების თანამშრომლებისათვის დისტანციური სასწავლო კურსის მომზადება. ტრენინგის პროგრამა მიზნად ისახავს მონაწილეთა აღჭურვას როგორც თეორიული ცოდნით შესაბამის სფეროებში (საკანონმდებლო ბაზა, ადამიანის უფლებათა დაცვის სტანდარტები, ჯანდაცვის სტანდარტები და სხვ.), ასევე პრაქტიკული უნარ-ჩვევების გაღრმავებას თავიანთი ფუნქცია-მოვალეობების შესასრულებლად. დისტანციური სწავლების პროგრამა ხელმისაწვდომი გახდება ყველა იმ პირისთვის, ვინც დროებითი მოთავსების იზოლატორში იწყებს მუშაობას.
საგრანტო ხელშეკრულება არის ერთ-ერთი ევროპის საბჭოს იმ აქტივობათაგან, რომელიც მიზნად ისახავს პოლიციის აკადემიის მხარდაჭერას დროებითი დაკავების იზოლატორების თანამშრომელთა სასწავლო პროცესის გაუმჯობესებისთვის. იგი გაფორმდა ევროსაბჭოსა და ევროკავშირის ერთობლივი პროექტის - „ადამიანის უფლებები და ჯანდაცვა საქართველოს ციხეებსა და დახურული ტიპის სხვა დაწესებულებებში II” – ფარგლებში, რომელიც აღმოსავლეთ პარტნიორობის ქვეყნებისათვის განკუთვნილ პროგრამული თანამშრომლობის ფორმატში ხორციელდება.
ვმუშაობთ ერთად ადამიანის უფლებების, დემოკრატიისა და კანონის უზენაესობის გასაძლიერებლად!
+99532 2913870/ 71/ 72