Back მონაცემთა ანალიზის ეფექტიანი დამუშავება - შეხვედრა საერთო სასამართლოების თანამშრომლებთან

მონაცემთა ანალიზის ეფექტიანი დამუშავება - შეხვედრა საერთო სასამართლოების თანამშრომლებთან

2020 წლის 9 დეკემბერს, საერთო სასამართლოების სტატისტიკის სამსახურების თანამშრომლებისთვის გაიმართა ტრენინგი სასამართლოებში მონაცემების ეფექტიანად შეგროვებისა და დამუშავების თაობაზე.

ტრენინგი მართლმსაჯულების ეფექტიანობის ევროპული კომისიის (CEPEJ) ორგანიზებით ჩატარდა და მას საერთო სასამართლოების 35 თანამშრომელი დაესწრო. ტრენინგზე განიხილეს საქართველოში სასამართლოების მიერ სტატისტიკის შეგროვების პრაქტიკები. საუბარი შეეხო იმ პრობლემურ მხარეებს, რაც არსებობს დღეს და საერთაშორისო ექსპერტების მიერ გაიცა რეკომენდაციები ამ პრობლემების გადაჭრისა და ეფექტიანობის გაზრდის კუთხთით.

წინამდებარე აქტივობა ორგანიზებულია ევროპის საბჭოსა და ევროკავშირის ერთობლივი პროექტის „სასამართლო სისტემის ანგარიშვალდებულებისა და ეფექტიანობის გაუმჯობესება და ადვოკატთა პროფესიონალიზმის ამაღლება საქართველოში“, პროგრამის "პარტნიორობა კარგი მმართელობისთვის" ფარგლებში.

9 დაკემბერი, 2020
  • Diminuer la taille du texte
  • Augmenter la taille du texte
  • Imprimer la page
პროექტის მიზანი

სასამართლო სისტემისა და ადვოკატთა ასოციაციის ქმედითობის, ეფექტიანობისა და გამჭვირვალობის ამაღლება საკანონმდებლო გარანტიების განმტკიცებით, მმართველობის პრაქტიკისა და სასწავლო შესაძლებლობათა მხარდაჭერით, ასევე, სასამართლო სისტემის შიგნით საქმისწარმოების პროცედურებისა და მენეჯმენტის პრაქტიკის გაუმჯობესებით.

პროექტის განხორციელების გზები
  • ევროპის საბჭოს საკონსულტაციო ორგანოებისა და მისი წევრი სახელმწიფოებისგან სამართლებრივი ანალიზის მიღება, საქმიანი კავშირების დამყარება და საუკეთესო პრაქტიკის გაზიარება;
  • CEPEJ-ის ინსტრუმენტების, რეკომენდაციების, მეთოდოლოგიისა და პრაქტიკული რჩევების გამოყენებით, საქართველოს მართლმსაჯულების სისტემის ეფექტიანობისა და ხარისხის გაუმჯობესება;
  • მჭიდრო თანამშრომლობის დამყარება  სახელმწიფო ორგანოებთან, სამოქალაქო ორგანიზაციებთან, აკადემიურ წრეებსა და პარტნიორ საერთაშორისო ორგანიზაციებთან;
  • პროექტის ფარგლებში მხარდაჭერილი ცვლილებების ინსტიტუციონალიზაციის გზით, შედეგების მდგრადობის უზრუნველყოფა;
  • PGG პროგრამის პირველი ეტაპის (2015-2018) ფარგლებში მართლმსაჯულების სფეროში მიღწეული შედეგების
მოსალოდნელი შედეგები

What do we expect to achieve? - professionalism of lawyers

  • მოსამართლეთა დანიშვნის, შეფასების, დაწინაურებისა და ანგარიშვალდებულების მარეგულირებელი სამართლებრივი აქტები გადახედილია და შეესაბამება ევროპულ სტანდარტებს;
  • სასამართლოს სერვისების ხარისხი გაუმჯობესებულია CEPEJ-ის ინსტრუმენტების გამოყენებისა და მოსამართლეებისა თუ სასამართლოს თანამშრომლების გადამზადების შედეგად;
  • სასამართლოს მომხმარებლები სარგებლობენ სასამართლო სისტემის ფუნქციონირების გაზრდილი ეფექტიანობით, ანგარიშვალდებულებითა და გამჭვირვალობით;
  • საკონსტიტუციო სასამართლო უფრო ეფექტიანად მუშაობს;
  • საქართველოს ადვოკატთა ასოციაციაში გაუმჯობესებულია პროფესიაში შესასვლელი ადაპტაციის პროგრამა, ხოლო მისი წევრები სარგებლობენ გაუმჯობესებული განგრძობადი განათლების პროგრამებით.
  • Diminuer la taille du texte
  • Augmenter la taille du texte
  • Imprimer la page
პროექტის ხანგრძლივობა
პროექტი დაიწყო 2019 წლის 1 ნოემბერს და გრძელდება 2023 წლის 1 მარტამდე.
პროექტის ბენეფიციარები
პროექტის ღირებულება
  • პროექტის სრული ბიუჯეტია 1,220,000 ევრო.
  • ბიუჯეტის 80%-ს აფინანსებს ევროკავშირი, ხოლო 20%-ს - ევროპის საბჭო. პროექტს ახორციელებს ევროპის საბჭო.
საკონტაქტო ინფორმაცია

საბჭოს ადამიანის უფლებათა და კანონის უზენაესობის დირექტორატი. კერძოდ, მართლმსაჯულებისა და სამართლებრივი თანამშრომლობის დეპარტამენტის სასამართლო რეფორმის სამმართველო, ევროპის საბჭოს საქართველოს ოფისთან ერთად.

პროექტის ოფიცერი
უშანგი ბახტაძე