«Սոցիալական իրավունքների ամրապնդումը Հայաստանում» ծրագրի շրջանակներում, որն իրականացվում է «Հայաստանի համար իրականացվող գործողությունների 2023-2026թթ ծրագրի» ներքո, Հայաստանի Առողջապահական և աշխատանքի տեսչական մարմնի (ԱԱՏՄ) պատվիրակությունը երկօրյա ծանուցողական այց է կատարել Իտալիայի Աշխատանքի պետական տեսչություն (INL)։
Այցի նպատակն էր լավագույն փորձի փոխանակում՝ տեսչական կառավարման, պլանավորման և իրականացման ոլորտներում՝ հատուկ ուշադրություն դարձնելով ընթացակարգերի համապատասխանեցմանը միջազգային չափանիշներին, այդ թվում՝ Եվրոպական սոցիալական խարտիային։
Հայկական պատվիրակությունն ուսումնասիրեց իտալական գործընկերների փորձը տեսչական կառավարման, գործընթացների պլանավորման և իրականացման ուղղություններով։ Նրանք ծանոթացան արդյունավետ աշխատող տեսչության կառուցվածքին, գործառույթներին և հաջողված փորձին, ներառյալ Եվրոպական սոցիալական խարտիայի կիրառմանը։ Այցը նաև հնարավորություն ընձեռեց ուսումնասիրելու ավելի կոնկրետ հարցեր, ներառյալ ստուգման ընթացակարգերը, տվյալների վերլուծությունը, տեղեկատվության աղբյուրների օգտագործումը և հետախուզական հավաքագրման մեթոդները ՝ ստուգման թիրախներն ընտրելու մեթոդները:
Այս փորձի փոխանակման նպատակը Հայաստանի հաստատությունների կարողությունների զարգացումն է՝ սոցիալական և տնտեսական իրավունքների պաշտպանության ոլորտում, հատկապես աշխատանքային և աշխատավայրի սնատդարտների համատեքստում։ Բարելավված տեսչական մեթոդաբանությունների ընդունման և նպատակային կարողությունների զարգացման միջոցով այս նախաձեռնությունը աջակցում է հայկական իշխանություններին իրենց գործելակերպը եվրոպական չափանիշներին համապատասխանեցնելու հարցում և նպաստում է երկրում թափանցիկ, հաշվետու և իրավունքների վրա հիմնված տեսչական շրջանակի համակարգի ձևավորմանը։