2023 წლის 15 მარტს ევროპის საბჭოს პროექტის „ადამიანის უფლებათა სტანდარტებისა და სწავლების იმპლემენტაციის გაძლიერება საქართველოში“ მმართველი კომიტეტის წევრებმა რიგით მე-2 შეხვედრა გამართეს.
თანამშრომლობის პროგრამების სამმართველოს აზერბაიჯანისა და საქართველოს დეპარტამენტის ხელმძღვანელმა, ბ-ნმა მაჰირ მუშტეიზადამ, მადლობა გადაუხადა ყველა პარტნიორს პროექტში აქტიური ჩართულობისთვის და დაგეგმილი შედეგების მიღწევაში შეტანილი წვლილისთვის.
საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის, ბატონი მიხეილ სარჯველაძის მისასალმებელი გამოსვლის შემდეგ, საორგანიზაციო კომიტეტის წევრები პროექტის აქტივობების შედეგებს გაეცნენ და განიხილეს მისი გავლენა სტუდენტებზე, იურიდიული პროფესიის წარმომადგენლებსა და პროექტის სხვა სამიზნე ჯგუფებზე.
მმართველი კომიტეტის წევრებმა საუნივერსიტეტო და ეროვნულ სასწავლო დაწესებულებებში ადამიანის უფლებათა სწავლების ხარისხის ამაღლების შესახებ იმსჯელეს. კომიტეტის წევრები თანხმდებიან, რომ მნიშვნელოვანია, შემუშავდეს ეროვნული სტრატეგია ადამიანის უფლებათა ევროპული სასამართლოს გადაწყვეტილებების აღსრულების შესახებ და ევროპის საბჭოსთან მჭიდრო თანამშრომლობის მზადყოფნას გამოთქვამენ.
მმართველი კომიტეტი პარლამენტის, იუსტიციის სამინისტროს, საქართველოს ადვოკატთა ასოციაციის, გენერალური პროკურატურისა და თბილისის სახელმწიფო უნივერსიტეტის წარმომადგენლებისგან შედგება.
