Փակ հաստատություններում բարեփոխումը հաճախ բարդ գործընթաց է, սակայն 2023-ից 2024 թվականներին Եվրոպայի խորհրդի «Ազատությունից զրկված անձանց իրավունքների պաշտպանության ամրապնդումը» համապարփակ ծրագիրը աջակցեց Հայաստանում տեղական իշխանություններին՝ պաշտպանելու ազատությունից զրկված անձնաց իրավունքները քրեակատարողական հիմնարկներում և ձերբակալված անձանց պահման վայրերում։ Արդարադատության, Առողջապահության և Ներքին գործերի նախարարությունների հետ սերտ համագործակցությամբ նախաձեռնությունը էական բարեփոխումներ է իրականացրել՝ ներպետական համակարգը եվրոպական չափանիշներին համապատասխանեցնելու համար՝ բարելավելով ինչպես ազատությունից զրկված անձանց բարեկեցությունը, այնպես էլ՝ ինստիտուցիոնալ արդյունավետությունը:
Ծրագրի հիմնական ձեռքբերումներից մի քանիսը ներառում են.
- Փորձագիտական աջակցություն՝ Արդարադատության նախարարությունից Առողջապահության նախարարությանը քրեակատարողական առողջապահության փոխանցման համար՝ խթանելով քրեակատարողական առողջապահության ինտեգրումը հանրային առողջապահությանը,
- Հեռաբժշկության ներդրում մասնագիտացված խորհրդատվությունների համար,
- Ուժեղացված հոգեկան առողջության և ինքնասպանությունների կանխարգելման մեխանիզմներ և վերապատրաստված անձնակազմ,
- Ռիսկերի և կարիքների գնահատման գործիքի ներդրում ազատազրկված անձնաց վերասոցիալականացման համար,
- Փայտամշակման կենտրոնի հիմնում ազատազրկված անձնաց մասնագիտական ուսուցման կազմակերպման համար,
- Քրեակատարողական հիմնարկների սոցիալական աշխատողներին որակավորման տրամադրում,
- Երևանի և Մասիսի պիլոտային ծրագրերով ձերբակալված անձանց պահման վայրերում ենթադրյալ վատ վերաբերմունքի դեպքերի արձանագրման բարելավում:
Այս նախաձեռնությունը Եվրոպայի խորհրդի ավելի լայն հանձնառության մի մասն է՝ աջակցելու Հայաստանին մարդու իրավունքների պաշտպանության ամրապնդման և քրեական արդարադատության համակարգի արդիականացման գործում: Համագործակցությունը հիմք է դրել կայուն, դրական փոփոխությունների համար՝ խթանելով ավելի վերականգնողական մոտեցումը, որը ողջունում է մարդասիրական վերաբերմունքը և ազատությունից զրկված անձանց հաջող վերաինտեգրումը: Այս ծրագրի բազմակողմ ձեռքբերումներն արտացոլում են ազատությունից զրկված անձանց իրավունքների պաշտպանության ոլորտում Հայաստանի ջանքերը։
Ծրագիրը ֆինանսավորվում է Եվրոպայի խորհրդի 2023-2026 թվականների՝ Հայաստանի համար գործողությունների ծրագրի շրջանակներում և իրականացվում է Եվրոպայի խորհրդի կողմից:
Սկիզբ՝ 2023թ․, հունվարի 1
ֆինանսավորում՝ 550,000 եվրո, 
