2023 թվականի մարտի 15-ին տեղի ունեցավ «Ազատությունից զրկված անձանց իրավունքների պաշտպանության ամրապնդումը» և «Աջակցություն Հայաստանում պրոբացիայի ծառայության հզորացմանը» ծրագրերի համակարգող խորհուրդների (ՀԽ) առաջին համատեղ հանդիպումը՝ նշանավորելու այս երկու Ծրագրերի մեկնարկը և ընդունելու Գործողությունների ծրագրերը։
Բացման խոսքում Հայաստանի Հանրապետության արդարադատության փոխնախարար Լևոն Բալյանն ընդգծեց Եվրոպայի խորհրդի և Արդարադատության նախարարության միջև պրոբացիայի և քրեակատարողական ոլորտներում շարունակական համագործակցության կարևորությունը։
ՀԽ հանդիպմանը ներկա էր նաև ՀՀ առողջապահության փոխնախարար Արմեն Նազարյանը, ով կարևորեց քրեակատարողական հիմնարկի առողջապահական ծառայությունը Արդարադատության նախարարությունից Առողջապահության նախարարություն տեղափոխելու գործընթացը։ Նա շեշտեց, որ այս փոխանցման մանրակրկիտ պլանավորումն ու կազմակերպումը և ազատությունից զրկված անձանց տրամադրվող խնամքի շարունակականությունը էական նշանակություն կունենան ողջ գործընթացի համար:
Հանդիպման ընթացքում ներկայացվեցին երկու Ծրագրերի շրջանակներում ձեռք բերվելիք ընդհանուր նպատակներն ու արդյունքները, ինչպես նաև 2023 թվականի մարտ-դեկտեմբեր ժամանակահատվածի աշխատանքային ծրագիրը։ ՀԽ անդամները ներկայացրին դիտողություններ ու առաջարկություններ և հաստատեցին ընդհանուր ու 9-ամսյա աշխատանքային ծրագրերը:
Վերոնշյալ ծրագրերը ֆինանսավորում են Եվրոպայի խորհրդի՝ Հայաստանի համար իրականացվող գործողությունների 2023-2026 թթ․ ծրագրի շրջանակում։