ევროპულმა კომისიამ რასიზმისა და შეუწყნარებლობის წინააღმდეგ (ECRI), რომელიც ევროპის საბჭოს დამოუკიდებელ ექსპერტთა ორგანოა, გამოაქვეყნა დასკვნა 2023 წელს გაცემული რეკომენდაციების შესრულებასთან დაკავშირებით საქართველოს მიერ და ითხოვა  შემდგომი პრიორიტეტული ნაბიჯების გადადგმა

ხელისუფლებისთვის პირველი პრიორიტეტული რეკომენდაცია იყო ქართულის, როგორც მეორე ენის სწავლების საათების მნიშვნელოვნად გაზრდა უმცირესობათა სკოლებში. ECRI-თვის ცნობილი გახდა, რომ ორენოვანი საგანმანათლებლო პროგრამა, რომელიც 2020 წელს დაიწყო, გაფართოვდა და მასში მონაწილე სკოლამდელი დაწესებულებების რიცხვი 15-დან 34-მდე, ხოლო მონაწილე არაქართული სკოლების რიცხვი 35-დან 169-მდე გაიზარდა და საერთო ჯამში, 300-ს გაუტოლდა. ECRI იზიარებს მრჩეველთა კომიტეტის შეხედულებას ეროვნული უმცირესობების დაცვის ჩარჩო კონვენციის შესახებ (FCNM), რომელმაც დადებითად მიიღო ხელისუფლების სურვილი ქართული ენის სწავლების ხარისხის ზრდასთან დაკავშირებით, უმცირესობების ენების სწავლებისა და სწავლის დაცვის გათვალისწინებით და ორენოვანი სწავლების მოდელის დანერგვით. ECRI დადებითად აფასებს ხელისუფლების მნიშვნელოვან ძალისხმევას და ასკვნის, რომ ეს რეკომენდაცია სრულად იქნა შესრულებული. მეორე პრიორიტეტული რეკომენდაცია იყო უწყებათაშორისი კომიტეტის შექმნა, რომელშიც შევიდოდნენ სახალხო დამცველის ოფისის წარმომადგენლები, საერთაშორისო ორგანიზაციები და სამოქალაქო საზოგადოების შესაბამისი ორგანიზაციები, ადამიანის უფლებათა ეროვნული სტრატეგიის 2022-2030 წწ. თანასწორობის ნაწილის განსახორციელებლად. ECRI-ს არ მიუღია ინფორმაცია უწყებათაშორისი კომიტეტის, ან მსგავსი მექანიზმის შექმნის, ან ასეთი ორგანოს დაარსების რაიმე გეგმის შესახებ. ECRI სინანულით აღნიშნავს, რომ ასეთი ფორუმის შექმნა საშუალებას მისცემდა სტრუქტურირებულ და ფორმალიზებულ დიალოგს, განსაკუთრებით, ხელისუფლებასა და სამოქალაქო საზოგადოებას შორის. ECRI მიიჩნევს, რომ ეს რეკომენდაცია არ შესრულებულა.

ECRI და საქართველო