4 ოქტომბერს ევროპის საბჭომ დაიწყო კასკადური ტრენინგების სერია პენიტენციური სისტემის თანამშრომლებისათვის პროფესიული გადაწვის პრევენციისა და აღმოფხვრის შესახებ.
24-საათიანი სამუშაო გრაფიკი და სხვა სამუშაო პირობები, რომლებიც დამახასიათებელია პენიტენციური სისტემისთვის, თანამშრომლებს პროფესიული გადაწვის მაღალი რისკის ქვეშ აყენებს. ეს თავის მხრივ ართულებს მსჯავრდებულებისათვის უსაფრთხოების უზრუნველყოფას და მაღალი ხარისხის მომსახურების გაწევას.
ტრენინგის კურსი მოიცავს სესიებს პროფესიული სტრესის მავნე ზემოქმედების შესახებ მსჯავრდებულთათვის მომსახურების გაწევის ეფექტურობაზე, გადაწვის პრევენციის სტრატეგიებზე, საკუთარ თავსა და პერსონალზე ზრუნვაზე და სხვა საკითხებზე. 10 დღის განმავლობაში ტრენინგ კურსში ჩაერთვება პენიტენციური სისტემის 75 თანამშრომელი, მათ შორის, სოციალური მუშაკები, ფსიქოლოგები, ფსიქიატრები და სამედიცინო პერსონალი. ტრენინგების შედეგად პენიტენციური სისტემის თანამშრომლებს შეეძლებათ თავიდან აიცილონ და აღმოფხვრან პროფესიულ გადაწვასთან დაკავშირებული პრობლემები და შეინარჩუნონ გაწეული მომსახურების ხარისხი უაღრესად დაძაბულ სამუშაო გარემოში.
ტრენინგი ორგანიზებულია პროექტის „ადამიანის უფლებებისა და ჯანდაცვის ხელშეწყობის გაძლიერება პენიტენციურ სისტემაში“ მიერ. პროექტი დაფინანსებულია საქართველოსთვის ევროპის საბჭოს სამოქმედო გეგმის ფარგლებში.
