Եվրոպայի խորհրդի աջակցությամբ և Հոգեբանների հայկական գիտական միավորում ՀԿ-ի անմիջական ներգրավմամբ 2022 թվականի սեպտեմբեր-դեկտեմբեր ամիսներին Աբովյան քերակատարողական հիմնարկում պիլոտավորվեց թերապևտիկ ծրագիր, որի նպատակն է բարելավել հոգեկան առողջության խնամքը Հայաստանի քրեակատարողական համակարգում։
Հարկ է նշել, որ Աբովյան ՔԿՀ-ն Հայաստանի 10 քրեակատարողական հիմնարկներից միակն է, որտեղ պահվում են ազատազրկված կանայք և անչափահասներ, որոնք էլ արդեն ծրագրի շահառուներ են։
Նոր թերապևտիկ ծրագիրն այժմ առաջարկում է հոգեբանական խորհրդատվության և թերապևտիկ ծավալուն ծառայություն (այդ թվում՝ խմբային թերապիա, անհատական հոգեթերապիա, վերականգնողական և մասնագիտական թերապիա, որոնք պացիենտներին ներգրավում են կլինիկական տեսանկյունից համապատասխան վերականգնողական հոգե-սոցիալական գործունեության տեսակներում և նրանց նախապատրաստում են ավելի անկախ կյանքին և/կամ ընտանքիներ վերադառնալուն։ Մասնագիտական թերապիան բուժման ծրագրի կարևոր մասն է կազմում և ապահովում է մոտիվացիա, սովորելու և հարաբերվելու հմտություններ, առաձնահատուկ կարողությունների ձեռքբերում և սեփական անձի գիտակցման բարելավում և զարգացում։ Չնայած թերապևտիկ ծրագիրը պիլոտավորվեց միայն Աբովյան քրեակատարողական հիմնարկում, այլ ՔԿՀ-ների աշխատակիցները նույնպես մասնակցեցին դասընթացներին։
Ի համալրումն այս նոր ծրագրի մշակման՝ նաև ստեղծվել է աջակցող թերապևտիկ և հոգատար միջավայր։ Վերանորոգվել և բարելավվել է այն սենյակի պայմանները, որտեղ կազմակերպվում է թերապևտիկ բուժումը՝ ստեղծելով ապահով և հյուրընկալ մի տարածք, որն էլ իր հերթին խթանում է շահառուների և աշխատակիցների միջև դրական հարաբերություններ հաստատելը։
Թերապևտիկ ծրագիրը մշակվել և սենյակը վերանորոգվել և կահավորվել է Հոգեբանների հայկական գիտական միավորում ՀԿ-ի դրամաշնորհի միջոցով, որը տրամադրվել է Եվրոպայի խորհրդի «Առողջապահության և մարդու իրավունքների պաշտպանության ամրապնդումը Հայաստանի քրեակատարողական հիմնարկներում» Ծրագրի կողմից, որն իրականացվում է Եվրոպայի խորհրդի կողմից և ֆինանսավորվում է Եվրոպայի խորհրդի Հայաստանի համար 2019-2022թթ. Գործողությունների Ծրագրով։