Նոյեմբերի 25-ին կազմակերպվել է առցանց միջոցառում՝ դատավորների և իրավաբանների համատեղ հանդիպում՝ քննարկելու Եվրոպական դատավորների խորհրդատվական խորհրդի (CCJE) թիվ 16 կարծիքի իրականացումը, որը վերաբերում է դատավորների և փաստաբանների միջև փոխհարաբերություններին։ Միջոցառմանը մասնակցում էին իշխանությունների ներկայացուցիչներ, դատավորներ և փաստաբանական միությունների անդամներ Հայաստանից, Վրաստանից, Մոլդովայի Հանրապետությունից և Ուկրաինայից։
Թիվ 16 կարծիքն անդրադառնում է դատավորների և փաստաբանների հարաբերություններին՝ արդարադատության որակի և արդյունավետության բարձրացման նպատակով: Կարծիքը տալիս է արդարադատության գործում դատավորների և իրավաբանների համապատասխան դերերի գնահատականը և ներկայացնում է առաջարկություններ՝ փաստաբանների և դատավորների համար արդար դատավարության սկզբունքների արդյունավետ իրականացման համար, ինչպես նաև դատավարական հարաբերությունների բարելավման և միջազգային փորձի փոխանակման վերաբերյալ։
Դատավորների և փաստաբանների համատեղ հանդիպումը նաև նախաձեռնվել է ներկայացնելու նշված երկրների իրավաբանների և դատավորների փոխգործակցության մասնագիտական չափանիշների վերաբերյալ միջպետական հետազոտության արդյունքներն ու առաջարկությունները։
Միջոցառումը ստեղծել էր փորձի և կարծիքների փոխանակման ֆորում թե՛ ներքաղաքական, թե՛ տարածաշրջանային մակարդակներում` փաստաբանների պալատ-դատարաններ փոխհարաբերությունների ոլորտում առաջացած խնդիրների բարձրաձայնման համար։
Համատեղ հանդիպման ձևաչափը հնարավորություն է տվել մասնակից երկրներին արտահայտել իրենց մտահոգությունները երկու համայնքների մասնագիտական փոխգործակցության վերաբերյալ։
Միջոցառումը կազմակերպվել է Եվրոպական միության և Եվրոպայի խորհրդի կողմից ֆինանսավորվող «Փաստաբանի մասնագիտության հզորացում եվրոպական չափանիշներին համապատասխան» ծրագրի շրջանակներում , որն իրականացվում է Եվրոպայի խորհրդի ՝ «Գործընկերություն հանուն լավ կառավարման II» 2019-2022 թթ. ծրագրի կողմից։