O 11-to Europutne Konsilsko khidpe vash Dijalogo e Romane thaj Phirutnengere civilno societasar ka ikerel pes 29-30 aprilo 2021 online trujal e KUDO konferencijako sistemo.
O khidipe ka ikerel pes upral e khedime karakteristike thaj anticiganizmoski frekvencija so arakhena e Roma thaj e Phirutnengere komunitetura sar vi vash ipakto so kerel i COVID-19 kriza an kodo konteksto. E participantura si akhardine vi te prezentuin vi diskutuin diferentno civilno societakere aktiviteton vi Themengere aktivipa vi e lache praktiken vash maripe mamuj o anticiganizmo. O koncepto vash o kidipe shaj te arakhen le khate.
O khidipe ka:
- anel khetane diferentno Romane thaj Phirutnegere civilno societakere organizacijen thaj diferentno servison kotar Europako Konsilesko Sekretarijato save nisi sama pe sa bareder anticiganizmo;
- ovel ole cilo te buhljarel i kooperacija mashkar kadala organizacije thaj e Europutne Konsiolsko Sekretarijato vash maripe mamuj anticiganizmo;
- lel akumulirimi definicija thaj vi sostar doborom buhljarel pes o anticiganizmo, specijalno fokusosar upral karakteristike ande diferentno Thema membrura;
- del jekh buhlo dikhipe vash e relevantno legalno instrumentura, politike vi praktike vash maripe mamuj o anticiganizmo ande Europa thaj pe nacionalno nivelo;
- identifikuin diferentno autoriteton save nisi specifikani rola thaj responsibiliteto pe maripe mamuj o anticiganizmo thaj te diskutuin pes e shajutne hiva ande nacionalno legislacija, politika thaj praktika pashe phangle e maripasar mamuj o anticiganizmo;
- te dikhel pes sode baro si o anticiganizmo trujal eksperienco thaj lache praktikengo ulavipa, sar vi kotar e egzamplarura katar e civilno societenggere inicijative diferentno Themendar – membrondar.
So adzikerela pes khidipastar:
- te bajraren pes e dzanipena sostar kerel pes, sostar bajrol thaj save si e konsekvence kotar o anticiganizmo;
- bareder haljovipe pe Romane thaj Phirutnegere civilno societe thaj e instrumentura so isi olen thaj save so aktivno ka den kontribucija ano maripe mamuj o anticiganizmo;
- te bajrarel pes i sama kotar e Europutne Konsiloskere deipena palpale pe anticiganizmo thaj e instrumentura vi aktivitetura mamuj o anticiganizmo.
Sar ka selektirine pes e participantura vash o Dijalogo:
- trujal eksperienca thaj ekspertiza vash e prioritetura kotar o Europutne Konsilosko Strategikano Plano vash Romengi vi e Phirutnengi Inkluzija (2020-2025);
- geografikani participantongi reprezentacija pe nacionalno thaj regionalno nivelura vi trujal e Europutne Konsiloskere Thema membrura;
- bersha thaj gender balanso;
- akanutni vaj majpaluni kontribucija vaj projektosko implementiribe ande sfera kotar maripe mamuj o anticiganizmo;
- kontribucije pe buhljaripe thaj standardongo apliciribe mamuj o anticiganizmo thaj pe monitoriribe pe olengi implementacija;
- te shaj te keren buchi oralno vaj pe skrinisaribaski forma pe jekh katar e Europutne Konsiloskere oficijalno chiba (anglikani vaj fransikani) vaj pe romani chib;
- personal motivation.
O akharipe si phutardino vash e reprezentantura kotar e Romane thaj Phirutnengere civilno societakere organizacije.
E kandidatura saven so isi intereso musaj te kompletirinen e online Aplikacijakere Forma dzi pe 28-to marco, dopash rachi, Centralno Europaki Vrqama (CET).
E nakompletirime aplikacije, vaj e aplikacije so ka oven lendine pala o agoruno dzives, naj te len pes ano gindo.
- Aplikacijaki forma pe anglikani chib
- Aplikacijaki forma pe fransikani chib
- Aplikacijaki forma pe romani chib
Numa kadala so ka nakhen i aplikacija ka oven informirime.
Lenge notifikacija ka ovel bichaldi ano kurko kotar 5-9 aprilo 2021.
