Այսօր նշվեց կարևոր իրադարձություն Հայաստանի քրեակատարողական բարեփոխումների համատեքստում․ 10 քրեակատարողական հիմնարկների սոցիալական աշխատողներին շնորհվեց որակավորում՝ համապարփակ վերապատրաստման ծրագրի հաջող ավարտից հետո: Միջոցառումը, որը համախմբել էր պետական մարմինների ներկայացուցիչներին, միջազգային գործընկերներին ու սոցիալական աշխատողներին, ընդգծեց քրեկատարողական հիմնարկներում սոցիալական աշխատանքի ոլորտում մասնագիտական զարգացման կարևորությունը և նշանավորեց ևս մեկ քայլ ազատազրկված անձնաց վերականգնման և վերաինտեգրման խթանման գործում:
Եվրոպայի խորհրդի, քրեակատարողական ծառայության և աշխատանքի ու սոցիալական հետազոտությունների ազգային ինստիտուտի սերտ համագործակցության շնորհիվ բոլոր տասը քրեկատարողական հիմնարկների սոցիալական աշխատողները ստացել են մասնագիտացված վերապատրաստում, որը միտված է վերականգնողական գործընթացին աջակցելուն նրանց կարողությունը բարձրացնելուն: Դասընթացը նրանց զինել է արդիական գիտելիքներով և հմտություններով, որոնք կարևոր են ազատազրկված անձնաց կարիքները բավարարելու համար:
Բացման խոսքում Երևանում Եվրոպայի խորհրդի գրասենյակի ղեկավար Մաքսիմ Լոնգանգեն ընդգծեց սոցիալական աշխատողների կենսական դերը քրեակատարողական հիմնարկներում՝ անվանելով նրանց «փոփոխության առաջամարտիկներ», որոնք էական հոգեբանական, սոցիալական և էմոցիոնալ աջակցություն են ցուցաբերում դատապարտյալներին։ Վերապատրաստման այս նախաձեռնությունը Հայաստանում ավելի մարդասիրական և արդյունավետ քրեակատարողական համակարգ կառուցելու ավելի լայն ազգային ջանքերի մի մասն է:
Եռամսյա վերապատրաստման ծրագիրը, որպես քրեակատարողական ավելի լայն բարեփոխումների հիմնաքար, տևական ազդեցություն է ունենալու: Սոցիալական աշխատողներից, որոնք այժմ ավելի լավ են հագեցված անհրաժեշտ հմտություններով, ակնկալվում է, որ կխթանեն այնպիսի միջավայր, որտեղ ազատազրկված անձինք կարող են ոչ միայն կրել իրենց պատիժը, այլև պատրաստվել հասարակության մեջ հաջող վերաինտեգրման: Այս առաջընթացը դիտվում է որպես կրկնահանցագործությունները նվազեցնելու և ավելի ապահով, ավելի ներառական հասարակություն կառուցելու կարևոր գործոն: Եվրոպայի խորհրդի շարունակական աջակցությամբ Հայաստանը կարող է զգալի առաջընթաց գրանցել ավելի արդար, ավելի ներառական հասարակություն ստեղծելու գործում, որտեղ քրեակատարողական համակարգի բարեփոխումը կվերածվի ճաղերի հետևում գտնվողների համար իրական հնարավորությունների:
Միջոցառումը կազմակերպվել է Եվրոպայի խորհրդի կողմից իրականացվող «Ազատությունից զրկված անձանց իրավունքների պաշտպանության ամրապնդումը» ծրագրի շրջանակներում, որն օգնում է ազգային իշխանություններին էլ ավելի խորացնել քրեակատարողական բարեփոխումները, քրեակատարողական առողջապահությունը և ազատությունից զրկված անձանց մարդու իրավունքների պաշտպանությունը: Ծրագիրը ֆինանսավորվում է Եվրոպայի խորհրդի 2023-2026 թվականների՝ Հայաստանի համար գործողությունների ծրագրի շրջանակներում և իրականացվում է Եվրոպայի խորհրդի կողմից:
Սկիզբ՝ 2023թ․, հունվարի 1
ֆինանսավորում՝ 550,000 եվրո, 
